خامة ألومنيوم هوت سيلينج لاكر فور بي إي تي

العميل : هي دي حضرتك الخامة اللي شغالين فيها

المهندس منسي : آه دي خامة ألومنيوم هوت سيلينج لاكر فور بي إي تي، دي موجودة بضاعة حاضرة، سعرها 75 جنيه للكيلو، لو هتاخد كميات، لو كمياتك أقل السعر بيزيد على حسب الكمية

العميل : غالي أوي يا هندسة 75 جنيه معروض عليا رول الفويل وزن كيلو ونصف بـ 80 جنيه من المصنع

وحضرتك شركة كبيرة وأنا هاخد كميات وبفتح شغل في شرم والغردقة عنوان حضرتك

المهندس منسي :  أوزن البكرة كده شفها كيلو ونص فعلاً ولا لأ؟ استحالة الكلام ده، امسك البكرة واوزنها كده وشوفها؟ طب كيلو ونص بالكور ولا من غير الكور؟ العميل : طب اوزن الكور كده وشوف وزنه كام؟ طب أوزن الكور والعلبة اللي بره كده وشوف وزنها كام؟؟

العميل : كيلو ونصف بالكور من غير الكور كيلو و 400 جرام أنا بس عايز أعرف هل ممكن يكون في خامات أقل من كده في الجرام تبقى خفيفة، عشان ممكن حضرتك ممكن بتتكلم على حاجة خامة تقيلة ودي خامة تانية، فده اللي عايز أفهمه، ولا هي الخامات بتاعتها واحدة؟

المهندس منسي :  آه في خامات تانية اسمها ستوكات، برده عندنا منها موجودة

بس بتبقى مش استاندر بقى، يعني حضرتك ممكن تيجي في مرة تلاقيها، ومرة ما تلاقيهاش، مرة تلاقي مقاسات محددة، مرة… وهكذا، أما الخامات الاستاندر سعرها الاساسي 75، الألومنيا بالذات مافيهاش لعب ولا شطارة لأن دي بورصة على مستوى العالم، يعني أنا مكسبي فيها على الهري ده كله والبهدلة دي كلها 2-3 جنيه

حضرتك الخامة دي اللي بـ 75 جنيه مصري ولا مستوردة

المهندس منسي : مستوردة أوروبي

العميل : حضرتك البكر بيبقى بالشكل ده ولا بيبقى له شكل تاني؟

المهندس منسي : ما هو آه ده شكل بكرة الألومنيا، الألومنيا مالوش شكل تاني، هو ده شكل الألومنيا على طول

العميل : تمام تسلملي يا هندسة طن الاستوكات عامل كام وعرضه أد إيه؟

المهندس منسي :  هو الستوكات بيبقى على حسب الموجود، يعني حضرتك بتيجي تتفرج على الستوكات وتسأل على سعر دي بكام، ودي بكام؟؟ لأنه الستوكات ما بيبقاش لها سعر محدد

العميل : تمام وأنا عارف إن حضرتك شركة كبيرة وليا الشرف أتعامل معاك