اكياس قهوة

العميل : السلام عليكم ممكن أسأل عن عمل كيس قهوة بروبلين بروبلين 30-30

ممكن أعرف السعر الكيلو وأقل كمية كام؟

المهندس منسي : آه عندنا كل خامات الأكياس، عندنا كلها بدون استثناء، بسماكاتها، بمقاساتها

مافيش حاجة اسمها كيس قهوة بولي بروبلين، كيس القهوة ميتالايز بولي بروبلين، بولي إستر بولي بروبلين، إنما الكيس اللي حضرتك باعته ده اسمه كيس لامينيشن، حضرتك شرفنا بالزيارة اتفرج على النوعيات اللي موجودة، واللي تعجبك هنقولك على سعرها وإنت واقف

العميل :  حضرتك انا لسة بفتح مطحن فانا عاوز تورينى اقل كيس ممكن ميكلفنيش مش فارق معايا الخامة اهم حاجه الشكل فممكن اقل سعر واقل قيمة

المهندس منسي : يعني إنت بتفتح وبتدور على أي سعر، ومش مهم الخامة، طب إزاي؟؟؟ إنت المفروض الأول بتعمل اسم، فتنزل تتدور على منتج جيد، خامة جيدة، إنت المفروض بتعمل اسم مش بتبيع بيعة وسلام عليكم… الصح إن إحنا بنعمل اسم يبقى بندور على كيس فعلاً كويس، ده رقم واحد

رقم اثنين إزاي هتعامل معاك أقولك أي كيس بأي سعر وخلاص كده، الموضوع صعب قوي، حضرتك شرفنا بالزيارة أحسن، أنواع الأكياس موجودة، الأكياس بالذات ما ينفعش فيها شغل الشات ده، هات صورة، خد صورة.. ما ينفعش، الأكياس بالذات لازم بتيجي تمسك الخامة بإيدك وتعاينها، وتشوف الكيس، وشكله، ورونقه، وجودته.. وحاجات من دي لايف، ينفع أقولك أنا عندي قميص حلو قوي اشتريه… طب وبعدين الخامة نوعها إيه؟؟ ملمس الخامة عامل إيه؟ هل مقاسك ولا مش مقاسك…. الحاجات دي كلها لازم تتحط في الاعتبارات

العميل : ألف ألف شكر على النصيحة وكلام حضرتك مضبوط باعمل كيس محترم يا معملشي طب حضرتك معندكشي كيس سادة خاص بتصنعكو