ماكينة طحن التوابل وماكينة تعبئة التوابل كود 905 ماركة مهندس منسي

العميل : السلام عليكم

المهندس منسي : عليكم السلام ورحمة الله وبركاته

العميل : بكلم حضرتك على مكنة تعبئة العطارة المطاحن اللي عند حضرتك إيه المتوفر دلوقتي؟

المهندس منسي : لا هو إحنا عندنا مكن تعبئة وتغليف

العميل : إنت كنت حاطط مطاحن في الأول

المهندس منسي : نادرة قوي لما حد بيطلبها

العميل : آه… أنا طبعاً هجيب الحبوب حصى فحتاج مطحنة

المهندس منسي : عادي نقدر نوفر لك كل الحاجات ديت، ولكن همه بيطحنوا لدى الغير، ولكن لو عايز نجيب لك مطحنة نجيب لك مطحنة

العميل : يستحسن لما تطحن الحاجة بنفسك وتتحكم في الدرجة بتاعتها

المهندس منسي : مضبوط آه

العميل : أنا عايز مكنة تعبي من 10 أو 20 جرام لحوالي 80 أو 100، وتكون لحام رباعي، ويكون فيها هانجر، علاقة يعني، وتوفر كمان لو في الخط بتاع الإيزي أوبن ده يبقى حلو قوي

المهندس منسي : مافيش مشكلة

العميل : فأنا شفت المكنة 905 تقريباً فيها الحاجات اللي أنا طالبها

المهندس منسي : مش تقريباً هي فيها الحاجات اللي حضرتك طالبها

العميل : بس أنا مش عارف هل المكنة الحجمية هتقضي الغرض بالنسبة لكل العطارة ولا هحتاج حاجة لبودر شديد النعومة؟

المهندس منسي : هو إحنا مصنعين، إحنا ماركة وبراند عالمي، مش تجار بنجيب المكن ونبيعوا

العميل : أنا عارف عشان كده باخد منك المشورة ومتأكد إنك هتقولي الحاجة صح، يعني إنت تصنحني أجيب الحجمية ولا أشتري الأوجر بتاعت البودر

المهندس منسي : الأوجر أغلى، ولكن إنك هتشتري الأوجر بافتراض إن في حاجة فيهم مش هتتبقى بيها، يعني من أولها هنجيب المكنة نفترض إن الحاجة مش هتتعبى بالأوجر والأساس بتاعنا نسيبه؟؟؟ المفروض إن إحنا بنعمل الأساس الأول، لما يحصل معانا مشكلة إن المادة دي مش راضية تتعبى على النظام دوت، نبدأ نقول إيه الحل؟؟ نقول نجيب الأوجر ونركبه على نفس المكنة

العميل : ينفع على نفس المكنة؟

المهندس منسي : إن شاء الله، إنت بتتعامل مع المهندس منسي يا برنس

العميل : إنت كده ريحتني، أنا بصراحة همه كلامهم أنا مش مقتنع بيه، هو عايز يبيع لي البودر بالعافية…

المهندس منسي : بص الله يرضى عليك أنا ما بحبش أتكلم على أي حد

العميل : طب دلوقتي أنا ادتله عينات من ضمنها الشطة، فقالي ده في المكنة الحجمية الحاجة إنت عارف بتنزل في كوباية، فلما بتنزل بتطلع هبو، الهبو ده هيعمل لك مشاكل هتيجي في اللحام ممكن المكنة ما تلحمش

المهندس منسي : كل العملية اللي أعرفه حاجة  واحدة، حضرتك هتجيب المنتجات بتاعتك ونبدأ نعبيها واحدة بعد واحدة، ولكن لما تيجي تقول في حاجة فيها مشكلة، ما تبدأش باللي فيها مشكلة، إحنا مثلاً عندنا 12 منتج، اشتغلت فيهم 10 كويسين، في 2 منهم فيهم مشكلة، نبدأ نشوف مشكلة الـ 2 إيه، مش من أولها نشوف اللي فيهم مشاكل ونتعقد

العميل : تمام.. طيب حتى لو مش على نفس المكنة ممكن نجيب حاجة نص أتوماتيك نكمل بيها صح؟ متوفرة النص أتوماتيك؟

المهندس منسي : آه عندي متوفرة النص أتوماتيك، ومتوفرة سير إنتاجي للنص  أتوماتيك، متوفر كل ما يخطر على بالك

العميل : إنت دلوقتي ادتني المعلومة صح وريحتني، بس مش تيجي تقولي يا كده يا بلاش

المهندس منسي : لا بالنسبة لنا العملية عندنا مرنة لأن إحنا مصنعين

العميل : أنا فاهم المصنع غير المستورد، المستورد تاجر يجيب الحاجة ويبيعها لكن هو ما بيتدخلش فيها

المهندس منسي : إحنا كمان عندنا فرع بيبيع مكن في قلب الصين، اكتب على النت المهندس منسي في معرض الصين الدولي، مين جتله الجرأة يروح يعرض في معرض كانتون الدولي

العميل : ربنا يطمنك، طيب يا فندم، أنا كده لو طلبت المطحنة ممكن توفرها لي؟ إنت كنت حاطط كذا موديل، لو طلبت موديل معين ممكن توفرها لي مش كده

المهندس منسي : آه.. آه.. كل اللي عليك تاخد برنت سكرين أو تاخد الرابط نفسه وابعتهولي

العميل : طيب أتواصل مع حضرتك ميل ولا أكلم حضرتك تاني،  أنا إن شاء الله هشوف العينات وأتواصل مع حضرتك

المهندس منسي : لا عادي عايز بالإيميل… براحتك

العميل : ماشي يا فندم، بالنسبة للتعاقد مطلوب مني إيه؟

المهندس منسي : مطلوب تجيب فلوسك وتشيل مكنتك

العميل : طب لو المكان مش جاهز ممكن أحجزها ولا لا؟

المهندس منسي : عادي دي أو دي

العميل : متوفرة يعني، وقت ما أبقى جاهز آجي..

المهندس منسي : بس في بعض الأوقات بيبقى فيه مواسم ما بنبقاش عاملين حسابنا

العميل : أنا بتكلم في 3 أسابيع مش بعيدة يعني

المهندس منسي : آه تيجي تنورني في أي وقت

العميل : طب خلال أسبوع 10 أيام هكلم حضرتك عشان آجي أتعاقد على المكنة، والمطحنة هقولك عليها قبليها بشويه عشان تجهزها لي صح كده

المهندس منسي : مضبوط آه

العميل : ماشي يا فندم، أنا سعيد إن أنا كلمت حضرتك

المهندس منسي : أنا اللي أسعد

العميل : ماشي شكراً يا فندم، مع السلامة