ماكينات الشرينك

العميل : هي المكنة دي إيه؟؟ المكنة دي صناعة مصرية ولا صناعة هندية؟ المكنة دي جميلة قوي عاجباني، المكنة دي ما أعتقدش إنها صيني عشان الفينيش نفسه مش قوي، الفينيش ده بيقول يا مصري يا إما هندي

العميل : هي مصري بس الفينيش ده مش النهائي، دي قبل ما أستلمها يعني، هي حصلها تعديلات كبير، بس هي فكرتها حلوة وبتشتغل كويس وبتعمل كم كبير يعني

المهندس منسي : لو تقدر تقولي على اللي عملها لك تبقى خدمتني، بحب أنا الافتكاسات دي

العميل : هي مش افتكاستوا والله أنا جبت التصميم من بره وقولتلوا عايز التصميم ده

وهو بصراحة عمله كويس اسمه ماهر

المهندس منسي : حبيبي تسلم يا غالي ما أتحرمش منك أبداً

العميل : هو إنت استلمت منه المكنة خلاص ولا لسه، يعني استلمت المكنة ولا لسه بيجرب وبضبط حاله؟

العميل : لا يا باشا أنا استلمت المكنة خلاص والمكنة شغالة بس أنا شغال عليها بأكياس مش شغال عليها ببكر، فكنت عايز البكر المفرد ده عشان أحط لها بكرة فوق وبكرة تحت عشان لو كده أبدأ أعمل منها كميات بس مش لاقي، وكلمت فرع أكتوبر قالي مش موجود، فمش عارف بقى أعمل إيه؟

المهندس منسي :  لا كلم فرع مدينة نصر، أو فرع باب الشعرية، أو فرع حدائق القبة، أو فرع غمرة، كلم الـ 3 فروع دول، وكلم فرع المعادي

المهندس منسي : بس لو حد قالك مش موجود قوله لا المهندس منسي قالي موجود، مش عارف مين اللي قفلها كده مش عارف، وشوفلي الرقم اللي قالك مش موجود وابعتهولي بعد إذنك معاليك، أنا تعبتك النهاردة معايا

العميل : يا باشا أنا اتشرفت بمعرفتك ومافيش أي تعب ولا حاجة، أنا اسمي أحمد حافظ عشان تسجل الرقم بتاعي، وأنا هشوف الرقم وأبعته لحضرتك، بس أنا معيش أرقام باقي الفروع

المهندس منسي :  01211116962

العميل : كنت كمان محتاج آخد رأي حضرتك مكنة زي دي تتكلف كام؟ أنا هبعت لك بكرة صورة ليها كده أو فيديو في المكان عندي على الطبيعة لأني غيرت فيها شوية حاجات، يعني غيرت البلاور بتاع الهواء اللي فوق خليته حطهولي أكبر، زودت سخانات.. كده، فقولي تتكلف كام أو قيمتها كام عشان أعرف أنا اتغلبت ولا أخدها بسعر كويس؟

المهندس منسي : ستجد عناوين وتليفونات ولوكيشنات فروع شركة المهندس منسي في هذا الرابط:

https://goo.gl/en7xfB

العميل : زي ما حضرتك شفت كده هي بدوسة واحدة بتحط الطبق جوه الشرينك وبيتقطع وبيشتغل لحد ما يدخل جوه الفرن

المهندس منسي :  لا ولا يهمك يا صديقي، هي سعرها عندنا أو ما يعادله بالجنيه المصري، اضرب بقى في سعر ال النهاردة يطلع لك سعرها، بس مش بنفس النظام ده، هو أخوك شويه مجنون بالصناعة، يعني حياتي كلها صناعة × هندسة.. كده يعني، فكل ما أشوف فكرة حتى لو فاشلة أجري جري عليها وأقعد ممكن أشتريها… أنا مجنون بالصناعة

العميل : لو جيت عندي عامل مكان مساحته حوالي 300 متر بجيب فيه الأفكار الغريبة والجديدة، يعني لو أنا مثلاً صادفت وجبت مثلاً 100 مكنة طلع منهم مكنة واحدة فيها فكرة بالنسبة لي أنا كويس

العميل : بس ده رقم خرافي أنا سألت كتير مكنش في الأرقام دي أنا لو سمعت الرقم ده قبل ما أعمل كنت اشتريت شرى العبد ولا تربيته أنا مكلفاني 300000

المهندس منسي :  لا عادي عادي.. دي أرزاق بتاعت ربنا، ربنا سبحانه وتعالى هو الرزاق، ده رزقه ونصيبه، إنت بتتعامل مع شركة المهندس منسي، النهاردة الحمد لله إحنا ماركة وبراند عالمي على مستوى العالم

المهندس منسي :  يعني لك أن تتخيل إن شركة مصرية لها فرع بيبيع مكن في قلب الصين، وإحنا بنعرض في معرض الصين الدولي وبنافس في الصينيين

المهندس منسي : أي واحد بيحب شغلته شغلته بتديله، فالحمد لله أنا مش بحب شغلتي، أنا بعشقها عشق، عشان كده الحمد لله بفضل من ربنا إحنا ماركة النهاردة وبراند عالمي

العميل : باشا إنت ما شاء الله علم وغني عن التعريف، وبجد إنت شوقتني إن يكون في بينا وبين بعض لقاء

العميل : أنا بس بقولك إن موضوع الـ ده ما سمعتوش من حد ولا حتى عندكم في الشركة، لو سمعته ما كنتش هدور على حد يصنع كنت هشتريها من عندكم، فعلاً عندكم المكنة بالطريقة دي بالسعر ده؟

المهندس منسي :  لا مش بالطريقة دي، هو اللي عندنا القطاعة والمكنة، الاثنين بيتضموا على بعض وبيتركبوا على بعض، مش بالطريقة دي، بطريقة تانية