أسعار أكياس تغليف
العميل : السلام عليكم كنت عاوز أسأل عن أسعار أكياس تغليف
المهندس منسى : هو حضرتك إحنا عندنا ماكينات تعبئة وتغليف ومواد التعبئة والتغليف بجميع أنواعها
العميل :
ده منتج حجمه 12 سم × 20 سم كنت عاوز تغليف كويس ليه عليه طباعة
هل متوفر عندك
المهندس منسى : يستحسن لو حضرتك بعت لنا عينة، لأنه بالنسبة لنا الصور دي ما بتنفعش، لازم عينة تبقى ملموسة عشان أقدر أعملك تصورات للتغليف بتاعه
العميل : عبارة عن لوف طبي العينة لسه مش متوفرة دلوقتي هو عبارة عن non woven polypropylene
ده شكل تغليف ليه موجود بره مصر هل تقدر تعمل لينا حاجة شبه كده وتكلفتها هتبقى كام؟
المهندس منسى : هي الكمية المطلوبة أد إيه؟
العميل : ثلاثة آلاف كمية مبدئية أنا لسه برخص المنتج
المهندس منسى : آه هو في عندنا طريقة إن إحنا نقدر نعمل لحضرتك أكياس بكميات قليلة 3000 ماشي، بس هي التكلفة هتبقى عالية، يعني لما أعملك 3000 كيس التكلفة هتبقى أعلى من إني أعملك 100 ألف كيس، يعني لو عملت لك 100 ألف كيس السعر هيبقى منخفض شويه، أما 3000 دي السعر هيبقى عالي
العميل : أنا طبعاً متأكد أن الكمية مع السعر هتختلف بس أنا لسه في إجراءات الترخيص ومقدرش آخد كمية كبيرة زي كده فقولي مثلاً الكمية الثلاثة آلاف هتبقى تكلفتها تقريباً كام؟
المهندس منسى : كنت محتاج بس أعرف المقاس، الأبعاد بتاعتك إيه؟ طول × عرض أد إيه؟
العميل : المنتج طوله 20 سم وعرضه 12 سم وارتفاع 1 سم
المهندس منسى : آه بالتأكيد هتسيب جزء من هنا وجزء من هنا وجزء من هنا عشان خاطر المنتج ما يبقاش داخل في الكيس حشر يعني، مضبوط؟
بالظبط لما نسيب 1.5 سم أو 2 سم من كل الاتجاهات يبقى الكيس هيبقى 17.5 مثلاً × 20
العميل : تمام بالظبط كده تقريباً تكلفة الثلاثة آلاف قطعة وعليهم طباعة هتبقى كام؟
المهندس منسى : هو تكلفة الكيس.. عموماً الكيس هيبقى مكوناته كالآتي: ورق مطبوع مبطن بالميتالايز بالبولي إيثيلين، ده سعر الكيس هيبقى 2.5 جنيه، 2.75 جنيه طب لو عملناه ورق ألومنيوم بولي إيثيلين، هيبقى الكيس في حدود 3.5 جنيه، 3.75 هي دي النوعيات اللي ممكن يتعمل منها الكميات الصغيرة، طب لو عايز أرخص شويه ورق بولي إيثيلين، يعني ورق بطبقة بلاستيك، ده هيبقى سعر الكيس في حدود 2 جنيه، 2.25 جنيه لو عايز بقى تتفرج على العينات أو كده من اللي أنا بقولك عليه دوت ممكن تراسلني على الساعة 7 أبعت صور لعينات ليها
العميل : تمام أنا كده محتاج حضرتك تبعت ليا الصور بس هبعت لحضرتك بعد الساعة 7 إن شاء الله
العميل : السلام عليكم ممكن حضرتك تبعت ليا صور عينات
المهندس منسى :
العميل : الأخير ده بكام؟ إنت قلتلي 3 أنواع ممكن تقولي صورة كل نوع معلش تاعبك معايا
المهندس منسى : راجع المحادثة هاتلاقي كل حاجة
العميل : أنا بس مش عارف أنهو صورة بتاعت أنهو نوع يعني الورق اللي عليه بولي إيثلين بس أنهو واحد والورق اللي عليه ميتالايز وبولي إيثيلين أنهي صورة
المهندس منسى : دي عبارة عن ورق على بولي استر على ألومنيوم على بولي إيثلين والورق واخد طبقة بلاستيك لامع
العميل : شكراً ليك طيب فين النوع اللي عبارة عن ورق مع بولي إيثيلين بس اللي بيكلف 2 جنيه للكيس
المهندس منسى : أوك نفسه بس هانرفع منه الألمونيوم والبولي إستر
العميل : آه شكراً جداً لحضرتك
المهندس منسى : أوك
