أسطمبة عبوة عصير زبادو
العميل : السلام عليكم
ممكن عنوان وهاجي لحضرتك اليوم ممكن تفاصيل العنوان
المهندس منسي : اتصل بنا في الفروع التي تناسبك/ ماكينات تعبئة وتغليف:
عناوين فروع الشركة في هذا الرابط:
العميل : حضرتك متواجد في فرع إيه؟ ممكن أعرف مواعيد فرع غمرة لحد الساعة كام؟
المهندس منسي : المواعيد لحد الساعة 9 بس اتصل بيهم أحسن ممكن يكونوا في شغل بره
العميل : رقم الفرع في الرابط غلط
المهندس منسي : تقريباً ممكن تكون نقلت الرقم غلط ولا حاجة، مافيش غلط عندنا، كل الأرقام مضبوطة 100%
العميل : أنا دوست على الرابط الرقم بتاعه فرع غمرة اللي رد عليا بتاع فرع مدينة نصر
المهندس منسي : هو الرقم صح بس فرع تاني
العميل : عادي أنا ممكن آجي لحضرتك فرع باب الشعرية
المهندس منسي : آه هو الحركة دي عاملينها مش بهدف حاجة أكتر من إن لو الفرع ما ردش عليك الفرع التاني يرد عليك على أساس نفترض إن الفرع ده ما ردش ممكن يكون اللي بيرد على التليفون في الحمام، بيصلي، بياكل، بيشرب، نايم… فالفرع التاني يرد عليك على طول ويقدم لك الخدمة مضبوط
العميل : تمام مفيش مشكلة أنا هاجي لحضرتك حضرتك متواجد في فرع باب الشعرية صح؟
المهندس منسي : أنا مش موجود في الفروع، أنا بمر على الفروع كله، فحضرتك شوف لو الموضوع يستدعي وجودي أنا من العين دي قبل العين دي، ولكن إنت هتلاقي في ناس هناك زي الفل، متنقيين بناء على المبادئ والأخلاق والصدق في التعامل، اتعامل معاهم هتلاقيهم ناس زي الفل
العميل : تمام
العميل : أنا محتاج أعمل الاسطمبة بتاعت العلبة دي 500 مللي تكلف كام وتاخذ وقت قد إيه؟
المهندس منسي : سعر الاسطمبة أو ما يعادله بالجنيه مصري، وبتاخد من 35-45 يوم
العميل : وبعد ما أعمل الاسطمبة حضرتك بتعمل العبوات وتلزق الشرنك الجرام بـ 4 قروش بالنسبة للعبوة؟
العميل : إزيك يا حاج منسي أنا عايز بعد ما أعمل الاسطمبة حضرتك بتقول ، عايز آخد بعد كده منك المنتج نهائي، العبوة بالغطا بتاعها، بالطبة بتاعتها، بالشرينك، يعني أجيب لك الديزاين بتاع الشرينك وتعملهولي وتلصقهولي وتديني العبوة ملصوق فيها الشرينك أوديه المصنع يتعبى، تمام
العميل : عايز أعرف العملية كلها هتخش في أد إيه؟؟ عشان الراجل اللي عندك بيتكلم معايا في الشرينك أقل حاجة آخد منه طن، طب أنا عايز آخد منك المنتج نهائي، يعني الاسطمبة خلاص هنعملها على حسابنا، تمام.. نديك الديزاين بتاع الشرينك وناخد العبوات مثلاً على حسب الكميات اللي هناخدها ألف ـ ألفين ـ 3، يتركب فيها الشرينك وآخد منك المنتج نهائي
العميل : إنت قلت لي العبوة للاسطمبة، وبعد كده العبوة 4 قروش لكل جرام، على حسب وزن العبوة، ده بالنسبة للعبوة نفسها، عايز أعرف بالغطا ولا لأ؟ وعايز أعرف ليها طبة ولا لأ؟
العميل : ثاني حاجة تركيب الشرينك وتكلفته هتبقى أد إيه؟
المهندس منسي : هو أنا هديلك العبوة وأديلك السليف شرينك، وبعدين ممكن أديلك السليف شرينك مش طن، ممكن أديلك ربع طن بس، وهديلك المكن اللي يعمل الحاجات دي، أما أنا مش بنصنع للغير، أنا أصنع لك العبوة بس، يعني أصنع لك العبوة وأديهالك، وأصنع لك الشرينك وأديهولك، وأديلك المكنة اللي بتغلف الشرينك، إنما مش هجهز لك العبوة وأديلها لك كده متشرنكة جاهزة لا
العميل : حج منسي محتاجين نعرف مواصفات الاسطمبة
نوع الصلب الاكسسوار ومدة الضمان وكام عين وبتعمل كام زجاجة يا بشمهندس منسي
المهندس منسي : الصلب بيبقى موصف، عملية كام إزازة دي بتبقى أوبن، أنليمتيد، بدون حد أقصى يعني، مدة الضمان هي مضمونة مدى الحياة، اكسسوار إيه.. ما هو إحنا اللي مصنعينها
