أكياس فاكيوم جميع المقاسات من شركة مهندس منسي

العميل: ألو سلام عليكم، شركة المنسي؟

المهندس منسي: أيوة.

العميل: حضرتك مش عندكم أكياس فاكيوم برضو؟

المهندس منسي: عندنا أيه؟

العميل: أكياس فاكيوم.

المهندس منسي: عندنا أة.

العميل: طب حضرتك احنا كنا ضربنا من كام يوم كدة أكياس فاكيوم في مقاس 17.5 أو فيما يقرب لغاية 27.5، أخبار الأكياس أيه؟ هو حضرتك في الأول كنت بتقول ان مفيش عينة أو مفيش كمية تكفي والكلام دة، هل نزلت الكمية ولا لاء؟

المهندس منسي: هو حضرتك دفعت عربون؟

العميل: لاء، هو حضرتك كنت هتجهزها واحنا هنيجي ناخدها على طول، حضرتك قلت هتشوف كام يوم كدة هتكون جهزت.

المهندس منسي: يعني هجهزها من غير فلوس؟!

العميل: لاء احنا هناخد، حضرتك اللي قلتلنا هتشوف هيبقى عندك كميات أيه تاني يعني كدة، قلت أكيد مش هتوصللي مخصوص، احنا مش هناخد كميات كتير في الأول يعني، لازم نجربكوا الأول، طبيعي!.

المهندس منسي: أة أة أة، طب تعالى جربنا، خد عينات وشوف.

العميل: ماهو أنا محكوم دلوقتي بماكينة الفاكيوم اللي عندي دي كلها.

المهندس منسي: أنا بالنسبالي مش هقدر اشتغل غير أما اخد عربون، مش هقدر اشتغل في شغل حضرتك غير ما اخد عربون، انت ممكن تعمل حاجة، ممكن تشرحلي، أو انا هحللك المشكلة، بص يا سيدي، انت ممكن تاخد ماكينة لحام ومعاها رول، وات إيفر أي كان مقاسها، وتفصل انت الأكياس دي، معايا؟

العميل: تمام، الجاهز أحسن بصراحة يعني، دة لو مكانش عندي ماكينة أكياس كمان.

المهندس منسي: لا ماهي عندي، عندنا دي بـ 2000 جنيه، واخد بالك؟ ماهو اللي انت هتجهزه دة هيبقى زي الجاهز بالظبط، بالعكس دة اللي انت هتعمله على ايدك دة أفضل من الجاهز؛ لأنه انت عامله متأكد من صلاحيته كلها واحدة واحدة، فهتمني؟

العميل: أممم.

المهندس منسي: ماشي يا باشا.

العميل: ماشي، يعني انت معندكش مقاس قريب من عندك هنا، عشان مطوخش المشوار على الفاضي؟

المهندس منسي: لاء أنا عندي مقاسات، بس أنا مش متذكر المقاسات أيه، فحضرتك ممكن تيجي تشرفنا تتفرج على المقاسات، عجبك عجبك، معجبكشي ممكن تاخد ماكينة معاها رول، يعني قدامك الحلول دي كلها، ماشي؟

العميل: ماشي.

المهندس منسي: مع السلامة.

العميل: مع السلامة.