أكياس التغليف في مجال العطارة والقهوة والبهارات
العميل : السلام عليكم ورحمة الله
المهندس منسي : عليكم السلام ورحمة الله وبركاته
العميل : أنا صاحب مؤسسة من السعودية تعمل في مجال العطارة والقهوة والبهارات
وحابب أتعرف على أنواع المغلفات والأسعار اللي عندكم أكياس التغليف
المهندس منسي : آه هو إحنا بنعمل كل أكياس التغليف، كلها بدون استثناء، أكياس تغليف العطارة، والقهوة، والبهارات…. كلها بنعملها إن شاء الله
23 × 15
29 × 18
34 × 23
العميل : زي دا
وخاصة المقاس دا 18 × 29 × 4 ألومنيوم بصمام وزيبر كم السعر بدون طباعة
المهندس منسي : هو في ميتالايز، وفي ألومنيوم فويل، وفي بيبر ألومنيوم فويل، وفي بيبر ميتالايز، فيستحسن لو حضرتك بعتلي كيس بالبريد وأنا أوزنه وأشوف فيه أد إيه وأقولك السعر بتاعه كام، أما هنا إنت باعتلي صورة، الصورة ديت أنا مش عارف الخامة السكنس بتاعها كام، ولا مكونات الخامة إيه، فإحنا لما نيجي نتكلم في المهندس منسي : المكونات الخامة أول حاجة النوع الأولاني بولي إستر ألومنيوم بولي إيثيلين، النوع الثاني بولي إستر ميتالايز بولي إيثيلين، النوع الثالث بيبر ألومنيوم بولي إيثيلين، النوع الرابع بيبر ميتالايز بولي إيثيلين، في بقى حاجة تانية اسمها لامينيشن، أصل الشغل في الأكياس متشعب قوي
العميل : أنا متابع لشركتكم على اليوتيوب من زمان الكيس اللي بقولك عليه ألمنيوم من الداخل والخارج بفلتر وزيبر إغلاق مقاس 4 × 29 × 18
العميل : المكنة اللي بتعمل زبدة الفول والسمسم بكم؟
المهندس منسي : هي المكنة اللي بتعمل زبدة الفول والسمسم كنا بنجيب نوعية واحدة عامله 3 آلاف ، فكان العميل بتاعنا بيكش منها، السعر كبير عليه، فعملنا مكنة جديدة بـ، وعملنا مكنة تانية بـ 350 ، على أساس إن الحركة تمشي أكتر، لأن لاحظنا إن العميل كاشش من السعر الكبير، هو عايز حاجة لسه هيبدأ بيها وعايز يجرب حظه، فمش هيجرب حظه بحاجة بـ، ممكن يجرب بـ، ممكن يجرب بـ 350 ، فعملنا مكنتين مكنة بـ، ومكنة بـ 350 ، ومكنة تانية بـ 750
العميل : ممكن رابط اليوتيوب بتاعها
المهندس منسي : بص هو المكن الجديد ده لسه ابتكار يعني تحت التجربة، أنا بعمل الرسومات الأول، وبعد ما أعمل الرسومات بعملها حاجة اسمها محاكاة على الكمبيوتر، أشوفها وهي شغالة رسم على الكمبيوتر، مش شغالة فعلي، وبعد كده أبعت الصين أعمل قطع الغيار، وبعد ما أعمل قطع الغيار أقوم مجمعها ومشغلها، فهي خلاص اشتغلت هناك معايا، ولكن لسه ما جلناش فيديوهات ليها هنا، اللي هو المكن الجديد أبو 350 ، و، و 750 ، أما أم دي موجودة عندنا على طول، دي عاملينها قبل كده وشغالين فيها من سنة 2006
المهندس منسي : نتائج البحث عن 810 ـ تعبئة وتغليف:
المهندس منسي : ودي مجموعة فيديوهات للمكنة اللي هي أم ، مجموعة فيديوهات كتيرة، ممكن تتفرج على أكبر كمية من الفيديوهات دي بحيث إنها تطلع لك فكر جديد
العميل : أنا شفت يوتيوب لمكن بـ تركي وصيني وعن طريق القناة بتاعكم على اليوتيوب
مشروع رائع بكل المقاييس يناسب المبتدئين في التجارة، فقط أنا مجرد مقترح للمشروع ولست البائع:
فيديو من خالد الشليل
المكن تركي وصيني مش بتاعكوا
وأنا شفت على قناتكم مكن بس بكم مش عارف
