ماكينة تغليف دواجن

العميل : السلام عليكم

ارسلي لو سمحت مكن التغليف

المهندس منسي : هو مكن التغليف أنواعه كتير، هو حضرتك عايز تغلف إيه؟

العميل : دواجن فراخ

المهندس منسي :  ممكن تبعتلي صورة للشكل اللي إنت عايز زيه؟

العميل : زي كده يا هندسة

المهندس منسي : هو الصور كده أنا شايف منها إنها تغليف بالشرينك تقريباً، يعني حضرتك بتحط الفرخة في كيس وبعدين بتحطها في مكنة الشرينك بتطلع من الناحية التانية منكمشة  عليها، أو بتحط الدجاجة في طبق، وبعدين بتحط الاثنين الدجاجة والطبق في كيس، وبتحطهم على مكنة الشرينك يطلع من الناحية التانية متشرنك جاهز، متغلف جاهز، فيستحسن لو جبت عينات وجيت جربت التغليف الأولاني، اللي هو التغليف من غير طبق، والتغليف بطبق

العميل : أيوه يا هندسة، لو عندك بتاعت الصورة الأولانية اللي بتبرشم الكيس من فوق لو عندك يبقى 100% نيجي نبص عليها

والثانية دي مش مشكلة التانية، مش مهمة التانية، بس لو إنت عندك الأولانية اللي بتبرشم البرشامة البلاستيك يبقى كويس ترسل المكنة

المهندس منسي :  دي صورة ماكينة لحام بسير أي تضع الدجاجة في كيس وترميها على السير تطلع ملحومة