ماكينة تغليف ازاة المياه المعدنية من شركة المهندس منسى

العميل : السلام عليكم

المهندس منسى : عليكم السلام ورحمة الله وبركاته

العميل : مع حضرتك يا فندم محمد أحمد من أسيوط بتصل بخصوص ماكينة مش عارف عند حضرتك ولا لأ، ماكينة تغليف بتاع الغطا بتاع الأزايز المياه المعدنية، اللي هوه البلاستيك التأمين ده من بره

المهندس منسى : عندنا آه

العميل : أنا عندي حضرتك جوالين مواد غذائية آيس كريم عايز أغلفها بطريقة تبان للعميل إذا حد فتحها أو لعب فيها، الجالون تقريباً 15 × 15 سم في ارتفاع 10 أو 11 سم

المهندس منسى : آه…. ماشي مافيش مشكلة موجودة

العميل : طب بكام وإيه؟

المهندس منسى : بتبدأ من

العميل : وتاخد أي أبعاد أنا بقول لحضرتك عليها، وإيه تغذيتها يعني تاخد مادة خام إيه بالضبط؟

المهندس منسى : تاخد إيه؟

العميل : مادة خام، يعني البلاستيك بتاعها اللي بتسيحوا من جوه

المهندس منسى : إحنا هنعرفك على كل حاجة وإنت قاعد

العميل : آه يعني حضرتك هتشرحلي عليها،

المهندس منسى : آه

العميل : ودي ينفع أكتب على السلوتيب أو البلاستر اللي هيطبع على الجالون ولا لازم يطلع شفاف، إنت عارف المياه المعدنية حضرتك بيحطوا بلاستيك عليها أو… مثلاً هل هيكتب ولا النظام إيه؟

المهندس منسى : آه ينفع نكتب آه

العميل : آه.. بـ ، ده سعر نهائي يا باش مهندس

المهندس منسى : إن شاء الله

العميل : طب مكان الشركة زي ما مكتوب في الموقع في باب الشعرية؟

المهندس منسى : إحنا عندنا حدائق القبة، مدينة نصر، باب الشعرية، 6 أكتوبر

العميل : أي فروع… هوه شريكي المهندس صلاح ممكن بينزل القاهرة كل 10-15 يوم، يجي حضرتك ولا تديني عنوان معين يجي عنده

المهندس منسى : براحتك العنوان اللي يعجبك

العميل : كل الأماكن فيها الماكينة دي اللي بقول عليها؟

المهندس منسى : إن شاء الله

العميل : طيب ماشي، طب مين معايا يا فندم؟

المهندس منسى : مع حضرتك المهندس منسي، يا ريت تبعت عينة معاه

العميل : أبعت عينة جالون فاضي صح كده؟

المهندس منسى : ماشي جالون فاضي ولو مليان يبقى تكرم

العميل : ما يغلاش عليك يا غالي، بس عشان هيسيح منه بس، خلاص أنا هديله تليفون حضرتك هوه المهندس اسمه المهندس أحمد وإن شاء الله وهو نازل القاهرة هخليه يعدي على حضرتك بإذن الله

المهندس منسى : إن شاء الله

العميل : شكراً، شكراً يا فندم

المهندس منسى : مع السلامة

العميل : السلام عليكم