الطبات البلاستك

العميل : مع حضرتك شروق من العلمين فليكس

حضرتك طلبت صورة الطبات البلاستك

المهندس منسي : أهلاً وسهلاً بحضرتك، إحنا تشرفنا بيكي

هو الطبة دي إحنا ممكن نصنعها لك بالطلب

العميل : أهلاً بحضرتك سعرها كام؟

المهندس منسي : السعر يتحدد بناء على وزن العينة

العميل : هبلغ حضرتك 35 جرام

المهندس منسي : الكمية بقى؟ محتاج أعرف الكمية

العميل : الكميات عندي متغيرة، ماعنديش كمية ثابتة، أنا عايزه أعرف هي سعرها كام؟

المهندس منسي : معاليكي إحنا بنتكلم في السعر بناء على الكمية، إنت شركة العلمين المفروض إنت أدرى الناس بكده يعني!!! المفروض لما يجيلك حد ياخد نص طن غير الربع طن، غير الطن… كده، فلازم تعرفيني الكميات بتاعتك اللي هنتعاقد عليها وبناء عليها أحدد لك السعر، يعني إنت لو كميتك كبيرة هيبقى السعر قليل، لو كميتك قليلة هيبقى السعر عالي

العميل : لا أنا مش عارفه أصلاً، الكلام ده جديد عليا، أنا أعرف إن الحاجة دي سعرها ثابت، إحنا ممكن نتكلم مثلاً في طريقة الدفع ساعتها السعر بيتغير، أما سعر الألف نفسه ثابت، يعني مال الألف نفسه بالكمية؟؟

المهندس منسي : ده كلام جميل قوي، يا سلام، يعني مثلاً واحد ييجي ياخد ألف طبة، زي واحد ييجي ياخد 100 ألف طبة، زي واحد ييجي ياخد مليون طبة… ده صعب قوي يا أ/ شروق، وكنت أتمنى أتعامل معاكي، ولكن هو النظام في السوق عامة بيبقى السعر للكميات كذا وكذا وكذا

المهندس منسي : فإنت لو تتعتبي شويه اعرفي الكميات بتاعت حضرتك إيه وأخوكي تحت أمرك