ماكينات تعبئة الارز والسكر والعدس والبقوليات الاتوماتيك والنص اتوماتيك من شركة المهندس منسي
العميل : السلام عليكم
المهندس منسي : عليكم السلام ورحمة الله وبركاته
العميل : حضرتك أنا من السويس بعمل مشروع تعبئة مواد غذائية
المهندس منسي : آه تحت أمرك
العميل : ربنا يصلح حالك يا باشا، عايز أعرف المكن أسعاره إيه؟
المهندس منسي : إنت هتعبي حبوب وحبيبات ولا سوائل؟
العميل : لا سكر ورز ومكرونة وعدس وفاصوليا ولوبيا… بقوليات يعني
المهندس منسي : هو فيه مكنتين، في مكنة نص أتوماتيك سعرها يعني 18 ألف جنيه مصري، المكنة الأتوماتيك سعرها بيبدأ من يعني
العميل : حضرتك مكانك في العاشر؟
المهندس منسي : إحنا عندنا باب الشعرية، حدائق القبة، مدينة نصر، 6 أكتوبر، غمرة، العبور، المعادي
العميل : العبور أقرب حاجة ليا العبور بالنسبة للسويس، يعني ممكن أتصل بحضرتك وآجي أشوف المكن وهو شغال؟
المهندس منسي : إن شاء الله
العميل : طب بالنسبة للنص آلي دي مش فاهم شغلها، دي بتعبي وتغلف ولا نظامها إيه؟
المهندس منسي : النص أتوماتيك بتحطلها الكيس وهي تعبيه وفي بيبقى جنبيها سير إنتاجي كده تحطيه عليه ياخده ويلحمه ويوديه الناحية التانية
العميل : والأتوماتيك؟
المهندس منسي : الأتوماتيك بتفصل الكيس وبتعبي وتغلف وتنزل الكيس على طول
العميل : طب الأسعار دي مافيش فيها كلام تاني
المهندس منسي : إحنا شركة إنترناشيونال عالمية، أسعارنا موحدة
العميل : طب بالنسبة للأكياس والطابعة متوفرة؟
المهندس منسي : آه عندنا الأكياس آه
العميل : يعني لو عايز أطبع أكياس باسمي موجودة الأكياس وكل حاجة
المهندس منسي : آه موجودة بضاعة حاضرة
العميل : ماشي يا باشا، هجيلك بإذن الله، شكراً
