جهاز تغليف علب السلطة

العميل : السلام عليكم

من فضلك بستفسر عن جهاز تغليف علب السلطة لو متوفر ومواصفاته وأسعاره

من فضلك التواصل لأني خارج مصر وشكراً

السلام عليكم من فضلكم الرد لترتيب الأمور إن شاء الله

المهندس منسي : آه تغليف علب السلطة، يعني عايز المكنة اللي بتلحم من فوق، ولا المكنة اللي بتسلفنه وتشرنكه؟؟

العميل : لو عندك فيديوهات للاتنين من فضلك أرسلها خاصة المكن اللي بيلحم من فوق موجودة

المهندس منسي :  هو إحنا لسه لغاية دلوقتي ما عرفناش أنهي جهاز نبعتهولك؟؟ مش عارف أنا؟؟ حضرتك دلوقتي عايز جهاز تغليف السلطة، فأنا قلت لك إن في مكنة بتلحم أغطية علب السلطة، بتلحمها ألومنيا، أو بتلحمها بلاستيك… كده، وفي مكنة تانية بتشرنكها من بره

المهندس منسي : طيب.. هو يفضل إن حضرتك تبعتلي صورة للتغليف النهائي وأنا أقولك إيه المكنة اللي عندنا اللي بتعملها

وفي مكنة تانية عندنا بتصنع العلب بتاعت السلطة كمان

المهندس منسي :  عندنا عدد من ماكينات غلق الأكواب، فالأفضل إن حضرتك تيجي تشرفنا في معارضنا تتفرج على الماكينات وتختار المكنة اللي تناسبك

العميل : بداية محتاجها للسلطات مش للعصائر

المهندس منسي :  هي المكنة ما بتشوفش إن ده عصير، ولا ده أكل، ولا ده سلطة، هي كل العملية إن وظيفة المكنة إنها تلحم الغطا على العلبة، مش معنى كده إن المكنة لو شافت إن اللي في العلبة عصير هتقول لا أنا مش لاحمة.. لا، لا هتلحمه، لو فيه بطاطس هتلحمه، لو فيه لحمة هتلحمه..

العميل : ههههههههه يا هندسة فاهم والله بتكلم على المقاسات بس هو أنا خارج مصر فحضرتك ممن تديني العروض اللي معاك بالأسعار وكمية الإنتاج

ومن حيث توفير المادة الخام الماكينة دي إن شاء الله هنحتاجه بره مصر

المهندس منسي :  هي المكنة سعرها

وبالنسبة للغطيان موجودة عندنا بضاعة حاضرة، ده بالنسبة للنص أتوماتيك

المهندس منسي :  فيه بقى أتوماتيك سعرها بيبدأ من.. سعرها في حدود 13 ألف أو ما يعادله بالجنيه المصري، الأتوماتيك بتشتغل رول بتلحم وفي نفس الوقت بتقطع

المهندس منسي :  أما النص أتوماتيك بتحط لها قطع في بقى حاجة تانية أتوماتيك واحدة واحدة، مش أتوماتيك كامل، يعني بتحط لها واحدة تقوم قاطعها ولاحمها، دي سعرها في حدود 3 أو ما يعادله بالجنيه المصري