ماكينة الفاكيوم لتشكيل اكواب الايس كريم كود 605 ماركة مهندس منسي
العميل : مساء الخير يا ريت تعرفني ثمن مكنة الفاكيوم 605 هل بتشكل كبيات الآيس كريم؟ وثمن طن الخامات المستخدمة في تشكيل كبيات الآيس كريم وثمن الاسطمبا المستخدمة في تشكيل كبيات الآيس كريم وأنا من سوهاج فهل فيه تخفيض على المكنة وطن الخامات وهل فيه خامات مصرية
المهندس منسي : هو ثمن مكنة الفاكيوم 605 ماركة المهندس منسي لتشكيل الأكواب والعلب
وهي بتشكل كوبايات الآيس كريم آه، بتشكل كل الكوبايات بلا استثناء ومعاها كوبايات الآيس كريم الخامات ما بقدرش أدي سعر، لأنه الخامات أنواعها كتيرة، فيه بي إي تي، وفيه بولي استايرين أنتي شوك، وفي بولي بروبلين، والسكنس، والكمية… فلازم حضرتك تشرفنا عشان تتعرف على الخامات وتختار الخامة والسكنس اللي يعجبك وبناء عليها نقولك السعر هيبقى كذا الاسطمبة بالنسبة للاسطمبة بتاعت الكوبايات تعمل في حدود
العميل : خامات مصرية؟؟؟ ممكن
المهندس منسي : هو أنا ما بقدرش أرد على مكنتين ، يعني برد على مكنة وبعد ما نخلص خالص نرد على الثانية، عشان بنتلخبط، قصدك الأولانية ولا التانية؟ طب التانية ولا الأولانية؟؟؟ نبص نلاقي نفسنا ولا استفدنا بمعلومة
العميل : أيوه يا باش مهندس، بالنسبة للمكنة 605 هل هي لما بتحط لها الاسطمبة وبتطلع الكبابي بتاعت الآيس كريم، هل كل كوباية بتطلع لوحديها ولا بيطلعوا مع بعضيهم؟ وهل الاسطمبة اللي قلت عليها ثمنها بتطلع كام علبة آيس كريم؟ يعني بيكون فيها كام علبة آيس كريم في المرة الواحدة؟
المهندس منسي : آه بتطلع الكوبايات آه بس بتحتاج تتقطع، بطلعها كلها مع بعض كده وبتحتاج تتقطع أما بالنسبة لبطلع كام كوباية ده بيتحدد بناء على حجم الكوباية، يعني لو قلنا مثلاً كوباية 30 سم تطلع 60 كوباية في الضربة الواحدة
العميل : طب هل بتحتاج آلة في التقطيع ولا بتقطع بالإيد عشان دي تفرق طبعاً؟
المهندس منسي : آه لا لازم آلة للتقطيع، إنما لو عايز تقطع بإيدك عادي مافيش مشكلة عادي، إنما الأفضل تقطع بالآلة، والأفضل إن حضرتك تشرفنا بالزيارة عشان عملية الشات دي أنا أتكلم كلمة، وحضرتك تتكلم كلمة، أنا أنسى أنا قلت لك إيه أساساً وبعد كده أرجع أشوف أنا قلت إيه.. الأفضل يعني عشان نحس بالجدية يعني إن حضرتك تشرفنا بالزيارة، موجود المكن بضاعة حاضرة تعالى اتفرج عليه، وزيارتك طبعاً تشرفنا يعني
العميل : عنوان الشركة فين يا باش مهندس؟
المهندس منسي : اتصل بنا في الفروع التي تناسبك / ماكينات تعبئة وتغليف
عناوين فروع الشركة في هذا الرابط:
العميل : أنا أقصد الشركة الموجود بيها إنت
المهندس منسي : أنا أمر على كل الفروع يمكنك أن تسألهم عن تواجدي لأن الفروع كلها بيكونوا عارفين أنا فين بالضبط عن طريق اللوكيشن لايف
