خدمة ما بعد البيع

العميل : السلام عليكم وآسف ع الإزعاج

 

العميل : اشتريت الماكينة دي وعجبتني وبعت أشتريت واحدة تانية وصلتني بالمنظر ده

بلغت المسؤول قالي يا ترجعها وتاخد فلوسك يا استخدمها لحد ما يجيله شحنة جديدة

بقالنا شهرين ع الحال ده، نتصل كي يومين فيبلغنا إننا نتصل تاني على الساعة 4، نتصل على ميعادنا ميردش

المهندس منسي : هو المكنة شغالة ولا مش شغالة، وبعدين الصور أنا مش واضح لي منها حاجة، يعني حضرتك صورها لي فيديو وإنت واقف من بعيد

المهندس منسي : طيب هو أعتقد إنها كانت آخر واحدة في المخزن عنده فهو اداهالك عبال ما ييجي بضاعة جديدة، فمعلش صورها لي من بعيد كده، لو شغالة تبقى المشكلة يعني أعتقد مافيهاش مشكلة، أما لو المكنة مش شغالة هي دي الكارثة بالنسبة لنا، ما تقلقش إحنا مش بنبيع مكن مستعمل ولا عندنا مكن مستعمل، هي كل العملية إنها كانت في المخزن، فاتبهدلت، عشان هي كانت آخر مكنة، يعني لما قريت الحوار قالك هاتها ولما يجيلنا مكنة تاني، يعني معناها إن ديت كانت آخر مكنة عنده

العميل : صباح الخير يا فندم، أنا شاكر لاهتمامك أولاً، على فكرة هو ما كنش مقصر خالص، أنا فعلاً المكنة كان فيها مشكلة يوم ما وصلتني كان ناقصها زراير، العجل ماكنش راكب بالكامل، خزان الهواء كان مكسور من تحت، فكانت مختلفة تماماً عن أول واحدة أخدتها منكم كان قبلها بيومين بالضبط، أنا محتاج دايماً إن يبقى عندي مكنتين، أخدت واحدة نجحت معايا عشان كده طلبت التانية، وعشان كده كان عندي حاجة أقارن بيها يعني، فصورت الصور وبعتها له عن طريق حد عندي في المشتروات هو الراجل ما اتأخرش ورد عليا وقال عندكم اختيارين، يا إما ترجعها لي وتاخد فلوسك وأول ما ييجي تاني أبلغك، أو افضل اشتغل بيها وبعد كده أبدلها لك، وده كان برده حاجة محترمة جداً أنا أشكركم عليها يعني

العميل : الفكرة بس هو طول، بقاله شهرين وكل ما حد يكلمه يقوله طب ارجع كلمني تاني على الساعة 4 نكلمه الساعة 4 ما يردش، والواقعة دي تكررت 3 أو 4 مرات، وأنا بصراحة قلقان يكون هو غير كلامه ده أولاً، ثانياً هي شغالة بتلحم بس مش بتنفخ هواء، أنا أصلاً جايب المكنة ليه؟؟ ما أنا عندي 4 تانيين لحام من غير هواء، فالميزة في دي إنها تملى الكيسة، أنا لما بيبقى عندي ضغط شغل بشغل المكنتين مع بعض، فواحدة بتبقى نفخ أكياس وواحدة لأ، في الآخر منتجي بيتطلع نص ونص، فدي المشكلة، فده اللي مخليني مستعجل على حل المشكلة دي

فأنا حبيت أولاً أبلغ حضرتك، ولو في أمل قريب حتى حد يقولي إمتى ممكن يكون في مكنة تانية عشان أعمل حسابي، وبعيد شكري لحضرتك جداً

المهندس منسي : في بقى خطأ من عند أ/ محمد حسن، المشكلة المكنة دي من المكن اللي وقفناه على أساس إن الطلب عليه قليل، إحنا هنجيبه بس بالطلب، بالطلب إزاي؟؟ يعني لما يكون حضرتك حاجز عندنا واحدة أو 2 بتيجي بعد 45 يوم، ليه؟؟ لأن المكنة دي مش سريعة في بيعها، فين وفين عبال ما تتباع، فعملت خطة جديدة إن أنا أحاول أشوف الحاجة اللي بتتباع في سنة، أما اللي بيطول عن كده عملت له جدول لوحده ده نجيبه بس نجيبه بالطلب

المهندس منسي :عملية إذا ما كانتش بتنفخ لا وديهالهم كده يبقى المكنة فيها مشكلة، يعني مش معناها إن المكنة خلاص لأ، المكنة فيها مشكلة معناها إنهم يصلحوها لك ويشغلوها لك