تصنيع وتشكيل العبوات البلاستيك من شركة المهندس منسي

مهندس منسي : سلام عليكم

العميل : إزيك يا باش مهندس

مهندس منسي : أهلاً بيك

العميل : حضرتك معاك مدحت جمال كنت كلمت حضرتك قبل كده، تعملنا فيلينج بلاستيك جوه البوكس بتاع كاب كيك، قلتلي يتكلف 65 أو 60 قرش، في الحدود دي، فاكرني؟

مهندس منسي : مش فاكر معلش

العميل : حضرتك كنت بكلم حضرتك على الواتس، وبعتلك شكل البوكس وشكل العينة البلاستيك اللي هتعملها لنا اللي فيها الكاب كيك

مهندس منسي : آه…

العميل : فحضرتك كنا متكلمين إنك هتعمل حاجة مكان كده للكاب كيك في بوكس طوله 24سم، والارتفاع 6سم، والعرض 16سم، كنت بعتلك المواصفات اللي حضرتك قلتلي هيتكلف 65 أو 60 قرش

مهندس منسي : آه.. في الحدود دي آه

العميل : تمام.. طب حضرتك كنت أنا كلمت حضرتك بعديها قلتلك كده التكلفة هتبقى غالية طب إحنا ممكن نقلل إزاي، فممكن بدل الارتفاع ما يبقى 6 سم هنزله يبقى….

مهندس منسي : ممكن تشتري المكنة وتعملها إنت، تعمل الغلافة إنت

العميل : خلاص الموضوع برده بس لسه عايز دراسة جدوى وكده ومكان في المصنع، ومين اللي هيشغلها…

مهندس منسي : بـ مش مكنة يعني…

العميل : آه تمام طب ماشي…

مهندس منسي : دي ممكن تجيبها وتحطها جنبك وأي حد يشغلها جنبك، مش محتاجة يعني

العميل : تمام.. طب حضرتك هوه الموضوع دوت قائم إحنا نيجي لحضرتك الشركة ونتكلم في الموضوع ده إن إحنا نشتري المكنة، بس عايزين حضرتك تنفذلنا الأوردر ده برده، إنك تعملنا الفيلينج ده

مهندس منسي : إن شاء الله

العميل : بس إحنا بدل ما يبقى 6 سم الارتفاع هيبقى 4 سم أو 3.8

مهندس منسي : هوه كان 6 سم وأنا قولتلك طيب، هوه أساساً المكنة ما بتعملش أكتر من 5 سم

العميل : إنت قولتلي آه على الارتفاع 6 سم

مهندس منسي : لا هوه تلاقي في حاجة بقى أنا اختلفت فيها، هوه 6 سم المكنة ما بتعملش أكتر من 5سم

العميل : هوه حضرتك حتى ممكن أبعتلك رسالة على الواتس هترجع للمحطة اللي….

مهندس منسي : عموماً حتى لو كان يا الله أهوه خلاص، خلينا في الجديد

مهندس منسي : آه… آه.. افتكرت حضرتك، حضرتك كده مش…. آه 6 سم ممكن آه

العميل : أيوه يا فندم مع حضرتك

مهندس منسي : حضرتك هتخودها تكسير

العميل : تمام… فإحنا هنخليها 4 سم فالتكلفة هتتغير أكيد

مهندس منسي : لا مش هتتغير لأن الدراعين اللي همه تحت دول مفيش عليهم لود قوي، مابيخدوش بلاستيك كتير يعني الدراعين اللي تحت دول

العميل : الدراعين هيبقى 6 أو…

مهندس منسي : لا همه بيبقى دراعين، بص جنب من هنا وجنب من هنا والجنب اللي على الوش متقطع منه ومتخرم، بس مافيش أكتر من كده

العميل : لأ هوه مش هيبقى متخرم

مهندس منسي : يبقى عدي علينا بقى هاتلي عينة لايف عشان خاطر إيه بدل ما إحنا تايهين كده

العميل : خلاص تمام.. طب حضرتك العنوان بتاع حضرتك إيه…

مهندس منسي : هكتبهولك علي الشات حالاً

العميل : ماشي.. شكراً يا فندم