تعبئة و تغليف قهوة عربي
العميل : مرحبا السلام عليكم
كيف حالك؟ هادي شركة المهندس منسي لصناعات التغليف في مصر، عندهم مكاين تغليف شوفتها في مصر، أبغى أخليك تسألهم لو عندهم مكاين حق التغليف لعلب البلاستيك، تاخد منهم فكرة عن الأسعار كده
المهندس منسي : آه عندنا كل مكن التغليف، كله بدون استثناء، العبوة اللي حضرتك باعتها دي ديت قهوة عربي، في مكنة بتعبيها نص أتوماتيك وفي مكنة أتوماتيك طيب بعد ما تتعبى بيتحط عليها استيكر، في مكنة نص أتوماتيك وفي مكنة أتوماتيك وبعد عملية الاستيكر في بقى تغليف العبوة نفسها من الخارج… فشوف حضرتك هتحتاج إيه في تغليف القهوة؟ حضرتك ما ذكرتش عايز إيه فيها
العميل : أنا يا ريس عايز الماكينة بعد ما أعبي القهوة أبغى أغلفها تغليف خارجي، وغير كده عندك ماكينة أرمي فيها القهوة تخلط لي القهوة؟ هي بس تخلط
العميل : السلام عليكم كل الخطوات اللي قالها نحتاجها، ونحتاج قبلها عملية الخلط، لما نحط القهوة مع المكونات اللي معاها المكونات الثانية نحتاج خلط، وبعدين تعبئة، وبعدين استيكر، وبعدين التغليف، نحتاج الـ 4 شغلات هادي، ناخد فكرة كاملة عنها، وشكراً
المهندس منسي : عندنا آه.. عندنا مكنة خلط القهوة تخلطها لك آه، وعندنا كمان مكنة تغليف العبوات من الخارج المكنة دي رقمها عندنا 101 ماركة المهندس منسي، ممكن يكون هو كده كما أنا فهمت إن هو حضرتك عايز تحط عبوتين مع بعض بسلوفان، أو تحط العبوة وتغلفها من بره بسلوفان، احتمال إن أنا أكون فهمت حضرتك غلط
المهندس منسي : ولكن يستحسن إن إحنا نتكلم في مكنة مكنة، يعني نتكلم في مكنة ولما ننتهي منها نخش في التانية، لأنه لما ينتكلم في كذا مكنة مع بعض بنتخلبط، فنقعد بقى إنت قصدك على الأولانية ولا الثانية، فالمكنة الأولانية اللي هي كما أنا توقعت أو فهمت إن حضرتك عايز تغلف العبوة من بره عشان العميل تروح له العبوة وهي متغلفة من بره ماحدش يكون لعب فيها أو حط فيها حاجة، أو شال منها حاجة، أعتقد
العميل : طيب مافيش مشكلة، خلينا نتكلم على الثلاث خطوات الخطوة نبغى سعر ماكينة التغليف لحال، وماكينة الخلط لحال، وماكينة الاستيكر لحال، وماكينة التعبئة لحال
العميل : هذا صور العبوات، كل ماكينة سعرها كام؟ أو اللاين كله سعره كام؟ عشان نقدر نقارن وإذا في مجال نتقابل مافي مشكلة نتقابل على بكرة، اليوم بالليل أي وقت لأني مسافر يوم الثلاثاء
المهندس منسي : نتقابل طبعاً ده شرف كبير لينا، حضرتك تيجي تشرفنا بالزيارة، ده جميل قوي إن إحنا نتقابل لأنك لما تيجي تشوف الموضوع على الواقع أفضل مليون مرة من المراسلات والشات، هنا الكلام بيبقى واقعي، يعني بتشوف المكن قدامك فهنا ده بالنسبة لنا أفضل، وطبعاً بالنسبة لحضرتك أفضل، لأنك هنا النهاردة لما تقعد تراسل حد بتدور على السعر بكام وبس، ما إنت في الآخر بدور على اللي بيتكلم أحسن، وإحنا بننتج أحسن، وعشان كده بقينا ماركة عالمية براند عالمي على مستوى العالم
العميل : مافيش مشكلة، شوف متى الوقت المناسب نتقابل بكرة في الصباح، أنا ساكن في فندق الفورمونت، ونشوف إيش المناسب، الله يعافيك
المهندس منسي : والله جميل فندق الفورمنت اللي هو على النيل، أتمنى إن أنا اللي أجيلك، بس للأسف إحنا مش بنروح عشان حضرتك تيجي تشوف المكن على أرض الواقع، بتيجي تشوف المكن وهو موجود على الطبيعة، إنما كنت أتمنى إن أنا اللي أجيلك، عشان خاطر الفندق، روحت مرتين كنت مدعو في مؤتمر هناك، فندق جميل، بيبص على النيل
العميل : مافيش مشكلة، إنتم موقعكم وين؟ تبعتلي اللوكيشن وأنا أجيلك بكرة
المهندس منسي : اتصل بنا في الفروع التي تناسبك/ ماكينات تعبئة وتغليف:
عناوين فروع الشركة في هذا الرابط:
المهندس منسي :الرابط ده هتلاقي فيه العناوين بتاعنا كلها، حضرتك هتختار أقرب فرع لحضرتك وتشرفنا بالزيارة تتفرج على الحاجات دي بضاعة حاضرة
