عبوات 2 سعه لتر من شركة المهندس منسي

 

العميل: السلام عليكم

المهندس منسي: عليكم السلام ورحمة الله وبركاته

العميل: الباش مهندس منسي

المهندس منسي: أيوه

العميل: إزي حضرتك… لو سمحت أنا كنت دخلت على الموقع بتاعك لقيت علبة رمادية مصدفة، دي متاحة عند حضرتك؟

المهندس منسي: هوه على الموقع بتاعنا؟

العميل: آه يا فندم، أنا دخلت على الموقع الإنترنت مكتوب عليه موقع بتاع حضرتك تقريباً ولقيت إعلان كده صورة برطمان رمادي مصدف…كنت عايز أعرف أقصى سعة ليه كام، وأقل سعة ليه كام، وأقل بادج ليه وكده؟

المهندس منسي: هوه إحنا بنعمل العبوات لحساب الغير، يعني مش عبواتنا، يعني بنصنع العبوات للغير

يعني العبوة مثلاً حضرتك عايز تعمل عبوة، فنصنع العبوة لحساب حضرتك

العميل: آه يعني مش موجود ستوك عند حضرتك آخد منك؟

المهندس منسي: ممكن يكون موجود وممكن يكون مش موجود، ولكن إحنا بنصنع العبوات للناس، ما ينفعش أعمل عبوة وأصنعها وبعد كده أديها لغيره

العميل: أنا فاهم دماغك

المهندس منسي: إزاي هيبقى عندي وأنا بصنع مثلاً ساي مثلاً لاكتي ويل، أقوم آخد عبوة لاكتي ويل وأديهالك

العميل: لا يا فندم أنا فاهم، أنا الأول عاوز عينات، كنت عايز أشوف آخد العينة إزاي الأول، وكنت عايز 2 لتر، فالـ 2 لتر موجود ولا لأ

المهندس منسي: آه.. هوه إحنا بنصنع العبوات لحساب العميل حسب طلب العميل، بنعمل الاسطمبة الأول

العميل: يعني الـ 2 لتر موجودة متاحة

المهندس منسي: ما هو أنا بقول لحضرتك أهو، إحنا بنصنع لحساب العميل حسب طلب العميل، يعني حضرتك بتيجي بتقدملنا بالشكل إحنا بنصنعلك الاسطمبة، وبناء على الاسطمبة بنبدأ ننفذ العبوة

العميل: تمام

المهندس منسي: يعني هنصنع الاسطمبة بناء على الشكل اللي إنت عايزه يعني

العميل: آه… وبالحجم اللي أنا عاوزه

المهندس منسي: بالحجم وبالشكل اللي إنت عاوزه، بنصنع الاسطمبة الأول، الاسطمبة بتتكلف في حدود

العميل: أقل بادج أد إيه يا فندم؟

المهندس منسي: أي كمية إنت عايزها، ولكن الاسطمبة بتتكلف

العميل: لأ ما هوه لازم آخد عندي، أقل بادج ممكن آخده منك أد إيه؟

المهندس منسي: أي كمية، طالما اسطمبتك…

العميل: طب أنا عاوز علبة واحدة

المهندس منسي: لما تصنع الاسطمبة

العميل: حضرتك فاهمني

المهندس منسي: طب أنا هبعتلك تليفون المبيعات وإنت تابع معاهم

العميل: طب يا ريت يا فندم، متشكر قوي