استفسار عن مكينة تعبئة السكر والأرز والبقوليات
العميل : السلام عليكم
معاك محمد من المنصورة
المهندس منسي : عليكم السلام ورحمة الله وبركاته
العميل : استفسار عن مكينة تعبئة السكر والأرز والبقوليات
المساحة إيل لزمه لي المكنة
مواصفتها، سعرها، خدمة ما بعد البيع لي الصيانة، والسعر، والاستلام
المهندس منسي : آه موجودة آه، موجودة مكنة تعبئة السكر والبقوليات آه، في نص أتوماتيك وفي أتوماتيك كاملة
العميل : طيب يعني أسعار الأتوماتيك والنص أتوماتيك، وهل يعتمد على مساحة كبيرة ولا مساحة صغيرة؟
المهندس منسي : هو النص أتوماتيك سعرها، والأتوماتيك 4
هي عملية المكان ما بتستهلكش مكان، هي بتاخد في حدود متر × متر × ارتفاع حوالي 1.75 متر، أما النص أتوماتيك بتاخد في حدود متر × متر × ارتفاع متر ونص
العميل : الكهربه كهربت البيت العادية ولا كهربه معينة؟
المهندس منسي : كل ماكيناتنا كهرباء عادية
العميل : بي النسبة لي الرول الأكياس ممكن أعرف منك اسم شركة بتصنعه على حسب منه عاوز اسم الغلاف وكدا
المهندس منسي : آه ما هو إحنا بنصنع الرولات، وبنصنع الأكياس، وبنقدم المكن بتاع التعبئة والتغليف، ولكن سعر الرولات بالذات مش زي سعر المكن، يعني حضرتك بتيجي تختار الخامة اللي عايزها وبناء على الخامة دي بنقولك آه سعرها هيبقى كذا
المهندس منسي : لو مش هتقدر تيجي ممكن حضرتك تبعت لنا عينات زي اللي عايز زيها بالبريد وإحنا ناخدها نعرف لك الخامة بتاعتها عبارة عن متركبة من إيه وبنقولك سعرها هيبقى كذا
العميل : تقريباً سعر الطن الأكياس في المتوسط
تقريباً
اسم المصنع والعنوان ورقم التليفون مطبعون طبعاً واسم المنتج سواء كان رز أو سكر أو أي بقوليات
المهندس منسي : زي ما قلت لحضرتك قبل سابق مش هقدر أتكهن بسعر الأكياس هتبقى كام، ولكن هو الأسعار بتبدأ من 40 جنيه وإنت طالع
العميل : بي النسبة إذا طلبت المكينة إن شاء الله مهندس بيجي يشغله ويعرفنه طريقت التشغيل
المهندس منسي : بالنسبة لعملية التشغيل وطريقة التشغيل إحنا عاملين فيديوهات أد كده، إزاي تشغل، إزاي تصين، إزاي تنظف… كل حاجة، بنعمل إحنا بقى إيه؟؟ بنشغل لك المكنة هنا في مصر، وبنسجل لك شرح المكنة من الإيه تو زد وتجربة من الإيه تو زد وبعد كده بنبعتها لك ومعاها الفيديوهات اللي عملناها
العميل : إذا طلبت المكينة وقت أد إيه على ما أستلمه
إذا حصل عطل في الماكينة
كيفيت التعامل معاه عن طارقو ولا بعد الاستلام مالكوش دعوة بي المكينة؟
المهندس منسي : هو إحنا بنشحنها لك بتاخد 5 أيام تقريباً، أما بالنسبة للأعطال والحاجات ديت إحنا شارحينها على النت، إحنا شارحين كل حاجة على النت، شارحين إزاي تغير قطع الغيار وإزاي تستبدلها، طيب لو حضرتك مش عارف تتعامل مع الإنترنت سيادتك بتعمل إيه؟؟ بتجيب كاميرا وبتركبها عندك ومن خلالها بنعرف نتواصل معاك، بنقولك شغل المكنة بتشغل المكنة، بنقولك وقف المكنة بتوقف المكنة، هتعمل كذا كذا كذا، وبنعملك تجربة هنا إزاي تشيل الحتة وتركبها
وبعدين إحنا بقالنا دلوقتي من سنة 2006 ما تعرضناش لمشكلة الحمد لله بفضل من ربنا، إحنا عندنا فروع في كل حتة، وبايعين لأغلب الدول العربية، ما اتعرضناش لمشكلة من المشاكل دي
المهندس منسي : إحنا الشركة الوحيدة على مستوى الوطن العربي اللي رافعة فيديوهات كتيرة للصيانة وفك وتركيب المكن على الإنترنت، وما خفناش من المنافسة ولا خفنا من حاجة يعني، لأن إحنا شركة صناعية وليس تجارية، يعني إحنا مش بنروح نجيب مكنتين 3 وبنيجي نبيعهم، لا إحنا بنجيب قطع الغيار وبنجمعها، ففاهمين إحنا بنعمل إيه، والمكن بتاعنا مسهلينه على الآخر وعشان كده بقينا ماركة عالمية وبراند عالمي
العميل : بعد إذن حضرتك ممكن أعرف إنتاج المكنة كام كيلو في الساعة
المهندس منسي : بالنسبة للنص أتوماتيك تعملها في حدود نص طن، 600 كيلو في الساعة، بالنسبة للأتوماتيك تعملها في حدود 2 طن في الساعة
العميل : ممكن عنوان الشركة بحث آجي وأشوف على الطبيعة
وأقرر بالنسبة لي نوع الأكياس والمكنة
المهندس منسي : اتصل بنا في الفروع التي تناسبك / ماكينات تعبئة وتغليف
عناوين فروع الشركة في هذا الرابط:
العميل : هل المكنة معاه سير تغذية وكمبروسر هوه ولا السعر شامل المكنة فقط
ممكن الرد
المهندس منسي : هو سير التغذية والكمبروسر ده حاجة لوحدها، سير التغذية ده حاجة، والكمبروسر ده حاجة، وبعدين أنا بعت لحضرتك رابط فيه مبيعات الشركة هو حضرتك ما فتحتوش أساساً؟؟
العميل : كام سعره سير التغذية والكمبروسر وسير الخروج
المهندس منسي : بص في رابط أنا بعتهولك قبل سابق، حضرتك دوس على الرابط ده هتلاقي فيه تليفون المبيعات، تابع بقى معاهم
