خامات تعبئة وتغليف للبقوليات من شركة المهندس منسي

العميل: السلام عليكم

هل يوجد وكيل لكم بالسودان … كيف لي أن أحصل على خامات تعبئة البقوليات

مع إمكانية طباعة اسم المنتج

المهندس منسي: هي خامات التغليف النهاردة غير زمان، يعني النهاردة بقت فيها أشكال وأنواع وألوان وطباعات وحاجات كتيرة قوي، فيستحسن لو حضرتك بعتلنا عينة نعمل زيها، أو شرفتنا بالزيارة، الحاجة التالتة إن حضرتك تكون عارف الخامات وأعتقد إن ده هيبقى صعب على العميل العادي، يعني عارف الخامة دي مواصفتها كذا كذا كذا، يعني بنقول بولي استر بولي إيثيلين، بولي إستر بولي بروبلين، بولي إستر فيمو، بالنسبة برده بولي إستر ميتالايز بولي إيثيلين، بولي إستر ميتالايز بي إي تي، بنقول بولي إستر ألمونيوم فويل بي إي تي، بولي إستر ألمنيوم فويل بولي إيثيلين، بولي إستر ألمنيوم فويل بولي بروبلين… وبعدين تشوف السماكات، وتشوف العروض… فدي حاجات هتبقى صعبة على حضرتك، فكل اللي عليك ابعتلي عينة من الخامة اللي عجبتك بناء عليها إن شاء الله نشوفها ونقرر يعني، ويستحسن وده الأفضل إن حضرتك لو شرفتنا بالزيارة في بلدك التاني

العميل: أكياس للارز والمكرونه

المهندس منسي: آه هوه إحنا عندنا بنصنع الأكياس دي، ولكن هوه السؤال حضرتك عايز الكمية أد إيه؟ ده رقم واحد، رقم 2 كنا عايزين برده شكل التصميم، وكنا عايزين كيس عشان خاطر نمسكه نقيس السكنس بتاعه، نقيس السماكة

العميل: ما هي أقل كمية ممكن ترسل؟

المهندس منسي: بالنسبة لوزن 500 جرام و250 جرام و1000 جرام لتعبئة السكر والفول المصري مع الطباعة واللحام الثلاثي

العميل: الطلبية ترسل للسودان الخرطوم

بالنسبة للسمك 0.1 أو أقرب سمك

التكلفة الكلية

وهل يوجد لديكم ماكينة لحام اتجاه واحد كم سعرها مع الشحن للسودان

المهندس منسي: هوه أقل كمية ممكن نعملها هي 250 كيلو، إحنا بنطبع بطريقة الروتوجرافيك ودي أعلى أنواع الطباعة، ومن النادر لما تلاقي حد بيطبع بطريقة الروتوجرافيك، حضرتك بالنسبة للديزاين بقى إنت ما بعتوش ولا نعرف إيه السكنس بتاعتك عشان نعرف التكليفة بتاعتك إيه؟؟ فحضرتك يا ريت تشرفنا بالزيارة وتبدأ تشوف عينات وتختار عينة ونطبعها لك ونعملها لك

العميل: مشكور عالتوضيح