ماكينة شرينك أتوماتيكية لتغليف برطمنات الزيتون
العميل : صباح الخير أنا صبحي اللي كلمت حضرتك بخصوص المكنة ده
عاوز أعرف مواصفاتها وسعرها بعد إذنك وهل هي متوفرة وعنوانكم بعد إذنك
العميل : صباح الخير يا باش مهندس منسي، إزي حضرتك، أخبارك إيه
مع حضرتك صبحي، كنت عايز أعرف بس هل المكنة دي متوفرة عند حضرتك ولا لأ، ولو مش متوفرة لأني أنا اتكلمت وبيرد عليا ناس تانية على الأرضي يعني وماعندهومش الدراية الكافية لكل المكن البديل بتاعه يعني، فأنا عايز لو مافيش منها نفسها كده يبقى عايزين البديل بتاعها، تمام، وأكون شاكر جداً ومعلش لأن العميل عندي مستعجل عليها، فأتمنى إني آخد رد سريع كده وربنا يسهل الحال، أشكرك جداً
العميل : أنا آسف على الإزعاج يا بشمهندس مساء الخير يا باش مهندس، إزي حضرتك
بالنسبة للعميل بيقولي الـ 45 اللي حضرتك قلت عليها، هو بيعبي برطمانات زيتون، بيغلف برطمانات زيتون، فبيقولي للمقاس 35 × 45 بيقولي ده بالنسبة لنا كويس يعني، ينفع نيجي نبص على المكنة كده ونخلص فيها بإذن الله النهاردة عشان برده العميل مستعجل بس عليها، ومحتاج من حضرتك سعرها وهتقابل مع مين هناك لأنه واضح إن حضرتك مش متواجد على طول هناك، فهتقابل مع مين هناك هو اللي هيخلص لي الدنيا يعني، وأنا شاكر وآسف على الإزعاج مرة ثانية
المهندس منسي : اتصل بنا في الفروع التي تناسبك / ماكينات تعبئة وتغليف
ستجد تليفونات مبيعات الشركة وعناوين فروع الشركة في هذا الرابط:
العميل : هو دي تليفونات بتاعت الفروع والعناوين، وكل فرع هتلاقي تليفوناته موجودة
طيب بالنسبة للنوعية برده عشان يبقوا عارفين يعني، أقولهم رقم كام أو النوع إيه يعني حضرتك فهمت اللي العميل عايزه، عايز اللي هي 35 × 45 دي، وهو بيغلف برطمانات الزيتون، فعايز برده يعرف هو هيناسبه ولا مش هيناسبه، يعني حضرتك تفيدنا في الموضوع ده قبل ما ناخد الحاجة، واختار لي المناسب للموضوع ده وقولي يعني، يعني أروح هناك المعرض أقولهم إيه النوع اللي أنا عايزه بالضبط
العميل : معلش يا باش مهندس منسي، طب أنهي فرع اللي فيه المكنة دي بالذات؟ أنا شايف بسم الله ما شاء الله ربنا يزيد ويبارك أكتر من فرع، أنهي فرع ألاقي فيه المكنة دي اللي حضرتك قلت لي عليها الـ 35 × 45؟
المهندس منسي : خلي العميل بس يبعت لنا الأبعاد بتاعت الكرتونة أد إيه، أو أبعاد البرطمانات عرض × ارتفاع، الطول مش مشكلة لأن المكنة كونتنيوس، عرض × ارتفاع، عرضها كام × الارتفاع كام، هو الارتفاع تقريباً مافيهوش مشكلة، العرض بس عايزين نشوف العرض أد إيه؟؟
المهندس منسي : كل الفروع زي بعضها، يعني حتى لو الفرع ده نقص منه حاجة بيتصل بالفرع اللي فيه بيجيبها لك، هي المكنة اسمها تغليف شرينك موديل 101، خليه يتأكد بس يجيب لنا بس العرض + الارتفاع، وخليه يجيب الطول برده على أساس إنه ممكن يجيب الطول على أساس إنه العرض، خليه يجيب الطول برده وإحنا بالنسبة لنا هنتلاشى الطول خالص
العميل : تمام يا باش مهندس، أنا العميل رد عليا قالي بالنسبة للعرض في حدود 30 سم ـ 33 سم.. في الحدود دي
العميل : طيب يا باش مهندس معلش مش اللي هي 35 دي يعتبر العرض اللي عند حضرتك، هل هتمشي في حالة إنها كانت 30 مضبوط؟ أو 32 أو 33 أو أياً كان يعني، يعني الكام سم دول هيفرقوا في المكنة اللي حضرتك بتقول عليها 35 × 45؟
المهندس منسي : لا مافيش مشكلة خالص هتشتغل عادي، بس اتأكد بس الأول من العرض اللي موجود إيه؟ وخليه بس يتأكد لك من المقاسات أفضل
تمام يا بشمهندس أنا بعت على المقاسات بالظبط وربنا يسهل الحال
العميل : إزيك ياباش مهندس أخبارك إيه
بص هو عنده كرتونة فيها العرض 30، وكرتونة تانية عنده العرض 32، يبقى تقريباً الـ 35 دي شغالة معاه ولا نعمل إيه بالضبط؟
المهندس منسي : آه شغالة آه، موجودة بضاعة حاضرة إن شاء الله، كلم بقى تليفونات المبيعات اللي أنا بعتها لحضرتك قبل سابق وشوف هتروح أنهي فرع وكده
العميل : باش مهندس منسي أنا كلمت الحاج شوقي ورايح له دلوقتي أنا خلاص مافيش بينه وبينه 10 دقايق، أنا رايح له المعادي، بص أنا عايز مكنتين فأنا عايزك تضبطني في الأسعار، تقولي هتعمل معايا واجب فيهم
المهندس منسي : أنا قدامي بالضبط 10 دقايق وأوصله أنا في المعادي دلوقتي على الدائري
العميل : في انتظار السعر الحلو أنا عند الحج شوقي إزيك يا باش مهندس منسي، أنا مستني منك الأسعار الحلوة يعني
المهندس منسي : عنينا ليك، ولكن هو إحنا شركة عالمية شركة إنترناشيونال، هو كل العملية إن أول مكنة ما عليهاش خصم، تاني مكنة بيبقى عليها خصم 5% على أساس بتريحنا شويه في خدمة ما بعد البيع عشان التكنيكال اللي بيجيلك بيبص على المكنتين مرة واحدة، فده لو دل على شيء فبيدل على إن إحنا شركة محترمة في خدمة ما بعد البيع
