سعر ماكينة الفاكيوم موديل 605
العميل : السلام عليكم….
ممكن بعد اذنك حابب اعرف سعر ماكينة الفاكيوم موديل 605….
وكافه المعلومات الفنية والإنتاجية الخاصه بالماكينة…..
مع عنوان الخاص بك….وشكرآ جزيلآ…
المهندس منسي : آه.. المكنة موديل 605 دي مكنة الفاكيوم اللي بتشتغل فاكيوم، وبتشتغل تغليف، وبتشتغل في نفس الوقت في تشكيل العلب.. لها عدد كبير جداً جداً من المميزات
دي سعرها
العميل : وهل هي متاحة في أي وقت عند الطلب
المهندس منسي : هو موجودة بضاعة حاضرة، هي موجودة عموماً بضاعة حاضرة، حضرتك لو شرفتنا بالزيارة اتفرجت عليها ده يبقى أفضل بكتير، ده يجيب من الآخر
العميل : ممكن العنوان
المهندس منسي : اتصل بنا في الفروع التي تناسبك / ماكينات تعبئة وتغليف
ستجد عناوين وتليفونات ولوكيشنات فروع شركة المهندس منسي في هذا الرابط:
العميل : ممكن أستفسر بخصوص شيء وأرجو الرد للتوضيح إيه أنواع الماكينات المتاحة لتشكيل البلاستيك
المهندس منسي : آه هو مكنة تشكيل العبوات البلاستيك موجودة بضاعة حاضرة، موديل 605 ماركة المهندس منسي سعرها
المهندس منسي : بص حضرتك شغل الشات ده وهات وخد، هات وخد… ده صدقني مش بيجيب نتائج، حضرتك تيجي تتفرج على المكنة موجودة بضاعة المهندس منسي : حاضرة، إحنا فاتحين معارض عشان حضرتك تيجي وتتفرج وتشوفها، يعني إحنا متكبدين مبالغ كبيرة زي كده عشان خاطر حضرتك تيجي تتفرج على المكن وتعاينه، فأنا بعت لحضرتك العنوان قبل كده، وحضرتك مصمم تتعامل معايا على الشات، تعالى شرفني بالزيارة هتلاقي المكنة موجودة بضاعة حاضرة
العميل : اكيد حضرتك مش قصدى اتعامل معاك على الشات…..
انما قبل بدايه الشراء عاوز اعرف نوع الماكينة المناسبة……مثلآ…
تختلف طرق تشكيل البلاستيك زى الحقن والضغط والتشكيل الحرارى وأكيد حضرتك عارف بده …..
فهل ماكينة الفاكيوم 605 أفضلهم…. ولا فى أنواع تانيه…. وشكرآ لردك …. واسف للازعاج…
المهندس منسي : هي منتجات حقن البلاستيك، بتختلف عن منتجات نفخ البلاستيك، بتختلف عن منتجات تشكيل البلاستيك، فلما حضرتك سألتني في الأول قلت لي عايز تشكيل، فتشكيل البلاستيك في في حاجة اسمها ثيرموفورمينج، وفي فاكيوم ثيرموفورمينج، وفي فاكيوم أند بلاو ثيرموفورمينج
المهندس منسي : طيب حضرتك يستحسن إن حضرتك تبعتلي عينة وبناء على العينات اللي هتعملها دي هقولك ديت هتتعمل بمكنة كذا، هسهل الدنيا عليك على الآخر
العميل : تمام.. يعتبر ده شكل المنتج النهائي.. المراد تصنيعه
هل ماكينه الفاكيوم 605 هى المناسبة…. وهل الماكينة يدوية ولا أليه….
العميل : أخر حاجه لو سعر الماكينه هتكون بسعر ال وقت الشراء….
وهتكون متاحة فى اى وقت عند الطلب……….وشكرآ لرد حضرتك…….
(واسف كمان مره لازعاجك)
المهندس منسي : آه هي المكنة موجودة بضاعة حاضرة، موجودة.. موجودة بضاعة حاضرة
وسعرها آخر… مش آخر حاجة، مافيش عندنا آخر ولا أول، إحنا شركة وبراند عالمي أسعارنا نهائية
العميل : يعني برضوا مفهمتش ماكينة الفاكيوم 605 هي المناسبة للمنتج النهائي
عارف انى بتقل فى الاستفسار لكن … ارجو الرد
العميل : أفضل ماكينه لتشكيل البلاستيك الموضح فى الصوره هى 605 …. وهل هى يدويه ولا أليه……..
حضرتك انا بحترم كلامك جدآ…
بس لو حضرتك اتضايقت من استفساراتى رد ….
لأنك قولت ابعتلى المنتج المراد تصنيعه وهتعرفنى نوع ماكينة الفاكيوم المناسبة هتكون ايه….
وحضرتك انا مسألتش على فصااال فى الفلوس خاااالص كل اللى محتاجه قبل قرار الشراء حاجتين ياااريت يكون فى إجابة…
1/ نوع الماكينة المناسبة…؟؟؟؟
2/طريقه تشغيل الماكينة آلى ولا نصف آلى ولا يدوية….؟؟؟؟
المهندس منسي : هو حضرتك أنا لو اضايقت منك مش هرد عليك من بابه، ولكن لاحظ كده أنا قلت لك تعالى اتفرج على المكنة 3 مرات لغاية دلوقتي
عموماً نوع البلاستيك المناسب مش هنقدر نحدده غير لما نشوف المنتج اللي حضرتك عايز تنتجه
المهندس منسي : طريقة التشغيل آلي ولا نص آلي… ما هو لازم نبص على المنتج الأول، نشوف المنتج اللي إحنا هننتجه إيه، وبعد ما نشوف المنتج نبدأ نقول المكنة اللي هتناسبه إيه، وعندنا منها آلي، وعندنا منها نص آلي..
فإحنا كده كل اللي بنعمله عمالين رايح جاي في الكلام وبس
حضرتك كل اللي عليك تجيب لنا المنتج وإحنا هنقولك آه المنتج ده يلزمه مكنة كذا، وهيتصنع بطريقة كذا وبس
العميل : ممكن اعرف مواعيد فرع أكتوبر المنطقة الصناعية الثالثة…….
لان بإذن الله حابب اتفرج على نوع المكن ومعرفه نوع الماكينة المناسبة
ممكن مواعيد العمل.. والأيام
المهندس منسي : هي المواعيد من الساعة 11 – 9 مساء طول أيام الأسبوع ماعدا الجمعة الأجازة الأسبوعية
المهندس منسي : ستجد عناوين وتليفونات ولوكيشنات فروع شركة المهندس منسي في هذا الرابط:
العميل : شكرآ لحضرتك … ان شاءالله فى اقرب وقت …..
متعرفتش بإسمك لو مش فيها مشكله…..
وياترى هتكون موجود … ولا ممكن حد يمانع دخولى…..
وشكرآ جزيلآ لذوق حضرتك فى الرد
المهندس منسي : معاك مهندس منسي
