أطبع أكياس بن سهلة الفتح لون أسود

العميل : السلام عليكم

لو سمحت كنت عاوز أطبع أكياس بن سهلة الفتح لون أسود وتصميم خفيف الكتابة بس على الكيس أقل كمية كعينة أد إيه بعد إذنك

المهندس منسي : هو إحنا عندنا الأكياس موجودة بضاعة حاضرة، هو عملية الأكياس حضرتك بتيجي تشرفنا بالزيارة في المعارض بتاعتنا تتفرج على أنواع الأكياس تبدأ تختار الشكل اللي هيناسبك، وبناء عليه بنقولك سعرها، ما أقدرش أحدد لك أسعار لأني عارف إن أغلب الناس بتسأل على الأسعار

المهندس منسي : ما أقدرش أحدد أسعار بناء على كيس إنت وصفتهولي، حضرتك بتيجي بتلاقي الأكياس قدامك بتختار الكيس اللي يعجبك بتقول أنا عايز زي ده، لأنه فيه خامات كتيرة، فيه في الأول 3 نوعيات، بعد الـ 3 نوعيات فيه سماكات مختلفة، في نوعية اسمها لامينيشن، وفي نوعية تانية اسمها ميتالايز، وفي نوعية تالتة ألومنيوم فويل، بعد كده تحت كل نوعية من دول حوالي 100 سماكة، و 100 سايز… على حاجات كتيرة يعني

العميل : تمام شكراً أنا كنت محتاج حاجة بسيطة للبن وطباعة بسيطة جداً وأقل تكلفة من أقل نوع أنا معرفش الـ 100 نوع اللي حضرتك بتحكي عليهم دول علشان أختار منهم أي حاجة بسيطة تنفع للبن وخلاص وأقل كمية طباعة أد إيه وبكام بس

زي كدا مثلاً اللوجو الاسم وكدا بس