عينات رولات استيكر للعبوات من شركة المهندس منسي
العميل : سلام عليكم
المهندس منسي : عليكم السلام ورحمة الله وبركاته
العميل : إزيك يا باش مهندس، المهندس معايا حضرتك المنسي
المهندس منسي : أيوه، المهندس منسي معاك
العميل : أهلاً بحضرتك معاك رضا العربي يا هندسة، بقول لحضرتك أنا محتاج أعمل استيكر بتاع الحاجة الساقعة البلاستيك دوت…
المهندس منسي : حاجة ساقعة إيه
العميل : عندنا مصنع تعبئة ماشي بنعبي مواد غذائية ألبان وحاجات زي كده
المهندس منسي : آه
العميل : ماشي…
المهندس منسي : إنت جبت تليفونا منين يا عم رضا؟
العميل : الحاجات دي طبعاً ليها مشاوير معينة، يعني سألت واحد 2 ـ 3 عرفت رقم تليفون والواتس بتاع حضرتك يعني
المهندس منسي : الحمد لله وبفضل من ربنا
العميل : الحمد لله، سيرة كويسة يعني سامع سمع خير عن حضرتك
المهندس منسي : ربنا يبارك لك
العميل : الله يخليك، بقول لحضرتك أنا محتاج أعمل الاستيكر على إزازة 500 مللي كده بس الاستيكر يجيب من أول الإزازة للآخر
المهندس منسي : مافيش مشكلة
العميل : آه… طب مكان حضرتك فين؟
المهندس منسي : إحنا عندنا حدائق القبة، مدينة نصر، باب الشعرية
العميل : آه فين في باب الشعرية حضرتك؟
المهندس منسي : هبعتلك العنوان في رسالة حالاً
العميل : طيب أكون شاكر ليك جداً يعني، ممكن أجيب لحضرتك العينة ماشي، ونعرف التكلفة برده، هي التكلفة مبدئياً كده تبقى في حدود كام
المهندس منسي : مقدرش أقولك على أي تكلفة غير لما أبص على الديزاين والطول والعرض والكمية المطلوبة
العميل : طب أقل كمية حضرتك ممكن تكون أد إيه؟
المهندس منسي : أقل كمية 10 ـ 20 ألف كده يعني
العميل : طيب واضح لينا قعدة مع حضرتك برده، ممكن أستأذنك بس تبعتلي العنوان في رسالة حضرتك
المهندس منسي : إن شاء الله
العميل : ماشي يا فندم
المهندس منسي : مع السلامة