تجربة ماكينة عمل الطحينة من السمسم وزبدة الفول السوداني موديل 810 التي نقدمها نحن شركة المهندس منسي:
المهندس منسي :آه أنا عارف إن هوه في الفيديو ده، ده اسمه خالد الشليل عارفه آه، هو تقريباً سعودي من أصل يمني، أعتقد كده يعني، هو المكنة اللي عارضها دي بتطحن آه، بس الدياربولتي بتاعتها ضعيفة، يعني الاستمرارية بتاعتها هتبقى ضعيفة، هو شهر ومش هتلاقي الحجر بتاعها، ليه؟؟ لو لاحظت حضرتك في حاجة اسمها ماسورة الربيت، الماسورة دي بتعمل إعادة للطحن، يعني المفروض إنها بتاخد السوائل وتطحنها، بتاخد السوائل اللي هي الشيكولاته والزبدة والحاجات دي وتطحنها، مش تاخد الحبوب وتطحنها، المفروض تاخد الحبوب بعد ما اطحنت وتطحنها، يعني دي مرحلة طحن ناعمة مش مرحلة طحن خشنة، فهمتني، في فرق بين مرحلة الطحن الناعمة ومرحلة الطحن الخشنة، فمش هي نفس المكنة بتاعتنا 810 لا، المكنة 810 بتاعتنا أول حاجة الإمكانيات بتاعتها أعلى من كده، يعني 3.6 اقرى الفولت بتاعها واقرى القوة بتاعتها واقرى المواصفات بتاعتها كويس هتلاقيها مختلفة تمام الاختلاف عنها
هي ممكن تبقى متفقة معاها بس في الشكل، إنما مش متفقة معاها في الأداء والتشغيل
العميل : سعودي من القصيم أعرفه شخصياً وأخذت عنده دورات كثير في المعهد بتاعه أنتم أصحاب صنعة وأدرى بالمكن أكثر مني ومنكم نستفيد
المهندس منسي : آه هو حد نحسبه على خير، يعني حد بينشر المعلومة، فهو بيجتهد، بيحاول يجتهد ما شاء الله، اللهم لا حسد، بيحاول يجتهد جامد في نشر العلم، ولكن هقول لحضرتك على حاجة، هي القصة في إيه؟؟ القصة إني مش هبقى تاجر، وفي نفس الوقت، مهندس، وفي نفس الوقت مقاول، وفي نفس الوقت… حاجات كتيرة، لازم هيبقى في حاجات تقع مني، لازم، يعني النهاردة كويس إن الراجل قدر يجيب لكم معلومات من هنا ومن هنا، ويجتهد ويعمل قناة، الراجل يعني يشكر، مش المفروض إن تكون معلومات العلمية 100%، ممكن تكون 95%، ولو 85% ولو 75% الراجل أدى اللي عليه ونرفع له القبعة ونرفع له تعظيم سلام، هو أنا ما أعرفوش، ولكن من الشخصيات اللي أنا بحترمها وأقدرها، هو أنا بقولك سعودي من أصل يمني ليه؟؟ لأني لقيته دايماً في مقالاته أو نشره بيثني على اليمنيين ثناء حسناً، مايل على اليمنيين قوي يعني، ولكن دي فلسفته، ولكن فلسفة أخوك المهندس منسي ماعنديش شعب يمني، وشعب سعودي، وشعب مش عارف إيه.. لا إحنا كلنا عرب، أنا لما كنت في ألمانيا كنت بقول أنا العربي، ما كنتش بقول أنا المصري
المهندس منسي : وحتى لو حضرتك دورت على النت بمجلة الأمة العربية، هتلاقيني عامل مجلة باسم مجلة الأمة العربية، طب ما أنا كان ممكن أقول مجلة الأمة المصرية على أساس إن أنا مولود في مصر يبقى تحيزي لمصر، ولكن هو نصيبي إن أنا اتولد في مصر، إنما أنا عربي، أنا ابن الأمة العربية، واللي أفتخر إني أكون منها
العميل : صحيح لأن اليمنيين أصحاب لسان مقنع في السوق بأي طريقة صح أو غلط المعذرة أخذت من وقتك وشغلك كثير
العميل : تسلم يا غالي بس لسه صائمين وعندي سكري ممكن أروح فيها إن شاء الله نتقابل بعد العيد
المهندس منسي : ألف ألف ألف سلامة عليك يا غالي، هو دلوقتي سمعت إن السكري فيه علاجات ليه، تقريباً، سمعت إن فيه علاجات دلوقتي للسكري وبتنهي السكري خالص
العميل : شركات الأدوية مش عايزه
