طبات ألومنيوم فويل

العميل : Mohamed yehia

Easy care Co. 85 ميكرون قطر 7.5 سم

المهندس منسي : آه موجودة آه بضاعة حاضرة، الألومنيا دي موجودة عندنا بضاعة حاضرة، بس هي مش 85 ميكرون، حضرتك أخطأت في المقاس، حضرتك تقريباً قستها ببوكليز، ديت من خلال مسكتك ليها ورفعتك ليها ديت قول حوالي 60-55 كده

العميل : أكيد حضرتك أعرف مني طيب حضرتك ممكن أعرف سعرها كام؟

المهندس منسي : هو السعر لما حضرتك بقى تشرفنا بالزيارة تنقي الخامة اللي تعجبك

العميل : حضرتك ما تقدرش تقولي كام عشان أبلغ الشركة عندي حتى يتم احتساب تكلفة المنتج بالكامل

المهندس منسي : ما هو أنا مش عارف الكمية اللي حضرتك هتطلبها أد إيه؟ ده رقم واحد

المهندس منسي : رقم 2 هقول لحضرتك السعر بناء على أنهي سكنس، ما هو في  ألومنيوم هوت سيليج لاكر، وفي ألومنيوم بولي إيثيلين، وفي بولي إستر ألومنيوم بولي إيثيلين… معايا

المهندس منسي : طيب بولي إستر ألومنيوم بولي إيثيلين في ألومنيوم مثلاً كميتها قليلة على حساب البولي إيثيلين، وفي كميتها كبيرة… إحنا بنتكلم في أكتر من 30-40 خامة

المهندس منسي : والكمية نفسها أنا ما أعرفهاش، أنا كل اللي عرفته بس الميكرون مع القطر، حضرتك قولي الكمية، وقولي القطر ممكن أجتهد معاك في السعر بس مش هيبقى سعر أساسي، هيبقى حوالي أب تو داون، أب تو داون كتير مش قليل، يعني أب تو داون حوالي فرق 30% طالما حضرتك عايز أي سعر

ما هو أي سعر ده مش هينفع، أنا عايز أديلك سعر دقيق وبالتحديد

العميل : القطر 7.5 سم السنكس زي ما حضرتك قولت 60 أو 55 ميكرون

الكمية 50 ألف قطعة

الخامة المفروض إحنا مش هنلحمها يعني مش هوت سيلينج

الومنيوم أكتر مع بولي إيثيلين بدون لحام هتتحط تحت الغطا علطول لمنع التسريب فقط

البرطمان بي إي تي الخامة بتاعته

المهندس منسي : طب أأكد بقى على مقاس القطر، مقاس القطر 17.5 مضبوط؟

7.5

75 مللي

المهندس منسي : هيبقى الألف من 150 جنيه لغاية 200 جنيه، الألف سعره من 150 جنيه لغاية 200 جنيه

المهندس منسي : في بقى نوعية تانية سعرها رخيص جداً بس مش اللي حضرتك طالبه ده، في نوعية تانية بتبقى 20 ميكرون 18 ميكرون، ده سعر الألف فيه هيبقى عامل في حدود 100 جنيه