أكياس كلور

العميل : السلام عليكم محتاج أكياس شكل دي

المهندس منسي : آه إحنا بنصنع كل أنواع الأكياس، كل أنواع الأكياس بدون استثناء، عندنا أكياس الميتالايز، وأكياس الألومنيوم، وأكياس اللامينيشن، وأكياس الورق ميتالايز… فأنواع الأكياس كتيرة قوي، فحضرتك تشرفنا بالزيارة تتفرج على الخامات وتنقي الخامة اللي تعجبك وبناء عليها فريق المبيعات عندنا هيهندل معاك الموضوع، ويرتب الدنيا معاك يعني

العميل : بإذن الله هتعملي نفس الكيس ده بنفس الخامة والألوان لكن هنغير الكتابة اللي عليه

والتكلفة هتكون حوالي كام للطن؟

المهندس منسي : بص هو إنت بعتلي صور أكياس بالصدفة كده قعدت أمقق عيني في الصور لقيت الكيس بتاعك كيس مخصوص للكلور، فأكياس الكلور بالذات لها تعامل خاص، لأن كيس الكلور بينفخ، فلازم يتعمل من خامة مخصوصة اسمها بولي أميد مبطن بالبولي إيثيلين، وكمان لازم ياخد طبقة بولي إيثيلين من ورا لونها أسود، ولو عايزها ألومنيوم فويل ممكن تبقى بولي أميد ألومنيوم فويل بولي إيثيلين، ولازم البولي إيثيلين يكون أسود عشان الكلور بيتأثر بالضوء فالأكياس بتنفخ، فمش عارف إزاي هقدر أحسب لك حسبة وتوليفة كده على الشات؟؟ مش عارف، عشان كده يعني قولت لحضرتك تعالى شرفنا بالزيارة