أسعار العبوات بأشكال متعددة
العميل : السلام عليكم
ممكن تفاصيل
المهندس منسي : عايز تفاصيل إيه؟؟ مش فاهم، حضرتك باعت لي صورة بتقولي ممكن تفاصيل، قولي عايز إيه واستفيض معايا في الكلام، كل ما تتكلم أكتر كل ما أقدر أخدمك أكتر
العميل : يا باشا السلام عليكم في الأول، عايزين نعرف العبوات دي أسعارها إيه بالأشكال ديت، وديت إزاز ولا بلاستيك، وبتشيل سعة أد إيه؟؟؟ ولو محتاجين منها في الكويت نعرف ناخد إزاي ونشحن إزاي؟؟؟ كده يعني، حاول تديني فكرة كاملة على الموضوع بعد إذنك يعني
المهندس منسي : آه هو إحنا بنصنع الاسطمبات الأول وبعد ما نصنع الاسطمبة بنشتغل عليها تنفيذ العبوة، يعني إحنا بنشتغل على البراندات، على الماركة، إن إنت بتعمل منتج ليك، أما ما عندناش إن إحنا نعمل عبوة ونبيعها ليك ولغيرك، ده مش تبعنا، إحنا عندنا بنعمل عبوات لشركات أدوية، وبنعمل مستحضرات تجيمل عالية، وبنعمل عبوات شركات مبيدات، وأسمدة، وزيوت بترولية… حاجات كتيرة قوي، ولكن بنعمل الاسطمبة الأول، الاسطمبة بتتكلف وبعدين الكمية اللي إنت عايزها، أما عملية العبوة بتاخد كام دي حضرتك اللي بتمليني عليها، والعبوات دي مش إزاز، العبوات دي بلاستيك من نوعية اسمها بي إي تي
العميل : السلام عليكم يا باشا معلش أنا ما اتشرفتش باسمك بس عشان أعرف أنا بتعامل مع مين؟
لو عبوة زي كده بالغطا بتاعها كام يكلفني القالب؟ ولو حبيت إن أنا أعمل منها كمية يعني أقل كمية ممكن تلزمني بيها كام ولا مفتوحة ولا كام؟ معلش أنا هغلبك بس لغاية ما نتفاهم وبعدين إن شاء الله يكون بينا تعاون وشغل، شكراً يا أستاذي
المهندس منسي : القالب بـ من غير الغطا
العميل : طيب والغطا الاقيه فين طيب
المهندس منسي : لو ما لقيناهوش في السوق ممكن نصنعه، سعر الاسطمبة بتاعته هتبقى في حدود 2 أو ما يعادله بالجنيه المصري، أما لو لقيناه في السوق أوردي موجود خلاص
العميل : صباح الفل يا باشا بعد سعر قالب العبوة وقالب الغطا كم يكلفنا لو محتاجين 100 ألف عبوة مع غطاها؟
المهندس منسي : عشان أقدر أقولك سعرها لازم أمسكها في إيدي وأوزنها وحاجات من دي، عشان أقدر أعملها حساب تكاليف
المهندس منسي : آه والله العبوة شكلها حلو آه، بس لازم أمسكها بإيدي مش حضرتك اللي تمسكها في إيدك، لازم أمسكها عشان أعرف أسعرها لك صح
العميل : يا باشا أنا عارف إنك لازم تمسكها في إيدك، عشان كده أنا بقولك في الفيديو ابعتلي عنوانك عشان أبعتها لك دي إتش إل توصلك وإنت بعد كده شوف الموضوع وامسكها واوزنها وبلغني بالتكاليف، بس ابعتلي العنوان
المهندس منسي : عناوين فروع الشركة في هذا الرابط:
