خامة غطاء الكاسة
العميل : هل الخامة دي متوفرة
المهندس منسى : هو حضرتك أنا مش هقدر أتعامل على أي حاجة في الكوباية إلا لو حضرتك بعتلي عينة ملموسة أمسكها بإيدي عشان أعرف خامة البلاستيك دي إيه؟؟ لأنه خامات البلاستيك دي كتيرة، في بي إي تي، بولي استايرين، بي في سي، في بولي بروبلين… في أنواع كتيرة من خامات البلاستيك
Polwpropylene
آه تمام آه.. بنعمل الغطيان دي، عندنا رولات، وعندنا قطع
العميل : بكام السعر
المهندس منسى : هو الرولات سعرها بالكيلو، فشوف هتحتاج بلاستيك لامينيشن ولا هتحتاجها ألومنيا؟؟ لو بلاستيك لامينيشن بسعر، ولو ألومنيا بسعر تاني لأنه الصور مش موضحة إيه النوعية ولكن اللي إحنا بنعمله ده صدقني أكبر غلط، حضرتك ابعتلي عينات، أنا بناء على العينات أقدر أقولك السعر يبقى كام؟؟ أما أنا عمال أشوف صور وأقولك سعرها كام؟؟ ده كلام جديد على عالم الصناعة، ده مش مضبوط أساساً هي الخامة بولي بروبلين، والاختصار بتاعها بي بي، إنت عايز اللي بتلحم على خامة البولي بروبلين، تقريباً أنا بحل فوازير!!!!!!!!!
العميل : السلام عليكم
سعادة الباشا إحنا آسفين جداً لإزعاجك ومعلش إحنا الكتابة في الإنجليزي شويه يعني طب إنت بتقول في خاماتين بلاستيك وفي ألومنيا، طب دي بكام ودي بكام عشان نعمل حسابنا، عشان إحنا بنجهز لمكنة آلي عايزين نشوف دي بكام ودي بكام؟
المهندس منسى : هو الأسعار مش ثابتة، يعني في ألومنيوم هوت سيلينج لاكر بي بي، وفي حاجة اسمها ألومنيوم سيل بي بي، يعني بتلحم على الـ بي بي لو قلنا ألومنيا هوت سيلينج لاكر إيه الفرق بينها وبين التانية اللي بتلحم على البولي بروبلين إن دي إيزي أوبن، يعني لما تيجي تفتحها ما بيبقاش فيها إجهاد وإنت بتفتح، لأنه فيه حاجة اسمها قوة ومقاومة، يعني إنت بتمسك العبوة عشان خاطر تفتحها، فإيدك لوحدها بتلاقيها ضغطت جامد، فلو اللحام شديد إيه اللي يحصل؟؟ اللي في الكوباية هيدلق على صدر اللي واقف هيشربها، فعشان كده بنعمل حاجة اسمها ألومنيوم هوت سيلينج لاكر فور بي بي، بحيث إنه لما ييجي يفتحها بتبقى إيزي أوبن، سهلة الفتح، يقوم لما يفتحها ما تكبش الحاجة اللي فيها على صدره ولا على هدومه أما التانية اللي هي بتبقى سيل فور بي بي يعني بتلحم على البولي بروبلين دي بتبقى قوية اللحام، فييجي يشدها يقوم موقع منها، إلا لو جاب مقص وفتحها بيه ولكن هو الصح بتاعها الألومنيوم هوت سيلنج لاكر فور بي بي، أو ألومنيوم هوت سيلينج لاكر بتلحم على بي بي
هي الأسعار هتبقى كالتالي:
الألومنيوم بولي إيثيلين اللي هي بتلحم على البولي بروبلين دي سعرها هيبقى في حدود 4
أما الألومنيوم هوت سيلينج لاكر فور بي بي هيبقى سعرها في حدود 5
أما البلاستيك اللامينتد اللي يلحم على البولي بروبلين دي سعرها هيبقى في حدود من 2800- 3
طب لو سألتني إيه أفضل حاجة في الثلاثة هقولك الألومنيوم هوت سيلينج لاكر فور بي بي عشان منتجك يستمر، إنما لو بصيت للتكلفة بالتأكيد هتاخد البلاستيك اللامينيشن، طب لو بصيت للحام الجامد، هتاخد الألومنيا اللي بتلحم لحام قوي على العبوات
