ماكينة طحن السمسم وتحويلة الي طحينة موديل 810 ماركة مهندس منسي
| العميل | : | السلام عليكم |
| المهندس منسي | : | عليكم السلام ورحمة الله وبركاته |
| العميل | : | بقول لحضرتك أنا كنت عايز أستفسر عن خط إنتاج الطحينة، معلش أنا آسف عشان التوقيت |
| المهندس منسي | : | لا ولا يهمك |
| العميل | : | الله يكرمك، خطوط الإنتاج بتاعت الطحينة إيه نظامها؟ |
| المهندس منسي | : | هو حضرتك عايز تعمل الطحينة نفسها؟ |
| العميل | : | آه، أنا سألت كان في ورشة لصناعة الآلات بس النظام بتاعها كان البلدي، محمصة بلدي، والحجر.. فأنا عايز أستفسر عن حاجات أكتر |
| المهندس منسي | : | هو إحنا عندنا مكنة بتطحن السمسم وبتنزله في هيئة طحينة، وفي مكنة تانية بتعبي الطحينة |
| العميل | : | طب هو حضرتك عندك مكنة بيتحط فيها سمسم وبينزل طحينة |
| المهندس منسي | : | آه مكنة بيتحط فيها سمسم وينزل طحينة على طول |
| العميل | : | آه بس سمسم بعد معالجته بقى اللي هي التحميص والتقشير والحاجات دي كلها الأول وبعد كده بيتحط فيها مرة واحدة |
| المهندس منسي | : | بالنسبة لها مش فارقة، بتاخد السمسم في أي صورة |
| العميل | : | طب سعرها إيه المكنة دي؟ |
| المهندس منسي | : | |
| العميل | : | يعني حوالي كام كده؟ |
| المهندس منسي | : | 54000 جنيه مصري |
| العميل | : | آه.. ديت اللي هي المفروض اللي هي زي الحجر بتاع الطحينة |
| المهندس منسي | : | لا مش زي الحجر بيبقى ليها نظام تاني بتبقى بسيطة شويه |
| العميل | : | آه.. بس الأول لازم طبعاً المعالجة بتاعت السمسم اللي هي التقشير والحاجات دي لأنه طبعاً ما ينفعش تتعمل بالقشر بتاعها؟ |
| المهندس منسي | : | هو الكيفية نفسها هي المكنة اللي عندنا بتاخد أي منتج وتطحنه، يعني بتاخد الفول السوداني وتطحنه، تاخد السمسم تطحنه |
| العميل | : | آه.. طب بالنسبة لمكنة الطحن دي مستوردة ولا مصنعة؟ |
| المهندس منسي | : | مستوردة صيني آه |
| العميل | : | في منها تركي بتهيقلي |
| المهندس منسي | : | آه.. إحنا بنتعامل مع الصين بس |
| العميل | : | ده السعر النهائي |
| المهندس منسي | : | إن شاء الله |
| العميل | : | طب ماشي جزاك الله خير، هي دي تعتبر أسهل بكتير من الحجر، وسعرها قريب من الحجر برده |
| المهندس منسي | : | مضبوط آه |
| العميل | : | جزاك الله خير، وألف ألف ألف شكر |
| المهندس منسي | : | مع السلامة |
| العميل | : | السلام عليكم |
