اكياس لتعبئة البن والمنتجات المختلفة من شركة المهندس منسي

العميل : السلام عليكم

المهندس منسي : عليكم السلام ورحمة الله وبركاته

العميل : شركة المهندس منسي

المهندس منسي : أيوه

العميل : عندكم مبيعات للأكياس

المهندس منسي : عندنا آه

العميل : طب أنا بسأل على كيس مدوخني، أنا بسأل على كيس بيعبوا فيه بن اللي من جوه بيبقى قصدير ومن بره لونه بيج كده هل ده موجود؟ بيقفل من فوق بالبلاستيك بييجي مقفول وبيتفتح تاني

المهندس منسي : عندنا آه نقدر نعملهولك آه

العميل : عندكم مقاسات إيه؟ ربع كيلو، نص كيلو، كيلو

المهندس منسي : حضرتك بتبلغنا بالمقاسات وإحنا بنعملها لك

العميل : طب أسعاركم إيه؟

المهندس منسي : ما هو السعر بناء على إيه؟ الخامة إيه وكده، لازم حضرتك تشرفنا بالزيارة نقعد مع بعض

العميل : أنا محتاج كميات صغيرة قوي لأني بعبي فيه سماد بنزله في المعرض بتاع الزهور، فمحتاج مثلاً مش كمية كبيرة أنا مش تاجر، أنا دكتور ومحتاج أحط الحاجات دي في أكياس يكون شكلها لطيف شويه، أنا هجيب لك الكيس معايا

المهندس منسي : طالما الكمية قليلة مش شرط الكيس ده، ولكن في عندنا أشكال وأنواع كتير جداً، فحضرتك ممكن تشرفنا بالزيارة، إنت عايز كيس ألومنيوم عشان يبقى شكل الألومنيوم فيه كويس وكده يعني

العميل : عشان الحاجة تحفظ فيه كويس، يعني يكون من جوه ألومنيوم ومن بره ورق أو بلاستيك مش مشكلة

المهندس منسي : هو الألومنيوم وظيفتها إنها تعتم الضوء بتاتاً، وتعتم نفاذية الأكسجين…

العميل : يا أخي أنا شاكر فضلك، إنت أول إنسان يرد عليا محترم يرد عليا ويديني معلومات كافية، أنا أقدر آجي لحضرتك بكرة ولا صعب؟

المهندس منسي : إنت تيجي تنورني في أي وقت

العميل : الله يخليك، أتشرف باسم حضرتك الأول

المهندس منسي : المهندس منسي

العميل : حضرتك منسي نفسه صاحب الشغل ده كله؟

المهندس منسي : إن شاء الله

العميل : أنا اتشرفت، أنا اسمي د/ عمر سليمان، أنا هاجي لحضرتك بكره يناسبك الساعة كام؟

المهندس منسي : إحنا موجودين من 11-9 طول أيام الأسبوع ماعدا يوم الجمعة هو الأجازة الأسبوعية

العميل : في مكانك منسي بيه؟

المهندس منسي : إحنا عندنا باب الشعرية، حدائق القبة، مدينة نصر، 6 أكتوبر، غمرة، العبور، المعادي

العميل : أنا عايز أشوفك إنت مكتب حضرتك فين؟

المهندس منسي : تيجي تشرفني، أنا بكون في مكتب مدينة نصر يوم السبت والثلاثاء وباب الشعرية باقي أيام الأسبوع

العميل : بكرة أجيلك مدينة نصر، حضرتك فين بقى في مدينة نصر؟

المهندس منسي : ابعتلي على الميل طلب عناوين وأنا هبعت لك رابط فيه العناوين كلها اختار منها فرع مدينة نصر

العميل : أنا شاكر فضلك يا باشا

المهندس منسي : لا تحت أمرك

العميل : أهلاً بيك، السلام عليكم

المهندس منسي : عليكم السلام ورحمة الله وبركاته