عينات من أكياس تعبئة و تغليف
العميل : ممكن عنوان فرع مدينة نصر
ومواعيد العمل
المهندس منسي : اتصل بنا في الفروع التي تناسبك/ ماكينات تعبئة وتغليف:
ستجد عناوين وتليفونات ولوكيشنات فروع شركة المهندس منسي في هذا الرابط:
مواعيد العمل من الساعة الحادية عشر صباحاً حتى الساعة التاسعة مساء عدا يوم الجمعة الأجازة الأسبوعية
العميل : طب بتشتغلوا بعد الفطار فرع مدينة نصر؟
مساء الخير
العميل : لو سمحت أنا رحت فرع مدينة نصر زي ما كنت سألتك قبل كده ووصلت هناك وما شفتش عينات، الحاجات اللي موجودة حاجات ثابتة، لكن الحاجات اللي كنت بسأل عليها اللي هي شفافة من ناحية ومن الناحية التانية ألومنيا، عايزه أعرف دي أشوفها إزاي؟؟ عايزه أشوفها وأمسك الخامة بتاعتهم، أنا معايا حاجة وعايزه أعمل زيها، عايزة أشوف العينة بعنيا يعني، فممكن تساعدني تقولي إزاي أقدر أوصل للموضوع ده؟؟
المهندس منسي : هو حضرتك يعملك عينة وإنت واقفة، قولي له.. هنشوف الخامة اللي في إيدك إيه، ممكن تكون بولي إستر ألومنيوم بولي إيثيلين، أو بولي إستر ميتالايز بولي إيثيلين، على الخامة التانية الشفافة بولي إستر بولي إيثيلين، يعني العينة سهلة إن إحنا نعملك عينات وإنت واقفة يعني
العميل : ماشي بس هو ما قليش كده يوم ما كنت عنده، قلت له عايزه أشوف عينة قالي مافيش غير اللي قدامك ده، ما قليش إنه ينفع يعملي حاجة، يعني يا ريت لو ينفع يعملي عينة وآخدها عندي أوريها لهم في الشغل، الدنيا تبقى معايا مضبوط وأبتدي أنفذ، بس هو ما قليش إنه ينفع يعملي عينة، قالي الحاجات اللي إنت شفتيها على النت دي دي بس شغل العملاء، بس ماعنديش عينات بيها، هو ما بلغنيش بده
المهندس منسي : آه.. قولي له اعملي عينة بتكلفتها، لأن كتير قوي بييجوا عايزين عينات، عايزين عينات، عايزين عروض أسعار.. وحاجات من دي ومافيش تنفيذ يعني، فهمه زي ما تقولي يعني أصابهم بعض من الحيرة
المهندس منسي : أو ممكن حضرتك تاخدي عينة من الخامة دي وعينة من الخامة دي يبقى مش ناقصة غير على اللحام، إنها تتلحم بس مافيش أكتر من كده
العميل : لا لو ينفع يعملي عينة وأنا واقفة وأدفع له ثمن العينة أنا ماعنديش مشكلة، كان قالي كده وعملها لي وأخدتها ورتها لهم عندي في الشغل بكل حاجة أنا عايزاها، ولو الدنيا تمام عندي أبتدي أنفذ الموضوع
المهندس منسي : أوك كليمهم
العميل : ممكن ترسلي لي صورة لكل الكيس؟
المهندس منسي : هو أنا شايف إنه كيس عادي مافيهوش مشكلة، ده كيس ألومنيوم مافيهوش أي حاجة غير عادية، مش عارف حضرتك قابلتي مين في الفرع
هو إنتي عايزاه سادة ولا مطبوع؟
العميل : اللي أنا شفته عندكم البلاستيك الشفاف ده طري قوي، لكن اللي في الورقة اللي معايا ده ناشف، فلو تقدر تقولي الحاجة بأد إيه وتكلفتها وأقدر أشوف عينة يا ريت
آه زي ما حضرتك شايفه كده، إن من ورا ألومنيا وعليه الحتة الشفافة، وفيه السوستة اللي فيه دي، زي الكيس اللي أنا بعتهولك كده بالضبط بس ده حجمه كبير أنا عايزاه حجمه أصغر شويه، دي حاجة، الحاجة التانية هو هناك وراني شفاف من ورا ومن قدام عادي بالسوستة، ووراني الألومنيا بس، فقلت له لا أنا عايزه لو الاثنين على بعض شكلهم إيه ده حاجة ملصوقة عندكم على الحيطة، راح قالي أنا معنديش عينات من ده، فقلت له طب في من ده ألوان أنا شفت على النت منه ألوان، راح قالي برده لا مافيش منه ألوان، طب أنا عايزه لو عايزاه مطبوع عليه ينفع تعملوا الطباعة دي، وخد بالك الجزء البلاستيك اللي موجود هنا ده ناشف
