خلاط مواد سائلة موديل 410 من شركة مهندس منسي
العميل: السلام عليكم
المهندس منسي: عليكم السلام ورحمة الله وبركاته
العميل: إزي حضرتك
معاك المهندس شريف
أنا جبت النمرة دي من على الإنترنت شركة المهندس منسي للصناعات الهندسية والتغليف الحديث صح
المهندس منسي: أيوه
العميل: هوه موقعكم فين؟ في العاشر؟
المهندس منسي: إحنا عندنا حدائق القبة، مدينة نصر، باب الشعرية، 6 أكتوبر
العميل: طيب هل أنا بكلم الشخص الصح ولا هتحولني على حد؟
المهندس منسي: خير أأمرني
العميل: أنا عايز أعمل مصنع كيماويات، فعايز أعمل خلاط أخلط فيه الكيماويات اللي أنا عايزها، أوكيه، وبعدين أعبيه، فمحتاج خلاط، ومحتاج مكنة تعبئة بس تبقى أيروسول، يعني عايز أنتج زي ملمعات، الخشب، ملمعات….
فقعدت أعمل سيرش على النت فطلعت اسم الشركة فلقيت نمرة التليفون بتكلم
المهندس منسي: آه لا تحت الأمر، إحنا بنصنع كل المعدات، وعندنا مكن التعبئة والتغليف، وعندنا الخامات بتاعت التعبئة والتغليف بجميع أنواعها
العميل: يعني أنا جاي 100% يعني
المهندس منسي: إن شاء الله
العميل: طيب إزاي نبتدي، أنا بس بص أنا مهندس كيمياء ما اشتغلتش قبل كده، ده أول مرة أعمل مصنع، إن شاء الله يبقى فاتحه خير وبس.. إيه الخطوات اللي لازم أتبعها مع حضرتك؟
المهندس منسي: حضرتك بتشوف المكن اللي حضرتك عايزه إيه، ونبدأ نقولك ده سعره كذا، وده سعره كذا…
العميل: أوكيه، أنا دخلت على السايد بتاعكم، هوه موجود كل الموديلات اللي موجودة؟
المهندس منسي: أكيد آه
العميل: طيب يعني أنا متوقع يعني حتى النصيحة، يعني أنا زي ما بقولك، أنا عايز أخلط كيماويات ببعض، أوكيه، عايز أشتري بلنده يبقى أعمل بيه كذا طبخة، يعني أعمل مثلاً منه أحط مثلاً لكويد إيه على لكويد بي يعملي لكويد سي، وبعدين أنزله على مكنة التعبئة اللي هي بتاعت الأيروسول، أو مكنة التعبئة اللي هي هتبقى جراكن أو أزايز أياً كان المنتج، وبعدين البلندل أغسله بالشيكولا وأعمل فيه طبخة تانية….
المهندس منسي: آه ده طبيعي، كل اللي إنت بتقوله ده طبيعي مافيهوش مشكلة خالص
العميل: طيب يعني قصدي أقول اصبر معايا ممكن أقول أنا حاجات تبقى يعني لو واحد في السوق ما ببتقالش، يعني أنا ما أعرفش مين اللي بكلمه بس مستبشر خير في صوت حضرتك، مين معايا بقى؟
المهندس منسي: المهندس منسي
العميل: أهلاً باش مهندس، طيب إيه الخطوة اللي جايه، أجيلك المكان، أبعتلك على الواتس آب مثلاً تصور للبلندل، ولا هوه مافيش صناعة هوه اللي موجود وأنا أشتريه
المهندس منسي: لا هوه حضرتك بس عايزين نشوف الخامة اللي حضرتك بتعملها
العميل: الكيمياء يعني، المواد الكيماوية
المهندس منسي: آه سائلة؟ ولا باودر؟ ولا…
العميل: معظمها الروماتيريال معظمها ليكويد، لو فيه باودر بيبقى الباودر جزء من الخلطة، هل ده إجابة…
المهندس منسي: آه لا مافيهاش مشكلة، هوه عموماً أي حاجة جافة لوحدها والسائلة بتبقى لوحدها، يعني البلندر بتاع اللي هوه الخلاط بتاع المواد السائلة يختلف عن البلندر بتاع المواد الجافة
العميل: أوكيه، وبعدين ممكن أسأل سؤال معلش غبي شويه، هوه ممكن تشيل على حسب الطبخة بتاعتك مثلاً أو الديسكاست اللي إنت هتعمله ممكن تشيل استيرول وتحط استيرول تاني، يعني الريش بتبقى مختلفة، ولا ده ما بيحصلش كلهم ثابتين؟
المهندس منسي: القلاب ده بيتغير ولا ده بيبقى ثابت؟
آه عادي بتغير آه مافيش مشكلة فيه خالص
العميل: خلاص أوكيه، طب إيه الخطوة اللي جايه، أشوف أنا أبص بصة على الويب سايد أكتر عشان أفهم أكتر وبعد كده أكلمك مثلاً وآجي أقابلك ولا إيه؟؟
المهندس منسي: إن شاء الله، بس اعرفلي بس المواد، ويستحسن لو جبتلنا عينة من المواد المراد خلطها، وهل هتعبيها…
عشان تعرف لو هي كلوزيس يعني، أو هي فيها كلوزيتي؟
المهندس منسي: آه
العميل: طيب ماشي، طيب لو أنا بعتلك اسم ينفع؟
المهندس منسي: لأ ما هوه أنا مش عارف كل كيمياء العالم
العميل: طيب أوكيه، طيب حاضر هحاول أجيب صندوق
خلاص مرسي يا باش مهندس كلك ذوق
المهندس منسي: مع السلامة
