كيس بقفل سحاب
العميل : لو سمحت بسال عن كيس بقفل سحاب عرض 3 أو 4 أو 5 طول 5 أو 6 أو 7 أو 8 سم
متوفر حاجة زي كده عند حضرتك
المهندس منسي : آه موجودة عندنا كل أنواع الأكياس وأفضل أنواع الأكياس
المقاس المتوفر أنهو فيهن حضرتك والسعر كام وأقل كمية للطلب لو سمحت
يفضل بالنسبة عرض 3 سم في طول 7 سم ويكون بيقفل بقفل سحاب اللي هو كبس
المهندس منسي : هو الأكياس بالذات ما ينفعش فيها الشغل بالشات، حضرتك بتيجي تشرفنا بالزيارة بتشوف العينات، بتختار العينة اللي تعجبك، تبدأ تقوله دي بكام، ووزنها إيه وكده، لأنه في سماكات كتير، وفي سايز كتير.. حاجات كتيرة قوي، فللأسف الأكياس بالذات ما ينفعش فيها إلا العينة الملموسة
العميل : مكانكم فين حضرتك
المهندس منسي : ستجد عناوين وتليفونات ولوكيشنات فروع شركة المهندس منسي في هذا الرابط:
العميل : أنا للأسف من طنطا المكان بعيد بص حضرتك أنا اللي يهمني المقاس في الأساس وسمك الخاة هيحددو السعر لأني مش مهتم أوي بالسماكة، أنا دكتور صيدلي وفاتح صيدليتي ومحتاجو في تعبئة بعض المواد
المهندس منسي :هي الكمية المطلوبة أد إيه؟
العميل : أقل كمية متاحة للطلب حضرتك أول كمية
حضرتك عرفني أقل كمية متاحة للتنفيذ مع السعر الخاص بيهم للمقاس اللي أنا طالبو ويكون بقفل سحاب يغلق من الطرف المفتوح
المهندس منسي :لا هو فيه أكياس بضاعة حاضرة، وفي أكياس بنعملها بالطلب، هو الأفضل إن حضرتك تشرفنا بالزيارة تتفرج على النوعيات
العميل : مفيش مشكلة الحاضرة لو مقاساتها قريبة لطلبي يبقى كويس ابعت لحضرتك الفلوس وتشحنهالي مع شركة شحن أنا مشكلتي في السفر
المهندس منسي :تمام
العميل : حضرتك شوفلي الجهاز مقاس متوفر إيه وكمية متاحة إيه وسعرو إيه وصور هولي أستأذنك
المهندس منسي : من فضلك تابع مع مبيعات الشركة
اتصل بنا في الفروع التي تناسبك / ماكينات تعبئة وتغليف
ستجد عناوين وتليفونات ولوكيشنات فروع شركة المهندس منسي في هذا الرابط:
العميل : تمام كده أنا فعلاً تواصلت معاهم وبلغوني بالسعر للمقاس اللي أنا عاوزو أنا متشكر لحضرتك جداً
