عايز مكنة تعبئة لب
العميل : السلام عليكم
عايز مكنة تعبئة لب بس عايز اللوحة تايواني والماتور أمريكي أو العكس
ده الصور اللي حضرتك بعتهالي
صورة اللوحة والماتور
أنا بقى عايز اللوحة والماتور ده
المهندس منسي : بص هو المواتير عموماً أسعارها ما تتخيلش إنها عالية قوي يعني، ولكن هو ده أسلوب بيستخدموه التجار في التحايل في إنه يوريك إنه مكنته أحسن، إنما إحنا شغالين من سنة 2006 لغاية النهاردة ما غيرناش موتور
أوردي إنت معاك ضمان لمدة سنة ضد عيوب الصناعة، و 5 سنين توفير قطع الغيار لحساب العميل
المهندس منسي : ولكن عايز أطمنك لو إنت عايز موتور أمريكي.. ولا حاجة نجيب لك موتور أمريكي نحطهولك ونشيل الموتور ده نحطهولك على جنب، عندك برده، بس في الآخر صدقني موتورنا إحنا أحسن، صدقني، أنا بقولك الحمد لله يعني مكنتك لا هتغنيني ولا هتفقرني، بس أنا بقولها لك كده بما يرضي الله، روح أي فرع من فروع شركتنا واسألهم إنتم غيرتوا موتور من إمتى؟؟ ما غيرناش ولا موتور من سنة 2006 لغاية النهاردة، ودي ظاهرة عجيبة
المهندس منسي : كل العالم النهاردة.. كله كله بيجيب من الصين، ولكن الشركة اللي بتجيب من الصين إيه؟ شركة بتبيع كلام، ولا شركة بتنتج وبتبيع إنتاج؟ هي دي القصة، كله النهاردة بقى يجري وراء الجنيه بشتى الأساليب، موتور أمريكي.. قال أمريكا بتنتج مواتير وتبعتها لنا!!!!!!! لا بصراحة كلام عجيب يعني، ولكن إحنا مع الزبون عشان هو يستريح نفسياً بس، ولكن هو لأ، إحنا مكنتنا من أفضل الماكينات في العالم حتى الآن، إحنا بنصدر لأمريكا، لو حضرتك كده كتبت المهندس منسي في معرض الصين الدولي هتلاقي ناس كانوا واقفين معانا من الاكوادور، أمريكا اللاتينية، بنصدر لأمريكا، وكنا بنعرض في معرض كانتون، معرض الصين الدولي، التعامل بينا وبين أمريكا بيتم عن طريق الأون لاين… على العموم إحنا معاك، كل اللي عايزه هنعملهولك، بس صدقني كل اللي هتعمله ده زيادة تكلفة مش أكتر
المهندس منسي : إنت بتاخد ضمان لمدة سنة ضد عيوب الصناعة، و 5 سنين توفير قطع الغيار لحساب العميل، واسأل على شركة المهندس منسي كويس، اسأل على مصداقيتها واحترامها، وخلي عقلك هو اللي يوجهك، ما تخليش التجار همه اللي يوجهوك
العميل : السلام عليكم
باش مهندس، الحقيقة كلام حضرتك أكثر من رائع، وفيه مصداقية نحسبك على خير، ويكفي كلمة إنك قلت وكيلك ربنا، فوكيلي ووكيلك ربنا
فإنت المهندس وفاهم في المجال ده، يعني إنت الدنيا معاك، فإنت سواء دي أو دي، آخرها حساب، وكلنا هنتحاسب، فزي ما قلت وكيلك ربنا فأنا مقتنع بكلامك، وإنت فاهم، إنت أهل الخبرة وفاهم في الموضوع
العميل : طيب عايز أفهم بس لو غيرنا الموتور نخليه أمريكي، واللوحة هتبقى تايواني، هيبقى إيه الفرق بالضبط؟
العميل : وفي حالة لو أخدنا المكنة دي بما يرضي الله كان فيه نقطة بسيطة، شركة المهندس منسي شركة معروفة ومجتهدين، بس الموضوع إن إحنا في أسوان فقالي حد من الناس اتعامل أو مش فاكر بالضبط، هو تقريباً اتعامل أو حد حكاله، إنكم تقريباً بتتأخروا في موضوع الصيانة، فهل عشان نبقى من الأول متفقين يعني، فهل لا قدر الله حصل حاجة هيبقى متوفرة الصيانة والدنيا تمام، ولا هعطل وكده؟
وإن شاء الله خير، إحنا حابين نشتغل مع حضرتك لأنك هتكون إضافة لينا بإذن الله
بص عملية الموتور، أنا رأيي شغل الموتور ده، وتغيير الموتور أبسط مما تتخيل، لأني متأكد إن موتورنا أفضل موتور في العالم
