ماكينة تعبئة زيوت في أكياس ذاتية الغلق

العميل : السلام عليكم

لو سمحت بستفسر عن ماكينة تعبئة زيوت في أكياس ذاتية الغلق

العميل : هل متوفر عند حضرتك هي حضرتك ممكن نعملها لك، ممكن نصنعها لك

باش مهندس منسي مساء الخير إزي حضرتك

أنا شفت مكن حضرتك وما شاء الله شغل جميل ربنا يوفقك

العميل : أنا فعلاً محتاج مكنة زي ديت أعرف طيب تكلفتها كام؟ وهل متوفر الأكياس دي بسهولة أقدر ألاقيها؟ لأنه زي ما حضرتك عارف ده فود جريد، يعني أكياس للأغذية فلازم يكون لها مواصفات معينة، أنا شفت منها كتير في مصر بصراحة الأكياس ديت بس ما أعرفش لسه بتيجي منين، ومحتاج يكون عليها الغطا ده، فهل حضرتك هتعمل لي المكنة اللي تركب الغطا ده وتقفله؟

وهل الخامات دي متاحة عندنا في مصر ولا مش متاحة؟

ولو كده حضرتك هتقولي المكنة هتبقى تكلفتها كام؟ وهتنتج لي أد إيه؟ لأن أنا عايز أعبي فيها زيت لتر، و 750 مللي، و 500 مللي، وشكراً لحضرتك

المهندس منسي : كل مكن التعبئة والتقفيل وإغلاق الغطاء ده كله موجود عندنا، وبالنسبة للخامات الماتيريال اللي هي الخامات بتاعت الأكياس دي أوردي موجودة بضاعة حاضرة، لو حضرتك عايز تاخدها وتختبرها وتعملها تحاليل ماعندناش مشكلة خالص، إحنا جايبنها كلها ألماني، كلها مصادر أوروبية، ألماني، وإيطالي، وهولندي، وبلجيكي

المهندس منسي : بالنسبة للكيس حضرتك بقى شرفنا بالزيارة نقعد مع حضرتك نشوف الكميات إيه، والديزاين إيه.. والحاجات ديت ونشوف هنصنعهولك إزاي

العميل : طيب يا هندسة دلوقتي أنا اللي خلاني أتجه إلى الكيس أنا كنت هجيب من عندك المكن التعبئة في أزايز البلاستيك، اللي هي أزايز الزيت العادية، فأنا التفت للكيس لشكله، ولأن أنا شايف إن الكيس هيقف عليا أرخص من الإزازة البلاستيك، هل الكلام ده حقيقي ولا الكيس هيقف عليا أغلبى بعد الطباعة والكلام ده كله، عشان أبدأ أشوف التوجه مع حضرتك هيكون على أنهي معدة، وشكراً لحضرتك

المهندس منسي : هو أعتقد الاثنين هيبقوا واحد، عشان دي خامات لامينتد، والخامات اللامينيت بتبقى غالية، ولكن هو رغبة العميل، اشتغل على رغبة العميل بدل ما تشتغل التكلفة، لأنه في الآخر رغبة العميل وجودة المنتج همه دول اللي هيحدده أنهي أنجح، فالنهاردة الناس مش بتبص على التكلفة أكتر ما بيبصوا على الجودة وبعدين يبصوا على التكلفة