العميل : تسلم سعادة الباشا، والله يوسع علينا وعليك، تسلم لي، تعبناك وغلبناك معانا، أنا هدي البيانات دي للشركة وإن شاء الله خير، ولينا زيارة عند حضرتك في الشركة قريب
المهندس منسى : الاسم العلمي للغطاء ألومنيوم فويل بيطلع هذا اسم نوعية الكاسة
آه ما أنا عارف اسمه ألومنيوم فويل، ما هو أنا عمال أقول لحضرتك ألومنيوم هوت سيلينج لاكر، مش لازم أقول ألومنيوم فويل، آه هو اسمه ألومنيوم فويل، يعني ألومنيوم رقائق، إنت مش هتاخده ليد، ليد يعني قطع، إنت هتاخده رولات، ولا إنت عايزه قطع؟؟ أما بالنسبة لخامة الكاسة اسمها بولي بروبلين، اكتبها عربي، أو تكتبها إنجليزي مش فارقة، يعني إنت بتراسل واحد عربي عادي مش فارقة، واختصارها بي بي، يعني لو كتبت لي بي بي خلاص عرفت الخامة، الكاسة اسمها بي بي، والألومنيا اسمها ألومنيوم فويل هوت سيلينج لاكر، الأنسب بالنسبة لك هي الألومنيوم هوت سيلينج لاكر بي بي
العميل : السلام عليكم باش مهندس بالله عليك معلش هنتقل عليك، كنا عايزين نعرف لو الكوباية والغطا لو تصنيعهم عندك ماشي، لو مش تصنيعهم عندك يبقى الغطا بس بتاع الكوباية، وأنا بعت لك النوعية بتاعته المكنة يدوي هل ينفع فيها الرول ولا بيبقى متقطع؟ ويكلف كام الألف أو المليون يتكلف كام؟
المهندس منسى : هو في عندنا مكن تصنيع الكوبايات الكوباية طولها لغاية 6 سم فقط نص أتوماتيك، سعر المكنة دي
هو بالنسبة للتعامل على الشات حضرتك بتخلص استفسار وبتخش في التاني، لأنه حضرتك لما تسألني 3-4 أسئلة برد على واحد وأنسى الاثنين التانيين صدقني، فحضرتك ابعتلي يستحسن نخلص الحالة.. يعني لو إحنا لو بنتكلم في 3 مكنات نخلص أول مكنة ناخد معلوماتها وافية وبعد كده نخش في اللي بعديها، حضرتك امسك ورقة وقلم ونظم المشروع وابدأ… ده التعامل بتاع الشات للأسف
هو الأفضل إن حضرتك تيجي تشرفنا بالزيارة، أنا عارف إن حضرتك بتتكلم من بره، بس لما يكون فيه زيارة مباشرة بنقعد نفتح 30-40 موضوع ولا حاجة مش فارقة، أما في الشات ما ينفعش غير حالة حالة، عشان الدنيا بتتلخبط في بعضها بس
العميل : السلام عليكم آسفين للإزعاج معلش اتحملنا، عايزين نعرف بس الغطا يكلفنا كام، لأنه الكوباية مقاساتها 6 سم عرض × ارتفاع 10 سم، مش هينفع تتغير دي، يبقى الغطا بتاعها يكلفنا أد إيه؟
المهندس منسى : هو إحنا بنبيع بالرول وبالكيلو، إنما مش بالقطعة، هتقولي الرول بكام؟؟ هقولك برده حضرتك شرفني بالزيارة لأنه في أنواع من الخامات، في خامات تقيلة، وفي خامات خفيفة، وفي كمان سكنس مختلف… في أنواع كتيرة قوي
العميل : تمام
العميل : السلام عليكم باش مهندس ممكن تبعتلي اللوكيشن أو العنوان أنا بكرة هجيلك بإذن الله هجيب لك معايا الكوباية بالغطا بتاعها
المهندس منسى : ستجد عناوين وتليفونات ولوكيشنات فروع شركة المهندس منسي في هذا الرابط:
