استيكر علامات مائية من شركة المهندس منسي

العميل: السلام عليكم

المهندس منسي: عليكم السلام ورحمة الله وبركاته

العميل: شركة المهندس منسي

المهندس منسي: أيوه

العميل: ألو

المهندس منسي: اتصل معاك

العميل: أ/ زكريا ولا مين؟

المهندس منسي: نعم؟؟

العميل: أ/ زكريا

المهندس منسي: المهندس منسي معاك

العميل: أنا كنت بسأل حضرتك على استيكر علامات مائية

المهندس منسي: عندنا آه

العميل: سعره كام؟

المهندس منسي: إنت عايز كمية أد إيه؟

العميل: أنا هشوف كده الكمية أد إيه وهتابع مع حضرتك، عايز مثلاً السعر عامل كام؟

المهندس منسي: ما هو السعر بيتحدد على الكمية والديزاين واللوجو وكده يعني

العميل: تمام خلاص ماشي، هوه حضرتك متواجد على طول ولا أ/ زكريا؟

المهندس منسي: أنا متواجد آه

العميل: طيب ماشي، أنا شويه كده وهديك تليفون، شكراً جزيلاً

العميل: السلام عليكم

المهندس منسي: عليكم السلام ورحمة الله وبركاته

العميل: بقول لحضرتك يا باش مهندس الألف ستيكر بكام؟

المهندس منسي: ألف استيكر إيه؟

العميل: اللي هوه علامة مائية

المهندس منسي: ما هو أنا عايز أعرف الكمية اللي إنت عايز تعملها أد إيه وعايز أشوف الديزاين وأشوف إنت عايز اد اييه..!

العميل: هوه مافيش حاجة جاهزة يعني؟

المهندس منسي: في حاجات جاهزة، إنت عايز حاجة جاهزة كده وخلاص، أي حاجة كده علامة مائية يعني؟

العميل: آه

المهندس منسي: آه يبقى الألف بـ 100 جنيه

العميل: ماشي، ماشي يا باش مهندس

المهندس منسي: وفي بقى حاجات تانية الألف بـ 300، وفي حاجات تانية الواحدة بجنيه… حاجات كتيرة قوي

العميل: خلاص ماشي، أنا هرد برده عليك هشوف الكمية اللي همه عايزنها أد إيه وهتفق معاك لما أجيلك

المهندس منسي: هوه اللي موجود دلوقتي أبو 500 جنيه الألف، وأبو جنيه الواحدة، أصل إنت مش معرفني إيه اللي إنت عايزه، فإحنا عندنا من أول الألف بـ 100 جنيه لغاية الألف بـ 3000 جنيه، أنا مش عارف أنهي فيهم، إنت بتقول عايز علامة، ما هو العلامة إيه؟؟؟

العميل: علامة مائية عادية، استيكر عليه علامة مائية

المهندس منسي: ما هو أشوف بس العلامة اللي همه عايزنها عشان خاطر أعرف أسعرها كويس

العميل: تمام..

المهندس منسي: إنما أنا هقعد أقول أي أسعار في الهوا كده

العميل: طب أنا هحاول أستفهم منه في التليفون هوه عايز إيه؟

المهندس منسي: آه فرق الأسعار كبير بين العلامة المائية اللي هي البسيطة اللي هوه أروح كاتب الاسم كده وخلاص، وفي بقى اللي عامله زي الموجة، وفي جانجاه، وفي اللي بتتعمل بالذهبي، وفي حاجات كتير قوي، وفي اللي زي البطاقة

العميل: تمام… ماشي أنا هستفسر منه دلوقتي

المهندس منسي: ماشي يا غالي

العميل: ماشي مع السلامة