ماكينة تغليف شرنج حراري يدوية
العميل : السلام عليكم
لو سامحت عاوز أستفسر عن ماكينة تغليف شرنج حراري يدوية
لو متاحة شكراً
المهندس منسي : نعم موجود لدينا كل ماكينات تغليف الشرنك بجميع أنواعها ومقاساتها وأشكالها لو سمحت تفاصيل
المهندس منسي : موديل الماكينة: 101 ماركة المهندس منسى
القوة الكهربائية المحركة: 220V 50HZ
الطاقة: 5 KW
سرعة موتور السير: 0-10m/min
حجم غرفة الشرنك – الفرن: 80 × 40 × 20 – 80 × 30 × 16 سم
وزن الماكينة: فى حدود 50 كجم
مقاس الفرن داخليا: 80 سم طول × 40 سم عرض × 25 سم ارتفاع
مقاس الماكينه من الخارج: 125سم طول × 60 سم × عرض 80 سم × ارتفاع
سعر الماكينة: يبدا من علما باننا ايضا نقبل التعامل بالجنيه المصري
العميل : خلاص تمام يا باشا، لو في إمكانية لو تبعتلي صور ليها أو فيديو ليها يبقى كتر ألف خيرك وسعرها بال هو ، أصل بتقولي يبدأ من ، فلو في إمكانية تبعتلي صورتها بالسعر بالمصري يبقى كتر خيرك، أو بال مافيش مشكلة بس يبقى السعر بالضبط يعني، شكراً
وزي ما قلت لحضرتك الرولات دي برده كنت عايز أعرف سعرها على أساس إن ديت اللي هي هتتحرق معانا يعني
المهندس منسي : بص هو الأسعار إحنا بنحطها بال عشان الحاجات دي بتبقى عقد بيني وبينك، يعني أنا دلوقتي قلت لك ساي ، إحنا ناس بنحترم كلمتنا قوي، يعني كلمة طلعتها من لساني انسى إن أنا أغيرها، فتيجيلي مثلاً بعد 6 أشهر، لأنه لاحظنا إن الناس بتيجي بعد فترة، فتيجي لي بعد 6 أشهر تقولي عايز أنفذ، أقولك اسكت هو إنت ما تعرفش، ده ال نزل، وال طلع، وال مش عارف إيه… فإنت ساعتها بتصاب بإحباط نفسي، فبنراعي النقطة دي
المهندس منسي : فكل العملية إنك بتجيب ورقة وقلم وتحسب سعر ال كام.. أي سعر هديهولك ضربه × 18 بس هو ده المقصود، إن إحنا بنحافظ على العميل من الإحباط النفسي، لأنه العميل أول ما بيصاب بالصدمة ما بيقولش ال هو اللي نزل، بيقول الشركة ديت ادتني سعر غلط، فالواحد عبال ما بيجمع حق المكنة ما بيصدق إن الحلم بتاعه خلاص هيتحقق، فهنا بنسعر بال عشان ضمان جدية الكلمة وضمان نسبي لسعر المكن وكده يعني
المهندس منسي : هي سعرها ، يبدأ من بالنسبة للمقاسات التانية، إنت مش محتاج المقاسات التانية في حاجة، هي سعرها ، إحنا كاتبين يبدأ من يعني المقاس الأولاني بـ ، المقاس التاني مثلاً بـ، المقاس التالت بـ ، المقاس الرابع… فإنت مش محتاج المقاسات دي كلها في حاجة، إنت محتاج المقاس الأولاني اللي هو بـ
نتائج البحث عن 101 ـ تعبئة وتغليف:
المهندس منسي : كله بيقبل دلوقتي على المكن السير لسرعتها الإنتاجية العالية، لأنها سريعة وإنتاجيتها عالية فريحوا دماغهم، ده رقم واحد
رقم اثنين الناس لما بتقبل على حاجة سعرها بيرخص، بيتعمل حاجة اسمها ماكس برودكشن، إنتاجية عالية، يعني أنا لو بعمل قطعة غيار واحدة أو 3 قطع غيار، أو 5 قطع غيار، هروح عامل ألف قطعة وأسيبهم في الستوك… وهكذا، لغاية ما تبص تلاقي السعر نازل قوي قوي لأدنى مستوى، أول ما الناس بتقبل على حاجة بتبدأ المهندس منسي : خطوط الإنتاج تشتغل عليها جامد، لأنهم ما بيهمش إن همه يصنعوه لأن الطلب عليها كويس، مش هيرقد عندهم
العميل : تمام يا باشا، أنا شفت الفيديو بتاعها كويسة ما شاء الله، بس الفكرة بس غير التانية خالص، التانية رول على بعضه، بتحط وتشتغل على طول على نفس الرول، لكن دي لازم الأول تقريباً بتلحم الكيسة، يعني في نظام كيسة بيتلحم وبعد كده بتخش على السير غير التانية، يعني ده نظام وده نظام
الله المستعان، مافيش مشاكل، طب الكيسة دي متاحة ولا إيه؟؟ أعتقد إن في منها مقاسات، متاحة المقاسات بتاعتها ولا فيها مشكلة؟ ولا مش تبعك أصلاً؟
المهندس منسي : بص هو مافيش حاجة في التعبئة والتغليف مش تبعي، في نظام بقى تاني نفس الفرن اللي بتتكلم عليه ده جنبيه حاجة اسمها قطاعة، القطاعة ديت بتعمل لك.. بتحط العلبة جواها وتقطع لك وبعد كده تخش على السير، دي تبعي ودي تبعي، القطاعة بتركب على الفرن
