ماكنة تعبئة مجروشات بتتحط مع البودرة
العميل : السلام عليكم أريد السؤال عن ماكنة تعبئة الدقيق والبودر نصف أوتوماتيك وزنية هل عندكم منها
المهندس منسي : أبعث الفيديو هنا مثل هذه عندكم
المهندس منسي : هو في نوعين منها، في نوع وزني وفي نوع حجمي، اللي حضرتك باعتها في الصورة دي حجمي، هبعت لك أنا دلوقتي الاثنين، الوزني والحجمي
الحجمي وقفناه نص أتوماتيك، بقينا نشغله أتوماتيك بس، أما الوزني في منه نص أتوماتيك
المهندس منسي : بعت المكنة الوزنية النص أتوماتيك
المهندس منسي : ودي فيديوهات المكنة الأتوماتيك اللي بتعبي البودر شديد النعومة، لأنه في نوعين من البودر، في بودر شديد النعومة، وفي بودر عادي زي بودرة الغسيل، وبودرة العصير… كل ده بودرة عادية مش محتاجة حلزون
المهندس منسي : بص حضرتك هتلاقي الرابط فيه أكتر من 50 فيديو، وهتلاقي تحت في قائمة هتلاقي 1 ـ 2 ـ 3 ـ 4 دوس فيها واتفرج على الفيديوهات، اتفرج على أكبر قدر ممكن من الفيديوهات، في النص أتوماتيك وفي الأتوماتيك، كل ما اتفرجت أكتر هتعرف أكتر الفرق بين المكن في التشغيل وكله، أنا ما يهمنيش إن أنا أبيع لك أكتر ما يهمني إنك تعرف الموقف بالضبط، وتعرف الموقف مضبوط
العميل : أنا عاوز مكنة نص أتوماتيك للبودر، إحنا عندنا بودر السحلب معاه شويه مكسرات مدششة، عايز مكنة تعبيه وتكون وزنية من ربع جرام لحد 3 كيلو، وزنية نص أتوماتيك
المهندس منسي : الوزنية النص أتوماتيك هي موديل 904، بتعمل من 5 جرام لغاية كيلو
المهندس منسي : أما الأتوماتيك اللي بتعبي البودرة اللي معاها حبات مدششة مش هي المكنة اللي حضرتك باعتها، دي مكنة تانية موديل 902 ماركة المهندس منسي، هبعت لك الفيديوهات بتاعتها تتفرج عليها
هذه من عندكم بكم سعرها؟
https://engineer-mansy.com/mark/ماكي
العميل : والله المواقع اللي بعتهم ما فهمت منهم شي صراحة، بس أنا عايز مكنة تكون قوية، وحجم إنتاجها جيد، وتكون قدرة تحملها قوية، وسرعتها كذلك، تكون نص أتوماتيك للبودر، طبعاً البودر اللي عندنا هنا فيه شويه مكسرات مدششة مش مطحونة 100%، مختلط
المهندس منسي : آه.. ما هو مافيش جديد، ما أنا بعت لحضرتك المكنة النص أتوماتيك الوزنية 904 ماركة المهندس منسي هي دي طلب حضرتك بعتلك الفيديوهات، فلو حضرتك ما فهمتش منها اتفرج على الفيديوهات تاني ورابع وخامس، بحيث إنك تحصل على معدل العلم التراكمي، اللي هو مرة و2 و 3 و 5 و 10 و 20 هتبص تلاقي نفسك بقيت عارفها كلها
العميل : اتفرجت عليها بعد ما كلمتك وفهمت منها، واضحة هي، بس أنا عايز مكنة زي اللي أنا بعتها لك في الصورة الأخيرة دي عندكم منها ولا لأ؟
المهندس منسي : دي كانت مكنة نص أتوماتيك كنا بنصنعها للبودر، إنت مش محتاجها للبودر دلوقتي لأنك إنت عندك مجروشات بتتحط مع البودرة، فدي مش هتنفع معاك، اللي هينفع معاك النص أتوماتيك العادية، أما البودر شديد النعومة مش هتنفع معاك
