اسطمبة كلبس لعلبة علكة

العميل : مساء الخير

دي العلبة المطلوبة بنفس المواصفات 1.5 × 2.5 × 0.5

المهندس منسي : آه دي الأول بيتعملها اسطمبة اسمها اسطمبة حقن بلاستيك وبعد ما يتعملها الاسطمبة بتتنفذ، شوف الكمية بتاعت حضرتك أد إيه بحيث إن أقول لحضرتك الكمية تستاهل بيتعملها اسطمبة ولا بالنسبة لك هتبقى لود تكلفة وحمل على الفاضي؟

العميل : بص يا باش مهندس في الحقيقة ده خط إنتاج جديد فإحنا لسه ما نقدرش نحط تصور لحجم الإنتاج هيبقى عامل إزاي لغاية ما يتم تسويق المنتج يعني

العميل : أعتقد إن إحنا محتاجين مش أقل من 50 ألف علبة كل 6 شهور ده في المرحلة الأولانية هل الاسطمبة غالية قوي؟؟ لو غالية قوي حضرتك ممكن تدينا فكرة عن التكاليف؟

المهندس منسي : الاسطمبة دي هتعمل في حدود من 19 إلى 25 ، أنا لسه مما مسكتهاش عشان أشوفها، أصلها مش اسطمبة عادية، اسطمبة حاجة اسمها كلبس، فاسطمبة مكلفة وغالية

المهندس منسي : هو اللي عمل المنتج أساساً معتمدين أساساً على شكل العبوة، يعني هو المنتج أساساً لا شيء، ولو اتقلد هيبقى صعب شويه عليه، فعاملين تكنيكات في الاسطمبة، يعني أتمنى إنك تكون فهمتني

المهندس منسي :  يعني مش اسطمبة عادية، في اسطمبات بيوصل سعرها إلى ، فالاسطمبة دي مش اسطمبة عادية

العميل : طب هل في حاجة ممكن توصلنا للفكرة دي وتكون أقل سعر لا أنا فاهم كويس، عشان كده الأرقام بتاعت الفورمة دي أسعار مرتفعة شويه بالنسبة لنا، عشان كده .. ماكنتش متخيل إن سعر الاسطمبة دي يوصل إلى 19-25 ألف رقم بيني وبينك مرتفع شويه، لو في حاجة قريبة من كده شفاف يحقق الغرض

المهندس منسي : هو حضرتك ممكن تبحث على النت وتشوف أي برودكت وديهولي وأنا أعملك عليه، أي برودكت إن شاء الله قادرين عليه