ماكينات تعبئة صوص مايونيز كاتشب نص اتوماتيك من شركة المهندس منسي
| العميل | : | السلام عليكم |
| المهندس منسي | : | عليكم السلام ورحمة الله وبركاته |
| العميل | : | شركة المنسي |
| المهندس منسي | : | أيوه |
| العميل | : | لو سمحت عايزه مكنة تعبئة نص أتوماتيك عشان عايزه أعمل زي صوص مايونيز، كاتشب… حاجات زي كده |
| المهندس منسي | : | بصي هو في مكنة مبسطة عاملينها للحاجات اللي هي لسه بادئة سعرها يعني 5400 جنيه مصري، دي حضرتك ممكن تجربيها الأول |
| العميل | : | طب حضرتك أصل أنا شغالة في شركة، الشركة بره مش في مصر، ليها فرع في مصر تمام |
| المهندس منسي | : | آه إنت شركة مش مشروع مبتدئ |
| العميل | : | لا مش مشروع مبتدئي |
| المهندس منسي | : | لا خلاص في مكنة نص أتوماتيك سعرها يعني 18 ألف جنيه مصري، المكنة الأتوماتيك سعرها بيبدأ من يعني |
| العميل | : | طب حضرتك ينفع تصورهم لي؟ |
| المهندس منسي | : | لا هو إنتي ممكن تشرفينا بالزيارة أفضل |
| العميل | : | أنا في إسكندرية حضرتك الشركة فين؟ |
| المهندس منسي | : | إحنا عندنا باب الشعرية، حدائق القبة، مدينة نصر، 6 أكتوبر، غمرة، العبور |
| العميل | : | طب مافيش هنا في إسكندرية لكم فرع؟ |
| المهندس منسي | : | إن شاء الله بنبني فيه دلوقتي قريب إن شاء الله هنشغله في برج العرب |
| العميل | : | طب أنا مش هعرف آجي القاهرة ما ينفعش حضرتك تصورها لي؟ |
| المهندس منسي | : | ابعتلي على الميل طلب عناوين وأنا هبعت لك تليفونات المبيعات |
| العميل | : | طب معلش القدرة الإنتاجية اللي هي بتاعت التعبئة واللي هي بتاعت الشركات |
| المهندس منسي | : | قصدك الصغيرة بتاعت المشروع المبتدئ؟ |
| العميل | : | آه |
| المهندس منسي | : | بتحدد بناء على المنتج، ولكن النورمال بتاعها في حدود 500 كيلو في الساعة، أما بتاعت المصانع الكبيرة حوالي طن، طن و200 في الساعة، ولكن المفروض إن الطاقة الإنتاجية دي بتتحسب بناء على المادة نفسها وعوامل الإنتاج، لما بديلك طاقة إنتاجية بديلك الطاقة الإنتاجية على أسهل وأبسط حاجة |
| العميل | : | تمام… خلاص يا أستاذ.. |
| المهندس منسي | : | هبعت لك تليفونات المبيعات هتابعي معاهم |
| العميل | : | خلاص أنا آسفة جداً حضرتك |
| المهندس منسي | : | ليه خدي راحتك |
| العميل | : | مرسي لذوق حضرتك، عن إذنك |
| المهندس منسي | : | اتفضلي |
