اغطية الالومنيوم

العميل : السلام عليكم كلمت حضرتك اليوم عن أغطية الألومنيوم العبوات قطرها 605 سم بلاستيك HDPE2 المطلوب أفضل سعر لكميات والسعر من فضلك؟

المهندس منسي : محتاجين بس نعرف الكميات إيه؟ وسماكة الألومنيا اللي عايزها أد إيه؟

العميل : بداية 10 آلاف تصل إلى 100 ألف وأكثر  السماكة  يمكن أن تعطيني السعر لأقل سماكة والأعلى منها

المهندس منسي : الألف هيبقى في حدود 100 جنيه

العميل : دي المكاين اللي عندنا هل تطابقها؟

المهندس منسي : آه المكنة دي موجودة عندنا آه، سعرها

المكنة دي موديل 201 ماركة المهندس منسي موجودة بضاعة حاضرة، اسمها مكنة إندكشن سيل، دي اللي بتلحم الطبات على عنق العبوة

العميل : يعني الأغطية دي بتتعمل بالماكينة دي؟

المهندس منسي : أوك

العميل : ممكن تبعتلي 1000 قطعة للتجربة

المهندس منسي : إنت بتبعت لنا العبوات، عينة يعني من العبوة، وبتبعت معاها عربون، وبعد ما الشغل ما يخلص حضرتك بتيجي تسلتمه أو بنبعتهولك لو حضرتك مش عايز تيجي، وأقل كمية 10 آلاف قطعة، وطبعاً في الكمية القليلة دي السعر بيعلى، ما بيبقاش نفس السعر في الكميات الكبيرة

العميل : تمام كنت أقصد شحن بمقابل علشان نشوف الخامة قبل ما نطلب الأوردر الكبير لأننا جربنا من قبل وكانت بتلتصق بشدة والزبون ما بيعرفش يفتح الغطا بسهولة إحنا المستهدف عندنا كميات ضخمة الألف المقصود عينة بتمنهم

المهندس منسى : آه تمام يبقى كده حضرتك عايز نوعية معينة، عايز حاجة معينة، يعني عايز حاجة تفك بسهولة، اسمها إيزي أوبن، طيب يبقى دلوقتي التعامل مش هينفع بالمراسلة، لازم حضرتك حد ييجي يشرفنا بالزيارة ويشوف الحاجة ويوصف لنا وصف مضبوط، هو بالمراسلة نبعت لك حاجة لحامها شديد قوي تقولنا لا مرفوضة، وممكن نبعت لك حاجة لحامها ضعيف تقولنا لا مرفوضة.. فهمتني

فحضرتك تشرفنا بالزيارة هنجيب لحضرتك عينات نقولك دي بتلحم كذا، ودي بتلحم كذا.. وهنجرب لك كل حاجة وإنت واقف، هتقول أيوه عايز دي، إحنا مش عندنا نوعية واحدة، إحنا عندنا أكتر من 300 نوعية، إحنا شركة المهندس منسي، إحنا شركة عالمية مش واحد جايب شويه ألومنيا بيقطعهم، لا، إحنا المصنع الوحيد على مستوى الوطن العربي اللي بيعمل السورس ماتيريال

ده كمان حضرتك هتقولي هتعبي فيها إيه عشان نقول خاصة بالمديكال، خاصة بالفودز.. كده

العميل : تمام يا باشمهندس فهمت حضرتك هارتب وأزور حضرتك بإذن الله

المهندس منسي : تمام