رولات واكياس لتعبئة السكر مقدمة من شركة المهندس منسي
| العميل | : | السلام عليكم |
| المهندس منسي | : | عليكم السلام ورحمة الله وبركاته |
| العميل | : | المهندس منسي |
| المهندس منسي | : | أيوه |
| العميل | : | حضرتك أنا بعمل دراسة لمشروع تعبئة سكر، فكنت عايز أعمل طن الكيس بتاع التعبئة اللي هو الكيلو والـ 5 الأوزان بتاعت السكر عامله كام؟ |
| المهندس منسي | : | كيلو رولات بيبدأ من 40 جنيه الكيلو |
| العميل | : | تمام.. يعني قول مثلاً 40 ألف الطن |
| المهندس منسي | : | آه |
| العميل | : | الكيس بيبقى أبيض ولا مطبوع عليه البيانات اللي أنا عايزها؟ |
| المهندس منسي | : | لا سادة |
| العميل | : | طب الطباعة عند حضرتك ولا بره؟ |
| المهندس منسي | : | عادي عندي أو بره مافيش مشكلة، عندنا رولات لامينتيد، ما تفكرش إن إحنا عندنا رولات بلاستيك عادية |
| العميل | : | أنا حضرتك لما دخلت على النت لقيت حضرتك اسم موثوق منه وكلامك لما أنا قريته كلام محترم، حضرتك أنا شغال في شركة أصلاً شغال في مصنع بولي إيثلين، فلما قريت فهمت إن حضرتك راجل فاهم في الشغل، عشان كده بتصل بحضرتك يعني |
| المهندس منسي | : | ربنا يبارك لك، اللي عندنا مش بولي إيثلين ولا بولي بروبلين، اللي عندنا خامة اسمها بولي إستر لامينتد بولي إيثيلين |
| العميل | : | تمام.. أنا فهمت حضرتك، ما هو أنا دخلت للمهندس عندنا وتواصل معاه يعني فلما قرأ كلام حضرتك شكر في حضرتك يعني |
| المهندس منسي | : | الحمد لله |
| العميل | : | طب حضرتك الطن بيعمل معايا كام كيس عشان الدراسة لما أعملها أعرف الطن هيعمل معايا كام كيس |
| المهندس منسي | : | تعالى خد عينة وفصلها وأوزنها |
| العميل | : | يعني حضرتك هتديني عينة مش متطعة كليوهات، أنا بقطعها |
| المهندس منسي | : | عادي بالنسبة لنا دي أو دي مافيش مشكلة، ولكن لما تاخدها رول بالنسبة لنا إحنا أفضل |
| العميل | : | طب لو حضرتك هتقطعها لي تعمل كام كيس؟ معلش أنا آسف بس عشان الدراسة بتاعتي |
| المهندس منسي | : | لا خد راحتك، ولكن أنا ما حسبتهاش قبل كده |
| العميل | : | تقريباً يعني الكيلو ممكن يطلع كام كيس، تقريباً |
| المهندس منسي | : | تقريباً في حدود 800-700 كيس |
| العميل | : | إحنا نقول مثلاً 600 كيس عشان لو حاجة باظت صح كده؟ |
| المهندس منسي | : | يمكن أكتر، في حدود 800 |
| العميل | : | طيب تمام، عنوان حضرتك في باب الشعرية صح كده؟ |
| المهندس منسي | : | خلي بالك في حاجة إحنا لما نيجي نقول الكيلو يعمل كام كيس نقول سماكة الخامة كام، لأنه سماكة الخامة هتتحكم في وزن الكيلو |
| العميل | : | آه أنا عارف لو الخامة تخينة العدد معاك هيقل، خفيف… عشان كده أنا بقول لحضرتك… |
| المهندس منسي | : | آه يعني في عندي حاجة 12 ميكرون، وفي عندي حاجة 20 ميكرون، وفي عندي حاجة 35، وفي 60، وفي 70، وفي 80، وفي 100، وفي 110… فإزاي هحسب الكيلو يعمل كام إلا لما تاخد عينة وتفصل كيس وتوزنه؟؟!!!! |
| العميل | : | طب تمام، طب حضرتك بالنسبة للتقطيع، أنا اللي بقطع ولحم ولا الوضع يبقى ماشي إزاي؟ |
| المهندس منسي | : | عادي لو عايز تقطع وتلحم مافيش مشكلة، لو عايزنا إحنا نقطع لك مافيش مشكلة عندنا |
| العميل | : | طبعاً لو حضرتك هتقطع إنت طبعاً التكلفة هتبقى زيادة صح كده؟ |
| المهندس منسي | : | آه طبعاً |
| العميل | : | هيزيد كام؟ |
| المهندس منسي | : | لا دي مش عارف صدقني |
| العميل | : | طيب تمام يا هندسة، طب الطباعة بره ولا عند حضرتك؟ |
| المهندس منسي | : | إحنا بنطبع بره مصر، يعني إحنا بنطبع وبعد كده بنجيبها ونحطها على الخامة لأن عندنا لامينيتد |
| العميل | : | تمام.. طب الطباعة حضرتك تكلفتها كام؟ |
| المهندس منسي | : | عملية الخامات بالذات ما ينفعش.. لازم حضرتك تيجي تنقي الخامة وتجيب لنا الديزاين، وبناء عليها بنقولك دي سعرها هيبقى كذا، أصلها مش منتج مثلاً معروف |
| العميل | : | آه على حسب الخامة اللي هاخدها أصلاً… |
| المهندس منسي | : | أيوه |
| العميل | : | تمام.. تمام.. أنا بس بحط وضع تقريبي |
| المهندس منسي | : | تقريبي في الخامات يبقى بنضحك على بعض، يبقى بقولك أي كلام في أي كلام |
| العميل | : | تمام.. الله ينور يا هندسة، معلش بقى أخوك بيفهم بس من حضرتك، أنا آسف إن أنا صدعت حضرتك |
| المهندس منسي | : | لا خد راحتك |
| العميل | : | ربنا يخليك، العنوان المكتوب على النت ده صح اللي هو باب الشعرية |
| المهندس منسي | : | إن شاء الله |
| العميل | : | طب تمام، شكراً لحضرتك، اتفضل |
