رول وخامات تصنيع أكياس
العميل : السلام عليكم
شركة المهندس منسي؟
المهندس منسي : عليكم السلام ورحمة الله وبركاته
نعم نحن شركة المهندس منسي
العميل : الرول بيكون كام كيس عموماً يعني الكيس بيكون قد إيه تمنه أو أقل حاجة كام كيس
المهندس منسي : هو دي حاجات ما بنقدرش نحكمها لسبب بسيط، لأنه السماكات بتبقى مختلفة، في حاجات 30 ميكرون، 40 ـ 50 ـ 70… فيه بولي بروبلين، بولي إيثيلين.. فحضرتك تعالى شرفنا اختار الخامة واسألهم على سعرها
وبعدين إحنا بنبيع بالكيلو مش بنبيع بالكيس
عملية تضريبة الرول يعمل كام كيس ده، يعني الكيلو من الرول يعمل كام كيس دي مش تبعنا دي تبع العميل ما حسبنهاش قبل كده، لأن إحنا بنبيع بالكيلو
العميل : بص حضرتك لو كيس نوعه زي رز الضحى الكيلو من نوع الكيس دا بكام؟
الكيس دا بكام الكيلو منه؟
المهندس منسي : ابعتلي عينة كده من الكيس عشان أشوف نوعية، لأنه ما ينفعش أقيم كيس بصورة، لازم أمسك الكيس أوزنه وأشوف الخامة
المهندس منسي : طبعاً هتقول كيس الضحى مشهور، هو مشهور بالنسبة لحضرتك، إنما بالنسبة أنا لا
العميل : هههه قصدي أن دا انطبع عندكو فأكيد حضرتك عارف نوعه
أنا والله ما بفهمش في أنواع الأكياس وكده، عايز حضرتك تقولي كيس شركة كذا وقولي الأسعار، أنا مش هقدر أجيلك عشان أنا في شمال سيناء، ومش هقدر أنقي خامة الكيس عشان أنا ما بفهمش فيهم، فبعت لك الضحى عشان عارف إن حضرتك معمول عندكم، فممكن تقولي مثلاً ده اتعمل عندكم وده عندكم وأنا سألك ده بكام وده بكام، أو تقولي الأسعار
المهندس منسي : للأسف مش هقدر أتعامل معاك عن طريق الشات، الشات ده مش بتاع شغل، فلما حضرتك تنزل بالسلامة في أي وقت تعالى شرفنا
العميل : أنا عايز أعرف الأسعار طيب كلها بعد إذنك وإن شاء الله هاجي لحضرتك قريب بس عايز العنوان والأسعار والخامات لما آجي
المهندس منسي : لا ما هو الأكياس بالذات زي ما قلت لحضرتك قبل كده، الأكياس بالذات ما ينفعش يتقال سعرها كده، لأن أنا ببيع رولات مش ببيع أكياس
المهندس منسي : هو سعر الكيلو عموماً عندنا بيبدأ من 40 جنيه، أما عملية إن أنا أقولك سعر الكيس هيبقى كام مش هينفع، لأنه عشان خاطر أعملك كده لازم أمسك كيس وأفصله وأشوف وزنه وحاجات من دي، وده طبعاً هيبقى مرهق جداً بالنسبة لي، لأنه مش كل واحد هيستفسر هقعد أوزنه وكده، لأنه عدد الاستفسارات كتير جداً ومافيش تنفيذ، يعني كان مثلاً من 10 سنين 5 بيستفسروا وواحد بينفذ، دلوقتي مثلاً ألف بيستفسروا وواحد بينفذ، فتخيل بقى إن أنا أعمل ألف واحد أعمله عينة، وكلهم بيقولوا أنا جد، وكلهم بيقولوا أنا متهم، كلهم صدقني
المهندس منسي : هو إحنا بنحسب شويه إنك لما تيجي تشرفنا بالزيارة بنحس بشويه جدية، وهناك هتلاقي رجال مبيعات بيفصل لك كيس أو بيوزن كيس وبيتعاملوا يعني
أما لو مش فاضي للشغلانة.. ما هو عملية الشات ديت مش معمولة عشان نعمل عليها شغل صناعي، يعني عملية الشات دي معمولة عشان عندك الحاجة دي؟ آه، مثلاً لو مكنة بتقول بكام؟؟ ولو إنه غلط لأنك المفروض تعرف الأوبشن، أما خامة كمان تتعمل على الشات لا.. لا.. ده صعب قوي
العميل : تمام متشكر لحضرتك هشرفكوا في أقرب وقت بس عايز العنوان
ستجد عناوين وتليفونات ولوكيشنات فروع شركة المهندس منسي في هذا الرابط:
العميل : شكراً بعد إذنك
بعد إذنك حابب أعرف المكنة بتاعت تعبئة الرز اللي بتحط فيه رول الأكياس وهو بيعبي ويقفل كنت عايز أعرف سعرهم كام؟ وفي كبير، وفي صغير.. وإيه المواصفات بالضبط؟
المهندس منسي : آه في نص أتوماتيك وفي أتوماتيك كامل
النص أتوماتيك سعرها
والأتوماتيك في من 5 جرام لغاية 250 جرام ممكن تعديلها لـ 500 جرام سعرها 4
المهندس منسي : في أتوماتيك تانية بتشتغل من 100 جرام لغاية كيلو، دي سعرها
