أشكال من العلب البلاستيكية الشفافة
العميل : مساء الخير يا باشمهندس أنا مايكل اللي كلمتك حضرتك من مطروح
المهندس منسي : أهلاً وسهلاً بك تشرفنا اتفضل أنا معاك
العميل : دي أشكال العلب اللي ممكن المكنة تعملها
المهندس منسي : آه دي أشكال المكنة ممكن تعملها، يعني مش بتعمل دي وبس، دي بتعمل حاجات كتيرة قوي من ضمنها الأشكال دي
العميل : دي مانيول مش أتوماتيك
المهندس منسي : لا دي نص أتوماتيك مش مانيوال
العميل : طيب فيها مقص ولا بيبقى منفصل ربنا يباركلك ولينا لقاء لو ربنا كرمني
المهندس منسي : هبعت لك رابط هتشوف الفيديوهات بتاعتها وهي شغالة، هو المقص بيبقى لوحده، والمكنة لوحدها، أنا مش فاهم حضرتك عايز اللي بتلحم وتقطع في نفس الوقت، ولا اللي بتصنع العلب، ولا اللي بتلحم بس؟؟؟
العميل : باش مهندس كتر خيرك، وألف ألف ألف شكر تعبتك معايا، التفاصيل بقى بتاعت القص والحاجات دي دي أكيد موجودة، أنا اللي كنت بتخيله هل بيبقى فيه المكنة بتسحب أتوماتيك من الرول وتكبس تبقى العلب متقطعة في الآخر أنا بجمعها متقطعة هي والغطيان؟ ولا أنا بكبسها مانيوال، بنزل البريس مانيوال وبعد كده باخدها أقطعها أنا على المقص؟؟ هو ده سؤالي
العميل : ما علينا بالتفاصيل الكتير دي أنا نازلك إن شاء الله هرتب حالي وأنزل، إن شاء الله جاي مش عارف أشكرك إزاي تعبتك معايا
العميل : أنا بس السؤال اللي كنت بسأله كمان الفرم بتاعتها هل حضرتك اللي بتوفرها لي؟ ولا في مكان بره حضرتك هتعملي عليه ريدكومنديشن؟ والفرم دي بتبقى غالية ولا رخيصة… كده يعني؟ وأنا مستني الرابط منك وألف ألف شكر
المهندس منسي : عادي إحنا اللي بنصنع الفرم، أو بنعلمك إزاي إنت تصنعها بنفسك، دي أو دي مافيش مشكلة
العميل : بجد ألف ألف شكر، وحضرتك بجد مثال للأخ اللي بيساعد ومهندس عظيم، شكراً ليك، وربنا يقدرني والأسبوع اللي جاي هنزل لحضرتك في أقرب فرصة، وهتصل بحضرتك عشان العنوان بالضبط عشان ما أتوهش في القاهرة، إنت عارف القاهرة متاحة، واعتبرني أخوك الصغير في مطروح أو إسكندرية وأتمنى حضرتك تيجي تصيف عندنا في مطروح عندنا شقق حلوة كتير جنب البحر، أتمنى إن حضرتك تيجي تصيف عندنا
المهندس منسي : https://m2pack.biz/?s=605
المهندس منسي : الرابط ده فيه أكتر من 200 فيديو، الصفحة الواحدة فيها 50 فيديو، هتلاقي تحت في منيو كده 1 ـ 2 ـ 3…. بيقلب ما بين الصفحات، الرابط نفسه فيه أكتر من 200 فيديو لنفس المكنة وهي بتعمل أشكال كتير ومتعددة
