ماكينة تغليف بالسلوفان من شركة المهندس منسي
العميل: السلام عليكم
المهندس منسي: عليكم السلام ورحمة الله وبركاته
العميل:معاك الحاج بكري من الشرقية
المهندس منسي: أهلاً بيك
العميل: أهلاً وسهلاً، أنا تبع ليا صديق من الأردن اتصل عليا وعايز مكنة من عندك بتاعت تغليف عنده مصنع علب كارتون زي الباكو كدا بتاع زمان ، وعايز مكنة تغلفه اللي هي عبوات يعني، أنا للأسف الشديد معلش أنا سامع عنك إنت إنسان محترم
المهندس منسي: الله يبارك لك… إنت تيجي تنورني
العميل: المكنة دي موجودة عندك ولا هتستوردها ولا إيه بالضبط، ولا أخلي الراجل يكلمك
المهندس منسي: والله يستحسن لو هوه كلمني يبقى خير يعني
العميل: آه… هي تكلفتها كام؟
المهندس منسي: ما هي أنهي مكنة، إحنا عندنا مكن كتير قوي؟
العميل: التغليف…
المهندس منسي: ما هو التغليف ده كتير قوي.. يعني مكن التغليف ده كتير جداً
العميل: باش مهندس إنت مش عارف الباكو اللي بيبقي متغلف ورق شفاف اللي إحنا كنا بنجيبه زمان ده فاكره؟
المهندس منسي: بص يا سيدي عندنا 3 أنواع من ماكينات التغليف اللي هي بتغلف العلبة نفسها…
العميل: اه هي العلبه نفسها
المهندس منسي: يبقي مكنة سلوفان
العميل: ماشي ياباشا .. شكرا لحضرتك
المهندس منسي: مع السلامه
