كارت ورق البطاريات من شركة المهندس منسي

العميل: سلام عليكم

المهندس منسي: عليكم السلام ورحمة الله وبركاته

العميل: إزيك يا باش مهندس

المهندس منسي: أهلاً بيك

العميل: كنت عايز أستفسر من حضرتك على كذا حاجة

المهندس منسي: اتفضل

العميل: كارت ورق تمام.. عامل مساحة 30 × 30

المهندس منسي: كارت ورق؟؟؟

العميل: آه أو مساحة مثلاً 20 × 20 أو 15 × 15 كارت ورق، عايز أحط عليها حاجة زي الحجر كده بتاع البطارية وألصقه والمكنة تسحبه فاكيوم ويتلحم الكيس فيه

المهندس منسي: آه…

العميل: الحتة بتاعت الكيس دي اسمها إيه؟ طب موجود عندك منها؟

المهندس منسي: طب أشوف بس صورة الحاجة اللي إنت عايز زيها إيه علشان ما يختلطش عليا الأمر

العميل: نعتبرها لعبة أطفال ماشي

المهندس منسي: ما هوه لعب الأطفال فيها التغلفة كتير، فمعلش اتعب شويه وصورها وابعتها، أو شرفنا بالزيارة ومعاك العينة

العميل: خلاص ماشي يا باشا، ماشي يا باش مهندس، طب إنت عندك خامات الأكياس على كده؟

المهندس منسي: كل أنواع التغليف كلها بدون استثناء، خامات تعبئة وتغليف في العالم كله يبقى عندي

العميل: طب هقول لحضرتك على حاجة، باب الشعرية المترو أقربلي ولا أجيلك بالعربية، لأني أنا بوقف العربية في شارع الجمهورية

المهندس منسي: والله المترو أحسن وسيلة مواصلات بالنسبة لي

العميل: يبقى أركبه من إيه؟ أركبه من اتجاه إيه طيب؟

المهندس منسي: دي بقى مش تبعي، هبعتلك تليفون المبيعات كلمهم همه بقى هيصفولك بالضبط

العميل: طب ممكن بقى تبعتلي رقم التليفونات

المهندس منسي: هبعتهولك في رسالة حالاً

العميل: طب ماشي، ماشي يا باش مهندس، ألف شكر يا باش مهندس

المهندس منسي: مع السلامة

العميل: آسفين على الإزعاج يا باشا

المهندس منسي: ولا يهمك