ماكينة تغليف اطباق البيض بالشرينك وماكينة تشكيل اطباق البيض بالفاكيوم من شركة المهندس منسي

 

العميل : السلام عليكم

المهندس منسي : عليكم السلام ورحمة الله وبركاته

العميل : شركة المهندس منسي

المهندس منسي : أيوه

العميل : أنا دخلت على الموقع أشوف ماكينة تغليف بيض وتعبئة، أنا عايز أعمل زي الشركات اللي بتعمل كراتين البيض، بنفكر في الموضوع ده، فمشاء الله عندكم مكن كتير، فمش عارف أميز إيه أفضل حاجة تناسبني وتكون بسيطة يعني، تنصحني بإيه

المهندس منسي : هي مكنة تغليف الشرينك رقم الموديل بتاعها 101 ماركة المهندس منسي، سعرها أو ما يعادله بالجنيه المصري يعني 7200 جنيه مصري

العميل : دي بتغلف بيض،  كرتونة بيض، و 6 بيضات، 12 بيضات… كده ولا إزاي؟

المهندس منسي : بتغلف تغليف خارجي آه

العميل : بيبقى واقف عليها عامل

المهندس منسي : آه كل العملية إنك بتجهز المنتجات وبتحطها على السير وهي بتطلع من الناحية التانية متغلفة، أما لو عايز تحط البيض في طبق بلاستيك في مكنة عندنا بتصنع الطبق ده رقم الموديل بتاعها 605 ماركة المهندس سعرها يعني 27 ألف جنيه مصري

العميل : طيب الأولاني شرينك راب، ما بتعلمش الأطباق

المهندس منسي : لا ما بتصنعش الطبق بتغلف الطبق، حضرتك عايز تمسك الطبق البلاستيك وعايز تغلفه تغليف خارجي كله في بعضه، بتحطها فيها تطلع من الناحية التانية متغلفة

العميل : تمام.. التانية بقى 605

المهندس منسي : دي بتصنع طبق البيض البلاستيك

العميل : لا أنا بغلف بيض وببيعه بس

المهندس منسي : مافيش مشكلة، وهي مش شرط بتصنع أطباق البيض، بتصنع كل أشكال اللي تخطر على بالك

العميل : والشيتات البلاستيك بتبيعوها برده؟

المهندس منسي : آه بنبيعها آه

العميل : طب والشيت البلاستيك ده بكام؟ أنا بعمل دراسة دلوقتي بصراحة وممكن أجيلكم أتفرج بعيني

المهندس منسي : هو الشيت البلاستيك مالوش سعر محدد، هو بيبدأ من 40-45 جنيه وإنت طالع بقى لأنه خامات تشكيل البلاستيك خامات كتيرة قوي لا حصر لها ولا عدد…

العميل : مضبوط.. أنا إذا ربك سهل ورسينا على حاجة من دول، إحنا عندنا مزارع فراخ وبنعمل بياض وبنبيع للتجار، ففكرنا نعمل خط البيع ده دايركت، فهبدأ أشوف أنهي الخامات اللي شركة الوادي مثلاً بتجيبها أجيبها أنا وأبتدي أعرف عشان أنا ما أفهمش في اللاين ده خالص، لسه عايزين نفهم فيه

المهندس منسي : كده صح، إنت كده بتريحنا، إحنا دورنا بقى نعرفهولك ونخلي بالنسبة زي مزارع الدواجن بالنسبة لحضرتك كده

العميل : هي المعارض فين؟

المهندس منسي : إحنا عندنا باب الشعرية، حدائق القبة، مدينة نصر، 6 أكتوبر، غمرة، العبور، المعادي

العميل : حلو 6 أكتوبر فين؟

المهندس منسي : ابعتلي على الميل طلب عناوين وأنا هبعت لك رابط فيه العناوين كلها

العميل : وأنا هبص على المكنة موديل 101 و 605 وأروح هنا المعرض مش هنا هيسهل عليا أكتر

المهندس منسي : أكيد إحنا فاتحينوا مخصوص عشان خاطر يبقى سبورتد على الناس في المنطقة دي عشان ما نتعبهمش

العميل : عندك حق، ما شاء الله عليكم الويب سايت بتاعكم محترم، وأول ما فتحت على اليوتيوب لقيتكم، واضح إحنا بنحب نشتغل مع الناس اللي بتفهم زيكم كده بيريح

المهندس منسي : الله يبارك لك

العميل : خلاص هبعت لحضرتك على الميل وأنا هروح لهم زيارة أشوف كل حاجة بعيني

المهندس منسي : ماشي

العميل : اسم الكريم

المهندس منسي : المهندس منسي

العميل : حضرتك الباش مهندس شخصياً، ما شاء الله عليك، ربنا يزيدك، معاك ياسر عرفة

المهندس منسي : ماشي سعادة الباشا

العميل : مع السلامة