رولات سلوفان وخامات تغليف البرجر واللحوم من شركة المهندس منسي
العميل : السلام عليكم
المهندس منسي : عليكم السلام ورحمة الله وبركاته
العميل : معاك عمرو شركة المراعي في برج العرب
المهندس منسي : أهلاً بيك
العميل : أهلاً بيك يا فندم، كنت بسأل على رولات السلوفان للتغليف
المهندس منسي : آه موجودة
العميل : طب كنت محتاج أتواصل مع حد في المبيعات عشان محتاج كمية
المهندس منسي : حضرتك هتحتاجها تغليف إيه؟
العميل : أنا المراعي للحوم، بحطها للبرجر
المهندس منسي : إنت عايزها فاصل للبرجر؟
العميل : لا مش فاصل، أنا عندي المكنة بتعبيها واحدة واحدة وبتغلفها كلها
المهندس منسي : موجودة يا باشا
العميل : طيب كنت عايز أنا محتاج طن وعايز أعرف الوضع إزاي والتعامل
المهندس منسي : ولا حاجة حضرتك تيجي تشرفنا بالزيارة تتفرج على الخامة تدفع داون ديمنت بنقصهم لك بالطلب اللي إنت عايزه
العميل : تمام.. حضرتك ما بتوردوش لحد في برج العرب ولا حاجة؟
المهندس منسي : إحنا عندنا مصنع بنبني فيه في برج العرب
العميل : يا مسهل الحال إن شاء الله، طيب يا باشا يعني أنا بتعامل حد بيورد لي وبعدين بعمله الشيك، ما بشتغلش كاش يعني
المهندس منسي : آه.. لا إحنا كل شغلنا كاش
العميل : طيب ماشي، عموماً إن شاء الله هشوف
المهندس منسي : لا ولا يهمك
العميل : شكراً يا فندم
