ماكينة تعبئة زيوت نص اتوماتيك 2 نوزل كود 403 ماركة مهندس منسي

العميل : السلام عليكم

المهندس منسي : عليكم السلام ورحمة الله وبركاته

العميل : شركة إم تو باك يا فندم

المهندس منسي : أيوه

العميل : معاك حسن رفاعي من قنا

المهندس منسي : أهلاً بيك

العميل : أهلاً بحضرتك والله إحنا بننشئ مصنع تعبئة زيوت، وهنجيب إن شاء الله مكنتين صغيرين على قدينا مكنة تعبئة ومكنة نفخ أزايز زيت، ودخلت على النت عشان نشوف نجيب إيه؟ فلقيت اسم حضراتكم منور في النت فقلت نسأل نشوف الدنيا فيها إيه

المهندس منسي : إن شاء الله تيجي تنورنا

العميل : ربنا يخليك، حضرتك إحنا عايزين مكنة تعبئة زيوت 12 نزل

المهندس منسي : عندنا آه

العميل : كنا عايزين نعرف مواصفات الماكينات عشان صبينا الأرضية ووصلنا للإمدادات تحت المواسير اللي هنمشي فيها الكابلات، فكنت عايز أعرف إيه الفولت بتاعها والأمبير والحصان لو أمكن يعني؟

المهندس منسي : هو إنت  عايز مكنة 12 نزل؟

العميل : آه

المهندس منسي : طب ما تبدأ بـ 2 أحسن

العميل : أصل إحنا عملنا ترخيص للمصنع، مش مصنع صغير يعني…

المهندس منسي : خلاص ماشي، أصل عشان الخبرة بتاعتكم لسه قليلة فمن أولها لما تبدأ بسيط يبقى أحسن، ولكن 12 عادي

العميل : آه

المهندس منسي : إنت عايزها أتوماتيك ولا نص أتوماتيك

العميل : نص أتوماتيك

المهندس منسي : الـ 2 نزل سعرها كل اللي عليك هتاخد 6 وحدات 2 نزل وتربطهم ببعض بقت 12 نزل

العميل : طب حضرتك لو أمكن بالمصري عشان ما أعرفش سعر ال كام دلوقتي

المهندس منسي : يعني 27 ألف جنيه مصري

العميل : 27 ألف × 6

المهندس منسي : آه لو إنت عايزها 12 اضرب × 6

العميل : وتركيبها يبقى سهل الأجزاء دي

المهندس منسي : هي وحدات بتتحط جنب بعض، سيبك من الكلام ده كله

العميل : إيه الفولت اللي عايزينه كام فولت، وكام حصان….

المهندس منسي : إحنا كل شغلنا 220 فولت

العميل : دي ملهاش علاقة بالحصان؟

المهندس منسي : لا ملهاش علاقة بالحصان عشان المكنة نيوماتيك، بتشتغل بالهواء

العميل : بالهواء، طب حضرتك دول لو حسبنا تقريبياً كده أد إيه يعني

المهندس منسي : حضرتك يستحسن لو جيت شرفتنا بالزيارة

العميل : هاجي بإذن الله

المهندس منسي :  ماشي يا باشا

العميل : مع السلامة