المهندس منسي : أنا مصلحة ليا أنا أجيب لك موتور، وآخد منك حق تركيبه وصيانة، بس هو التركيب إيه؟؟؟ إحنا هنشيل الموتور ونركب التاني.. مش قصة يعني، هنغيرهولك فري، هنغيرهولك مجاناً، بس هو ما أنصحش يعني، لأنه الموتور بتاعنا أفضل أنواع المواتير
المهندس منسي : أما عملية إن إحنا نجيب الموتور، لا إحنا ما بنجيبش مواتير، إنت اللي هتجيب الموتور ده وهتقول ركبوا لي ده مكان ده، يعني هتستبدل الجيد بـ…. يعني فعلاً موتورنا موتور جيد وموتور قوي، لأن إحنا بنبتكر في المواتير
هبعت لك أنا دلوقتي رابط، الرابط ده لسه رافعه من أسبوع عامل لغاية دلوقتي كذا ألف مشاهدة من قوتنا في المواتير، هبعتهولك في رسالة دلوقتي، يعني إحنا بنحدث في المواتير
المهندس منسي : عملية التأخير عشان أسوان محتمل عشان أسوان، إنت بتتكلم في ألف كيلو، يعني متأخر سنة، ولكن ممكن تتغلب على عملية التأخير ديت بأنك ممكن تعمل كاميرات أون لاين، لو لا قدر الله حصل مشكلة ولا حاجة بتخليهم يشوفوا المشكلة أون لاين وهو بيتابع معاك، ما تقلقش من النقطة دي
المهندس منسي : موتور موفر للطاقة الكهربائية بنسبة 90 في المائة، موتور خافض لاستهلاك الكهرباء بنسبة عالية جداً:
https://www.youtube.com/watch?v=s9pSAPG3nXM
العميل : بعد إذنك مش رديت عليه
المهندس منسي : في إيه؟؟ مش حضرتك كلمتني في التليفون وحكيت لك كل حاجة ولا مش حضرتك ولا إيه؟؟؟
العميل : تمام
العميل : بس أنا بقصد على لو الماتور أمريكي واللوحة تايواني
حيبقى السعر كام؟؟
المهندس منسي : لو عايز أغير لك الموتور مافيش مشكلة خالص، إحنا اللي مصنعين المكن لحسابنا، يعني إحنا اللي مصنعين قطع الغيار وبنجمعها هنا في مصر، فلو عايز تغير الموتور… ولو إن الكلام ده مش مضبوط يعني إن إحنا نغير لك الموتور إنت بتضر نفسك، الموتور بتاعنا ما تغيرش من سنة 2006 لغاية دلوقتي، سيبك من الكلام الفاضي اللي بيقولوه لغاية دلوقتي، الكلام ده كله كلام تجاري ولا ليه أي لازمة، اسمع كلام أخوك لوجه الله
المهندس منسي : إحنا بنديك ضمان لمدة سنة ضد عيوب الصناعة، و 5 سنين توفير قطع الغيار لحسابك
العميل : طيب أنا حابب أعرف لو حبدل حيبقى كام السعر؟؟
المهندس منسي : نفس السعر
العميل : السلام عليكم
باش مهندس كيف حالك
معلش باش مهندس هي المكنة بتاعت اللب هي اللي بتعبي الطحينة ومشتقاتها يعني ولا هي دي مكنة خاصة بذاتها يعني وكده، أو إيه اللي بيتم بالضبط؟
السلام عليكم
معلش يا هندسة أنا آسف هي اللي بتعبي التوابل، يعني الفلفل والكمون وكده هي نفسها ولا بيلحق بيها شيء، معلش منكم نستفيد
هي المكنة اللي بتعبي اللب هي اللي بتعبي التوابل، هي اللي بتعبي البهارات، هي اللي بتعبي السكر، هي اللي بتعبي المكرونة
المهندس منسي : بقول لحضرتك شغل الشات ده مش هينفع، هنجهد بعض على الفاضي، معلش حضرتك لو محتاج المكنة فعلاً اتعب شويه وتعالى اتفرج عليها في معارضنا، المكن موجود بضاعة حاضرة، يعني إحنا عاملين معارض ومكلفين جامد عشان خاطر الناس تيجي تتفرج وياخدوا فكرة مضبوطة، مش عشان نقضيها بالشات
العميل : تمام.. كلام جميل خالص، أنا ما أعرفش فكرة المعارض دي، ابعتلي عناوين المعارض وأنا بروح لهم وهمه هناك أكيد هيقوموا بالواجب يعني، يعني هيوروني كل شيء
يا ريت تبعتلي العنوان، أنا جيت القاهرة أكتر من مرة ورحت هناك، يا ريت يا باشا، السلام عليكم
المهندس منسي : اتصل بنا في الفروع التي تناسبك / ماكينات تعبئة وتغليف
ستجد عناوين وتليفونات ولوكيشنات فروع شركة المهندس منسي في هذا الرابط:
العميل : تمام أحسنت