المهندس منسي : بص قلب في الموقع اللي أنا بعتهولك هتلاقي حاجات كتيرة، في حتة بحث فوق كده اسمها شرينك، محرك بحث صغير كده في الموقع، دور فيه، اكتب قطاعة شرينك وحاجات من دي
المهندس منسي : نتائج البحث عن 106 ـ تعبئة وتغليف:
المهندس منسي : ده رابط هتلاقي فيه فيديوهات بتاعت القطاعة مع الفرن
بالنسبة بقى للأكياس إحنا ممكن نقدمها لك رول، وممكن نقدمها لك أكياس جاهزة، أكياس جاهزة على أد المنتج، يعني ممكن نديها لك رولات، وممكن نديها لك أكياس جاهزة تحط المنتج وترميه، تحط المنتج وترميه، هو كده من غير لحام، بتحط المنتج وترميه جوه من غير لحام لأنه الشرينكينج بيعمل انكماش على المنتج فما بيحتاجش لحام، أو تيوب، ممكن نعملهولك تيوب
المهندس منسي : بص هو الأفضل إنك تيجي تعاين على الطبيعة، ده أفضل حاجة، بيبقى ضربة حرة مباشرة، بتشوف كل حاجة وإنت واقف، وبيشحولك الأكياس الملحومة، والأكياس المفتوحة من ناحيتين، والأكياس المقفولة من الجنب… كل حاجة
المهندس منسي : عندنا الأكياس كلها، إحنا شاملين يعني في التعبئة والتغليف من مكن والمواد كمان
العميل : تمام ألف شكر
العميل : السلام عليكم
أخبارك إيه يا باشا، معلش هتعب حضرتك معايا، الرول ده عند حضرتك موجود ولا لأ؟ ولو موجود سعره بالكيلو ولا إيه؟؟ أنا عايز عرض 30 سم، خامة متوسطة يعني، مش لازم تبق مطاطة معايا، شوف كده ولو موجودة عرفني سعرها كام
المهندس منسي : آه الاثنين موجودين آه، بس هو دلوقتي إحنا بنتكلم فيه إيه؟؟؟ إنت بعت لي صورة، فاللي باين في الصورة مثلاً ده ممكن يكون بي في سي، وممكن يكون بولي بروبلين، وممكن يكون بولي إيثيلين، وممكن يكون أنواع تانية… فإزاي أنا أحدد سعر خامة بناء على صورة، ما هو في أنواع كتيرة جداً من شكل الرولات اللي حضرتك بعتها دي
المهندس منسي : فهو يستحسن إن حضرتك تشرفنا بالزيارة تتفرج على الخامات ونقيت الخامة اللي تعجبك وهيدولك السعر وإنت قاعد
المهندس منسي : جميل عملية إنك تجيب المكنة من الصين فإنت هتتعرض لمشكلة عندنا، هي إنك هتيجي هتحتاج تركيب وتشغيل ماحدش هيفيدك، ماحدش هيركب لك وهيشغل لك، لأن إنت ما اشتريتش المكنة من هنا، مش عارف بقى أنا بالنسبة لي مش هقدر أبقى سبورتد عليك حتى لو اشتريت مني خامة
العميل : هي دي المكنة اللي بقولك عليها يا باش مهندس الأتوماتيك دي، هي نفس الفكرة السير والكلام دوت بس أتوماتيك بتاعها اللي هي تقطيع.. يعني قصة أتوماتيك شويه عن اللي عندنا، هو قالي من 20-32 ألف، فهو أنا إن شاء الله عاجباني الفكرة عندك بس هي الفكرة لازم في لأول مقص، أدخلها في أكياس، ما أدخلهاش في رول، محتاجة تعب شويه، فلو في إمكانية توفر لي دي عندك يبقى زي الفل، التانية الصغيرة ديت مش هتسعفني، بس أنا في الأول قولت أجرب الدنيا بس مش أكتر
العميل : وبرده إنت تفيدنا يا باشا إنت خبرتك في المجال ده كبيرة، تفيدنا يعني بالصح والخطأ
المهندس منسي : هو بالنسبة للمكنة الأتوماتيك كل الغالية العظمى اللي عندنا حلوا المشكلة بإنهم يحطوا المنتج في كيس واسع قوي، واسع بنسبة 30%، ويرموها في السير بيحلوا المشكلة، خلاص مابقاش في مشكلة، عملية الأتوماتيك اللي هو ياخد من فردة، والفردة بتتني بعد ما يغلف ويقص وبتتني لوحدها، بتهلك معاهم، يتصلوا بالشركات على أساس ياخدوا مقاسا معينة وما بيلاقوش فدي بتسبب لهم مشكلة
فهمه حلوا المشكلة بإن همه بياخدوا الفرن ده ويحطوه في تيوب، التيوب ده بيبقى واسع عشان ما يستهلكش معاهم عمالة، فبيروح حاطط على طول على طول ويروح رامي على السير
العميل : تمام يا باشا خلاص مافيش مشكلة، هي فكرة السير أسرع طبعاً وكويسة، والتكلفة مش جامدة يعني بنتكلم في 8 أو جنيه مش تكلفة جامدة، لأن المكنة دي أقل تكلفة فيهم ممكن تعملها في حدود 50 ألف جنيه هبال ما توصلنا حوالي 100
