ماكينة تعبئة التوابل النصف أتوماتيك  من شركة المهندس منسي 

 

العميل: السلام عليكم

المهندس منسي: وعليكم السلام

العميل: المهندس منسي

المهندس منسي: أيوه

العميل: لو سمحت أنا من الإمارات

المهندس منسي: أهلاً بيك

العميل: أهلاً وسهلاً… كان في عندي على الفيس بوك إعلان بخصوص المكنة تبع الأكياس واللحام وكده

المهندس منسي: آه

العميل: أيوه أنا بستفسر عن المكنة اللي هي بتعبي، هي بتعبي وتلحم ولا بتعبي بس؟

المهندس منسي: إنت عايز تعبي إيه؟

العميل: تعبئة توابل

المهندس منسي: آه موجودة عندنا

العميل:  25جرام، 50 جرام، 100، 250 جرام.. كده يعني

المهندس منسي: آه

العميل: هل الأكياس موجودة ولا… المكن ده بيصنع أكياس ولا بيعبي ويقفل معلش؟

المهندس منسي: عندنا الـ 2

العميل: طيب معلش آخد فكرة بقى عن المكنة اللي بتعبي الكيس وتلحمه

المهندس منسي: أتوماتيك ولا النص أتوماتيك

العميل: لأ نص أتوماتيك، الحاجة المعقولة، سعر معقول

نص أتوماتيك بتبدأ من

العميل: كويس، طيب دي أد إيه؟ وإنتاجيتها أد إيه في الساعة، يعني محتاجة إيه مساعدة يدوي… معلش أستفسر بعد إذنك يعني

المهندس منسي: بتنتج في الساعة في حدود 1500 عبوة

العميل: الكهربا بتاعتها كهربا عادية

المهندس منسي: كل مكن المهندس منسي كهربا عادية

العميل: طب الحجم بعد إذنك كام × كام، يستوعب مكان كبير شويه

المهندس منسي: يعني مكان مكتب كده

العميل: يعني مش كبيرة قوي، أد مكتب مثلاً هي المكنة

المهندس منسي: آه

العميل: طب دي هاف أتوماتيك، بتحتاج إيه يدوياً معاها معلش

المهندس منسي: ولا حاجة

العميل: يعني في حد يشغلها يدوياً، ولا يحطلها الخامات مثلاً

آه تحطلها الخامات وبعد كده تناولها الأكياس هي تعبيها، وبعد كده تاخدها تحطها على سير لحام سير اللحام يلحمها لك

العميل: آه يعني بتاخد منها يدوي وتودي سير اللحام، يعني هي تاخد الخامات تتحط مثلاً في أحواض مثلاً أو أماكن جوه المكنة

المهندس منسي: إن شاء الله…

العميل: طب الأتوماتيك بكام؟ اللي هي الكاملة بقى ….

المهندس منسي:

العميل: مافيش أي كلام أو أي تخفيض في الحاجات دي؟

المهندس منسي: إحنا شركة مالت إنترناشيونال شركة كبيرة

العميل: طيب أنا التليفون دوت إن شاء الله أنا نازل مصر بعد 20 يوم

المهندس منسي: تيجي تنورنا في أي وقت

العميل: ربنا يخليك يا سعادة الباشا، موجودين في القاهرة صح

المهندس منسي: إن شاء الله

العميل: في منتجات تاني عندكم

المهندس منسي: في عندنا حاجات كتيرة قوي لو جيت شرفتنا اتفرجت عليها حاجات جميلة قوي

العميل: أنا بسأل على رول الكيس نفسه أنا بجيبه من بره وبركبه في المكنة صح؟

المهندس منسي: عندنا برده

العميل: الرول نفسه تصنيعه عندكم ولا عندكم المكن بيصنع الرول

المهندس منسي: عندنا كله، الرول نفسه لو إنت عايز رول… لما حضرتك تشرفنا بالزيارة هتجيب معاك كيس أو كيسين نبقى نبص عليهم

العميل: ممكن أبعتلك عليه نوعية أكياس معينة

المهندس منسي: مافيش مشكلة ماشي

العميل: طيب يا سعادة الريس، أنا معاك الحاج حميدو أبو أحمد

المهندس منسي: ماشي يا باشا

العميل: إن شاء الله أنا بجيلك مخصوص عشان أشوف الموضوع ده… طب عندكم مطاحن توابل؟

المهندس منسي: عندنا آه، عندنا المطاحن بتاعت التوابل

العميل: طب المطاحن دي في أنواع منها حمولة معينة وزن معين بيطحن ولا…؟

المهندس منسي: كل الأوزان اللي إنت عاوزها، حضرتك بتقلي الطاقة الإنتاجية وأنا بقولك عليها

العميل: الوسط الصغير، المطحنة الصغيرة اللي تطحنلها 50-70 كيس في اليوم مثلاً توابل دي بتكون صغيرة طبعاً، دي بتكون في حدود كام سيادتك أسأل على سعرها؟

المهندس منسي: دي سعرها مش تبعي، أنا تخصصي مكن تعبئة وتغليف، وخامات تعبئة وتغليف

أي حاجة تانية حضرتك اتصل بالشركة وتابع معاها

العميل: طب الشركة رقمها كام

المهندس منسي: بص على رقم الشركة في الأرض وقول أ/ رحاب

العميل: ماشي شكراً يا سيدي، شكراً جداً

المهندس منسي: مع السلامة